“Урвуулагч” хэмээх шороон гахай жилийн сар шинийн барилдаан эхлэхэд долоон хоногийн хугацаа үлдлээ. “Буянт-Ухаа” ордонд болох бөхийн барилдааны тасалбар 10 мянган төгрөгийн үнэтэй бөгөөд худалдаанд гараад удаагүй ч эрэлт ихтэй байгаа аж.

Уг ордон 5000 хүний суудалтай ч нэг хүнд хоёроос илүү билет өгөхгүй байгаа юм байна. Иргэдийг билетээ авахдаа иргэний үнэмлэхтэйгээ ирж авахыг сануулжээ. Учир нь жил бүр тасалбар дамлан шаглаж зарах асуудал гардаг учраас ийм арга хэмжээ авсан байна. Сар шинийн барилдааны билетийг “Буянт-Ухаа” спортын ордоны билетийн кассаар худалдаалж байгаа аж.