Оросын хөнгөн цагааны "Русал" компанийн хувьцааны ханш Хонконгийн Хөрөнгийн бирж дээр Даваа гаригт /2019.01.28/ 7,7 хувийн өсөлттэйгөөр арилжааг эхлүүллээ.

АНУ-ын зүгээс Оросын компаниудад тавиад байсан хоригоос хэд хэдэн компанийг хассаны нэг нь “Русал” бөгөөд ийнхүү хоригоос мултарсан нь ханш өсөхөд нөлөөлсөн байна.

"Русал"-ын ханш 3,21 хонконг доллар буюу 0,41 ам.доллараар арилжааг эхлүүлжээ.

Оросын олигарх Олег Дерипаскагийн эзэмшлийн "Русал", En+, "Евросибэнерго" компаниудад тавьсан хоригийг Ням гаригт АНУ бүрэн цуцалсан юм. Гэхдээ Олег Дерипаскад тавьсан хориг хэвээр байгаа юм.

Эх сурвалж: РИА НОВОСТИ