Монголын бөхчүүд Красноярскийн дэвжээнээс 15 медаль хүртэв | News.MN

Монголын бөхчүүд Красноярскийн дэвжээнээс 15 медаль хүртэв

Монголын бөхчүүд Красноярскийн дэвжээнээс 15 медаль хүртэв

Монголын бөхчүүд Красноярскийн дэвжээнээс 15 медаль хүртэв

“Мюнхен-1972”, “Монреаль-1976” олимпийн наадам, “Тегеран-1973” ДАШТ-ий алтан медальт, ОХУ-ын нэрт бөх Иван Ярыгиний нэрэмжит Гранпри тэмцээн нэгдүгээр сарын 24-27-нд Красноярск хотод түүний нэрэмжит спорт цогцолборт боллоо. XXX уламжлалт тэмцээнд ОХУ, Монгол, АНУ, Куба, Япон, Болгар, Беларусь, БНХАУ, Турк, Герман, Йордан, Румын, Казахстан, Узбекистан,Унгар, Туркменистан, Норвеги гэсэн 17 орны 187 тамирчин эрэгтэй, эмэгтэйчүүдийн тус бүр 10 жинд өрсөлдөв. Красноярскийн дэвжээнд манай улсын 50-иад тамирчин зодоглосноос хоёр алт, хоёр мөнгө, 11 хүрэл, нийт 15 медальтай эх орондоо ирэхээр болж байна.

Эмэгтэйчүүдийн 68 кг-ын жинд хөдөлмөрийн баатар, гавьяат тамирчин С.Батцэцэг хоёр, 57 кг-д гавьяат тамирчин С.Цэрэнчимэд анх удаа түрүүлж Монгол Улсын алтан соёмбот далбаагаа мандуулж, төрийн дууллаа эгшиглүүлэв. Тэд Монголын бөхчүүдээс Красноярскийн 13, 14 дэх алтан медалийг эх орондоо авчирсан юм. Эрэгтэйчүүдийн 70 кг-д “Алдар” спорт хорооны тамирчин, гавьяат тамирчин Г.Мандахнаран, эмэгтэйчүүдийн 68 кг-д “Алдар” спорт хорооны тамирчин Э.Даваанасан мөнгө, эрэгтэйчүүдийн 57 кг-д “Хасу-Мегастарс” клубийн тамирчин Н.Насанбуян, 65 кг-д “Алдар” спорт хорооны тамирчин Б.Батмагнай, 70 кг-д Баянхонгор аймаг, “Хонгор нутаг” дэвжээний тамирчин спортын мастер Э.Бямбадорж, 86 кг-д “Алдар” спорт хорооны тамирчин ОУХМ О.Үйтүмэн, 92 кг-д “Хасу-Мегастарс” клубийн тамирчин ОУХМ Б.Өлзийсайхан, эмэгтэйчүүдийн 53 кг-д “Хилчин” спорт хорооны тамирчин ОУХМ Э.Сумъяа, 55 кг-д спортын мастер “Женко” клубийн тамирчин спортын мастер Б.Болортуяа, 59 кг-д “Хасу-Мегастарс” клубийн тамирчин ОУХМ А.Батцэцэг, 65 кг-д “Хилчин” спорт хорооны тамирчин ОУХМ З.Болортунгалаг, 68 кг-д “Хасу-Мегастарс” клубийн тамирчин ОУХМ Э.Дэлгэрмаа, 72 кг-д “Алтай” констракшн, Төмөр замын Цагдаагийн газрын тамирчин, гавьяат тамирчин О.Насанбурмаа нар хүрэл медаль хүртлээ. Түүнчлэн манай Э.Бэхбаяр, Ц.Чинзориг, Г.Отгонбаатар, Т.Тулга, Ө.Батзул, Б.Намхай, Н.Анударь, Б.Хонгорзул нар хүрэл медалийн төлөө барилдаж шагналт тавдугаар байрт орсон юм.

ДБНХ (UWW)-ноос энэ жилийн Иван Ярыгиний “Гранпри”-д эрэгтэй, эмэгтэйчүүдийн дэлхийн чансааг олгохоор болсон юм. Гэсэн хэдий ч тамирчид цөөхөн оролцсон. Бөхийн хөгжлөөр толгой цохидог Азербайжан, Гүрж, Иран тэргүүтэй орнууд бөхчүүдээ Красноярскт илгээгээгүй. Хэдийгээр оролцогч цөөтэй ч олимп, дэлхийн 40-өөд медальтан зодоглосон. Хүнд жингийн өнөө цагийн дэлхийн шилдэг бөх Таха Ахгуль түрүүлж чадаагүй. Турк эр шигшээ барилдаанд эзэн орны Анзор Хизриевт 3:7-гоор ялагдсан. Тус тэмцээнд хоёр удаа түрүүлсэн “Рио-2016” олимпийн наадам болон дэлхийн хошой аварга Кайл Снайдер хоосон нутаг буцлаа. Эрэгтэйчүүдийн 10 жинд бүх жинд аваргалж үнэмлэхүй амжилт тогтоосон. Харин эмэгтэйчүүдийн ангилалд Япон, зохион байгуулагч орон ОХУ гурав, Монгол, АНУ тус бүр хоёр алтан медаль хүртэв.

ТЭМЦЭЭНИЙ ДҮН:

Эрэгтэйчүүдийн 57 кг: 1 Муслим Садулаев 2. Абасгажи Магомедов (хоёул ОХУ) 3. Нармандахын Насанбуян (Монгол), Томас Гилман (АНУ)

61 кг: 1. Магомедрасул Идрисов (ОХУ) 2. Николай Охлопков (Румын) 3. Эдуард Григорьев, Рамазан Ферзалиев (хоёул ОХУ)
65 кг: 1. Ахмед Чакаев 2. Начын Куулар 3. Гажимурад Рашидов (бүгд ОХУ) 3. Батчулууны Батмагнай (Монгол) 
70 кг: 1. Магомедрасул Газимагамедов (ОХУ) 2. Ганзоригийн Мандахнаран 3. Энхбаярын Бямбадорж (хоёул Монгол), Разамбек Жамалов (ОХУ)
74 кг: 1. Заурбек Сидаков (ОХУ) 2. Якуп Гор (Турк) 3. Магомед Курбаналиев (ОХУ), Азамат Нуриков (Беларусь)
86 кг: 1. Даурен Куруглиев (ОХУ) 2. Фатих Эрдин (Турк) 3. Владислав Валиев (ОХУ), Оргодолын Үйтүмэн (Монгол) 
92 кг: 1. Магомед Курбанов 2. Батырбек Цакулов (хоёул ОХУ) 3. Баасанцогтын Өлзийсайхан (Монгол) 
97 кг: 1. Шамиль Мусаев (ОХУ) 2. Александр Гуштын (Беларусь) 3. Игорь Овсянников (ОХУ) 3. Баки Сахин (Турк)
125 кг: 1. Анзор Хизриев (ОХУ) 2. Таха Акгуль (Турк) 3. Зелимхан Хизриев (ОХУ)

Эмэгтэйчүүдийн 50 кг: 1. Кика Кагата (Япон) 2. Анжелика Ветошкина (ОХУ) 3. Виктория Энтони (АНУ), Даулетбике Яхшимуратова (Узбекистан)

53 кг: 1. Сара Хильдебранд (АНУ) 2. Наталья Малышева 3. Лейла Карымова (хоёул ОХУ), Эрдэнэчимэгийн Сумъяа (Монгол) 
55 кг: 1. Виктория Ваулина (ОХУ) 2. Нао Танияма (Япон) 3. Бат-Очирын Болортуяа (Монгол) 
57 кг: 1. Сүхээгийн Цэрэнчимэд (Монгол) 2. Ольга Хорошавцева (ОХУ) 3. Гейс Буллен (Норвеги), Бильяна Дудова (Болгар)
59 кг: 1. Юзүка Игараши (Япон) 2. Светлана Липатова (ОХУ) 3. Алтанцэцэгийн Батцэцэг (Монгол) 
62 кг: 1. Анжела Фоменко 2. Анна Щербакова 3. Ульяна Тукуренова (бүгд ОХУ)
65 кг: 1. Мария Кузнецова (ОХУ) 2. Мисүзү Еномото (Япон) 3. Зоригтын Болортунгалаг (Монгол), Юлия Пронцевич (ОХУ)
68 кг: 1. Соронзонболдын Батцэцэг 2. Энх-Амарын Даваанасан 3. Энхсайханы Дэлгэрмаа (бүгд Монгол), Ханум Велиева (ОХУ)
72 кг: 1. Тамира Менса (АНУ) 2. Юка Кагами (Япон) 3. Евгения Захарченко (ОХУ) 3. Очирбатын Насанбурмаа (Монгол) 
76 кг: 1. Сүзүки Минагава (Япон) 2. Василиса Марзалюк (Беларусь) 3. Эльмира Сыздыкова (Казахстан), Алине Фокен Роттер (Герман)

Эх сурвалж: МОНГОЛЫН ЧӨЛӨӨТ БӨХИЙН ХОЛБОО

"Болор дуран"-аар шалгав.
Энэ мэдээнд өгөх таны сэтгэгдэл?
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-01-28 66.181.176.121

оу н тэмцээн гэж монголын улсын аврага шиг л тэмцээн юм биш үү олимп дэлхийн мундагууд нь ирдэггүй монголын хэд л хоорондоо барилдсан

Avatar

үнэн 2019-01-28 103.57.95.174

Энэ ОУ-н тэмцээн ч яахав, Тозиогийн Олимпоос медал авчих бөх чөлөөтөад лав алга , Батцэцэг, Насанбурмаа, Цэрэнчимэд эмээ нар эрхээ ч аьж чадах юм уу,

Avatar

Зочин 2019-01-28 182.160.39.153

Оросын мэдээлэл дээр чинь Өлзийсайханыг аваргын төлөө барилдана гэсэн байсан. Манйх, орос 2-ын мэдээлэл зөрөөтэй байна

NewsMN Гар утасны хувилбар Татах
NEWS.mn

Мэдээллийн эх сурвалж