МАН-ын Ерөнхий нарийн бичгийн дарга Д.Амарбаясгаланд холбогдох гомдол АТГ-т иржээ. Тодруулбал, МАН-ын генсек төрийн албанд оруулж өгнө гэж 30 сая төгрөг авсан гэж АТГ-т иргэн Г ханджээ.  АТГ-аас энэ талаар тодруулахад "МАН-ын Ерөнхий нарийн бичгийн дарга Д.Амарбаясгалан албан тушаал наймаалцсан гэх гомдол ирсэн, шалгаж байгаа" гэсэн хариу өгсөн юм. МАН-ын Ерөнхий нарийн бичгийн даргаас энэ асуудлаар тодруулга авах гэсэн боловч гадаадад ажлаар яваа аж. Харин тус намын хэвлэлийн албанаас энэ мэдээллийг үгүйсгэсэн юм.  Юутай ч АТГ-аас МАН-ын Ерөнхий нарийн бичгийн дарга албан тушаал наймцаалцаж, их хэмжээний мөнгө авлигад авсан гэх иргэнээс ирсэн гомдлыг шалгаж, нягталж байгаа юм байна.

Б.БАТ