Бүлэг нь гишүүнгүй, хот нь даргагүй | News.MN

Бүлэг нь гишүүнгүй, хот нь даргагүй

Бүлэг нь гишүүнгүй, хот нь даргагүй

Бүлэг нь гишүүнгүй, хот нь даргагүй

Сандал суудлын хэрүүлээс болж,  хотын даргаа огцруулж, УИХ-ын даргаа чөлөөлөхөөр болсон эрх баригчид өнөөдөр ч эв зүйгээ олоогүй л явна. Даваа гариг бүрт  УИХ дахь намын бүлэг хуралддаг дэгтэй ч гишүүдийнх нь ирц бүрдэхгүйгээс хойшлов.  Маргааш нөгөөдөр ч ирц бүрдэх эсэх нь эргэлзээтэй байна.  Өнөөдрийн хувьд эрх баригч намын бүлгээс 25 гишүүн орон нутагт ажиллаж буй ажээ.

Уг нь УИХ-д 64 гишүүнтэй бүлэгт 25 нь  томилолтоор ажиллахад ирцэд  нөлөөлж, төрийн ажил гацаах ёсгүй ч УИХ-ын даргыг огцруулахыг шаардаж, бойкот хийсэн  40 дотроо учраа олохгүй бужигнаж эхэлсэн мэдээлэл байна. Энэ баттай бол УИХ-ын дарга М.Энхболдыг огцруулах асуудал хойшилж, Ж.Батзандан, Л.Оюун-Эрдэнэ нар хэлснээрээ өлсгөлөнгөө зарлахаас аргагүй. Жирийн иргэд өлсч байснаас  таван гишүүн өлссөн нь хал балгүй юм.

Хотын даргын асуудлаас болж, НИТХ дахь МАН-ын бүлэг мөн л учир зүйгээ олоогүй, хэрүүлтэй сууна. Хотын даргыг чөлөөллөө гэж нэг хэсэг бужигнасан бол одоо “Ардын хүү давж болдоггүй сунгаа юу” гэцгээн үзэлцэж байна.

Хуулиараа Ерөнхий сайд У.Хүрэлсүх хотын даргыг батламжлах ёстой. Гэтэл С.Мөнхчулууныг хүлээн зөвшөөрөх нь УИХ-ын дарга М.Энхболдын фракцад  гараа өргөөд бууж өгснөөс ялгаагүй үйлдэл болох тул буруу харж уйлж, зөв харж ярвайж явсаар орон нутгийг зорьжээ. Өнөөдөр Сүхбаатар аймагт ажиллаж байгаа аж.  Гэвч орон нутагт ажиллалаа гээд хотын даргын асуудлыг шийдэх боломжгүй тул хуульд заасан хугацаанд багтаан нэг бол С.Мөнхчулууныг хотын даргаар батламжлах, эс бол буцааж дараагийн гаргалгаа олтол цаг хожих гэсэн хоёр хувилбараас өөр замгүй л явна.

Г.ХОРОЛ

"Болор дуран"-аар шалгав.
Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-01-28 203.91.118.247

Миеэ-н МАНАН, 60 тэрбумынханыг хотоос зайлуулах гэж Су.Батболдыг явуулчаад дахиад Миеэ-н хүнийг хотын даргаар тавина гэж байхгүй ш дээ, наад Мөнхчулууныг чинь батлахгүй ш дээ, \nТэгээд ч юун хотын дарга вэ, хэлтэсийн дарга аа ч муу хийдэг нөхөр гээ биз дээ

Avatar

Zochin 2019-01-28 103.229.121.19

Огцорч л таарааш дээ,дандаа хов хутгасан юм бичих юм,болимоор юм.

Avatar

МИЕЭ ЭНХБОЛД НАРЫН ОЛОН ЖИЛИЙН ГАЙ ТҮЙТГЭРЭЭС ЭНЭ БҮХ БОЛЖ БҮТЭХГҮЙ ЗҮЙЛҮҮД ЭХЛЭЛТЭЙ 2019-01-28 103.57.95.76

Мие Энхболд нарын авилгачин, луйварчин, наймаачдын бүлэглэл Монгол улсыг мөхөөж байна. ҮТЭР түргэн комоор нь зайлуул

Avatar

Зочин 2019-01-28 66.181.169.110

МАНАН бүлэглэлийг үндсээр нь ховх авч хаяж үзээд л зөвддөг, бурууддагаа үзсэн дээр байхаа. Батлахгүй буцаавал яасын.

NewsMN Гар утасны хувилбар Татах
NEWS.mn

Мэдээллийн эх сурвалж