ХААЛТТАЙ СЭДЭВ: Хүчирхийллийн хууль чангарсан ч эерэг өөрчлөлт гарахгүй байна | News.MN

ХААЛТТАЙ СЭДЭВ: Хүчирхийллийн хууль чангарсан ч эерэг өөрчлөлт гарахгүй байна

ХААЛТТАЙ СЭДЭВ: Хүчирхийллийн хууль чангарсан ч эерэг өөрчлөлт гарахгүй байна

ХААЛТТАЙ СЭДЭВ: Хүчирхийллийн хууль чангарсан ч эерэг өөрчлөлт гарахгүй байна

КЕЙС 1.Нөхөртэйгөө 10 жил ханилсан бүсгүй одоо гурван хүүхэдтэй. Түүний нөхөр сүүлийн жилүүдэд архи ихээр ууж, дарамталж, зоддог болжээ. Төрсөн аавтай нь хүртэл хардаж, гэрээс нь гаргадаггүй, хэнтэй ч уулзуулдаггүй байна. 

КЕЙС 2.Аав нь есөн настай охиныхоо өмд рүү гараа хийж өөрийн төрсөн охиндоо бэлгийн зүй бус үйлдлийг хоёр жил тасралтгүй хийж, айлган сүрдүүлж байжээ. Үүнийг ээж нь мэдээд цагдаад хандсанаар охиныг Түр хамгаалах байранд байрлуулжээ.

Монголчууд бид хүчирхийллийг байдаг л зүйл мэтээр боддог. Гэтэл үгүй юм. Үүнийг нийгэмд гарч буй ноцтой гэмт хэргийн тоо, мэдээ мэдээллүүд батлан харуулсаар байгаа ч дээрдэх зүйл нэг ч алга. Хамгийн сүүлд л гэхэд энэ сарын 22-нд нийслэлийн Хан-Уул дүүргийн хоёрдугаар хорооны таван давхраас эрэгтэй, эмэгтэй хүн үсэрсэн гэх сэтгэл сэрдхийлгэм ноцтой хэрэг гарсан. Албаны эх сурвалжийн мэдээлснээр залуу хос хардалтын улмаас хувийн таарамжгүй харилцаа үүсгэн хоорондоо муудалцсан нь амиа алдах шалтгаан болсон гэж үзэж буй. “Эр эмийн хооронд илжиг бүү жороол” гэгчийн үлгэрээр ийм ноцтой хэрэг болсныг дэргэдэх хөрш нь ч огт мэдээгүй байсан нь харамсмаар. Гэтэл ингэж чихэн дүлий, нүдэн балай байх нь хүчирхийллийн бас нэг хэлбэр гэдгийг ч санаарай.

Энд нэг тоо баримт дурдъя. Цагдаагийн албаныхан өнгөрөгч 2018 онд нийслэл хотод гэр бүлийн хүчирхийллийн улмаас үйлдсэн 590 гэмт хэргийг бүртгэжээ. Энэ тоо нь өмнөх оны мөн үеэс 22.1 хувиар буурсан үзүүлэлт гэдгийг албаныхан хэлж байгаа юм. Нийт бүртгэгдсэн 590 гэмт хэрэгт 418 иргэн өртөж, хохирсны 93 хувийг эмэгтэйчүүд, эзэлж байна. Тэгэхээр энэ тоо бол тоохгүй өнгөрч болохгүй асуудал.

ХОХИРОГЧ ЭМЭГТЭЙЧҮҮДИЙН ИХЭНХ НЬ 1-3 ХҮҮХДЭЭ ДАГУУЛАН ИРДЭГ

Нийслэлийн цагдаагийн газрын Түр хамгаалах байрыг 2014 оны хоёрдугаар сард гэр бүлийн хүчирхийлэлд автсан, аюулгүйн зэрэг нь өндөр хохирогчийн амь, нас эрүүл мэндийг хамгаалах зорилготойгоор байгуулсан. Тус төвд л гэхэд 2018 онд нийт 1619 иргэн хандсан бөгөөд хохирогчдыг хүйсийн хувьд ангилвал 2014 оноос хойш 10 эрэгтэй Түр хамгаалах байранд хандсан бол 561 эмэгтэй, 525 эмэгтэй хүүхэд, 524 эрэгтэй хүүхэд байв.

Түр хамгаалах байранд байрлаж буй эмэгтэйчүүдийн ихэнх нь 1-3 хүүхдээ дагуулан ирдэг аж. Бүр найман хүүхэдтэйгээ ирж байсан тохиолдол ч гарсан гэдгийг мэргэжилтнүүд хэлсэн юм. Биднийг тус төвд очих үеэр  насанд хүрсэн зургаан эмэгтэй 20 хүүхдийн хамт Түр хамгаалах байранд байрлаж байлаа.

Түр хамгаалах байрны дарга, цагдаагийн дэд хурандаа Д.Сэржмядаг

“Өнгөрсөн хугацаанд Түр хамгаалах байранд гэр бүлийн хүчирхийлэлд өртсөн 50 эмэгтэй 2-5 удаа  давтан ирсэн. Цагдаагийн байгууллагын үйл ажиллагааны журамд Түр хамгаалах байрны үйл ажиллагаа, ажиллаж буй хүмүүс гэр бүлийн хүчирхийллийн гэмт хэрэг зөрчлийг шалгах талаар нарийвчлан зааж өгсөн байдаг. Өмнө нь хохирогчийг нэг сар хүртэл Түр хамгаалах байранд хамгаалдаг байсан бол шинэчилсэн хуулиар хугацааг зааж өгөөгүй. Монгол улсын “Хохирогчийг хамгаалах байрны үйлчилгээнд тавих нийтлэг шаардлага” нь анх 2009 онд батлагдсан. Энэ стандартаар Түр хамгаалах байр гэдэг нь нэг долоо хоногоос гурван сар хүртэлх үйлчилгээ үзүүлэх газар байна гэсэн байдаг. Энэхүү стандартад шинээр батлагдсан хууль, журмуудтай нийцүүлэн өөрчлөлт оруулах ажил хийгдэж байна. Бодит амьдрал дээр нэг хүнийг гурван сар байлгах нь санхүүгийн хувьд хүндрэлтэй байдаг. Одоогоор гурван сараар байрласан хохирогч бүртгэгдээгүй, дээд тал нь хоёр сар хүртэл хугацаагаар байрлаж байсан тухай Түр хамгаалах байрны дарга, цагдаагийн дэд хурандаа Д.Сэржмядаг ярилаа.

Тэрбээр “Гэр бүлийн хүчирхийллийн хохирогчид ихэвчлэн шөнийн цагаар хандах нь элбэг. Тэрнээс биш яг ийм үед хохирогчийн тоо нэмж, хасагддаг гэдгийг таамаглаж хэлэхийн аргагүй байдаг. Хэн, хэзээ, хаана ямар хүчирхийлэлд өртөхийг бид таашгүй шүү дээ. Хүн нэг удаа хүчирхийлэлд өртөөд цагдаагийн байгууллагад хандаад байдаггүй. Удаан хугацаанд хүчирхийлэлд өртөж явсаар хүчирхийллийн түвшин өндөр эрсдэл ихтэй болсон үед л цагдаагийн байгууллагад ханддаг. Хүчирхийллийг тэвчиж засрах байлгүй, гайгүй болох байх гэсэн бодлоор уучилж явсаар өөрийгөө болон үр хүүхдээ эрсдэлтэй орчинд байлгаад байдаг. Мөн хүчирхийлэл үйлдэгчээс шууд эдийн засгийн хамааралтай байдаг нь тэвчих нэг шалтгаан болдог” талаар яриагаа үргэлжлүүлсэн юм.

Мөн тус төвд 2014 оноос эхлэн гэр бүлийн хүчирхийллийн мэдээлэл авах, тусламж зөвлөгөө өгөх "107" тусгай дугаарыг 24 цагаар ажиллуулж эхэлжээ. Тусгай дугаарт  2014-2018 онд 37 мянга гаруй иргэн холбогдож, хууль эрх зүйн болон сэтгэл зүйн зөвлөгөө мэдээлэл авчээ.

Түр хамгаалах байрны жижүүрийн сэтгэлзүйч Э.Лхагва

Түр хамгаалах байрны жижүүрийн сэтгэлзүйч Э.Лхагва “Гэр бүлийн хүчирхийлэлд өртсөн эмэгтэйчүүд, хүүхдүүд сэтгэлзүйн хувьд маш их айдастай, хэл ярианы чадвар муу, амиа хорлох оролдлогыг удаа дараа хийж байсан хүмүүс ирдэг. Манай төвд хохирогчид ирэхдээ эхний долоо хоног нойр нь хүрэхгүй, сэтгэл санаа нь үнэхээр тогтворгүй болсон байдаг” гэдгийг хэлж байв.

ХҮЧИРХИЙЛЛИЙН УЛМААС 2018 ОНД ТАВАН ЭМЭГТЭЙ НАС БАРЖЭЭ

Нийгэмд эмэгтэйчүүдийг архинд ихээр орж байна гэж буруутгах хандлага нэмэгдэх болсон. Яг үнэндээ архи ууж буй нөхрийнхөө архийг бага уулгах гэж хуваалцдаг эсвэл нөхрийнхөө зодуурыг мэдрэхгүй байхын тулд архинд орсон тухай гэр бүлийн хүчирхийлэлд өртсөн эмэгтэйчүүд ярьж байлаа. Энэ нь эргээд эмэгтэйчүүдийг архинаас хамааралтай болгох нэг шалтгаан болж байна гэдгийг ч мэргэжилтнүүд хэлсэн юм.

Хүчирхийллийн эсрэг үндэсний төв хэмээх байгууллага нь гэр бүлийн хүчирхийллийн хохирогчдыг хүлээн авдаг газрын нэг. Биднийг очих үеэр хоёр ч эмэгтэй хүүхдүүдийн хамт зөвлөгөө авахаар сэтгэл зүйчтэй уулзаж байхдаа таарав. Инээд хөөрөөр бялхаж байх ёстой бяцхан хүүгийн нүд нэг л гунигтай. Учир нь, ээж нь нүдэндээ нулимстай, сэтгэл зүйчтэй ярилцаж буйг харсан хүү ээжийгээ хараад өрөвдөж суух шиг.

Тус төвд 2018 онд л гэхэд нийт 1052 хүн хандаж, зөвлөгөө авчээ. Эдгээрээс 25 хүн нь хүчингийн хэргээр хандсан бол 133 хүүхэд, үлдсэн нь гэр бүлийн хүчирхийллийн улмаас хохирсон эмэгтэйчүүд ажээ. Мөн гэр бүлийн хүчирхийллийн хохирогч эмэгтэйчүүдийн дунд хийсэн судалгаанаас харахад 53 хувь нь амиа хорлох үйлдэл хийх бодол төрдөг гэж хариулсан бол 26 хувь нь амиа хорлохыг төлөвлөж байсан, гурван хувь нь ямар нэгэн оролдлого хийсэн гэж хариулжээ. Харамсалтай нь 2018 онд гэр бүлийн хүчирхийллийн улмаас амь насаа алдсан 5 эмэгтэйн гэр бүл Хүчирхийллийн эсрэг үндэсний төвд ханджээ.

Хүчирхийллийн эсрэг үндэсний төвийн хуульч Д.Санчир

“Манай төвд хандаж буй эмэгтэйчүүдийн дийлэнх хувийг дээд боловсролтой, ажил эрхэлдэг эмэгтэйчүүд эзэлдэг. Өнгөрөгч онд гэр бүлийн хүчирхийллийн улмаас амь насаа алдсан таван тохиолдол гарсан. Хүчирхийллийн хохирогч эмэгтэйчүүд гэмтэлтэй үеийн зургаа авах, цагдаагийн байгууллагад хандаж байсан эсэх гээд өөрийн түүхээ тодорхой бичиж, нотлох баримтаа сайн бүрдүүлэх шаардлагатай. Тэгэхгүй бол эргээд хүчирхийлэгч үйлдэгчийн гарт амь насаа алдах, ихэнх тохиолдолд амиа хорлолт гэсэн дүгнэлтээр хэрэг хаагдах нь элбэг байдаг” тухай Хүчирхийллийн эсрэг үндэсний төвийн хуульч Д.Санчир ярилаа.

Өнгөрөгч онд цагдаагийн байгууллагын 102 тусгай дугаарт 46 мянга гаруй гэр бүлийн хүчирхийлэлтэй холбоотой дуудлага иржээ. Харин нэг хоногийн хугацаанд нийслэл хотод 150-200 гэр бүл хүчирхийллийн дуудлага ирдэг байна.

Энэ талаар нийслэлийн цагдаагийн газрын Урьдчилан сэргийлэх хэлтсийн ахлах мэргэжилтэн Э.Баярбаясгалан ярихдаа “Гэр бүлийн хүчирхийлэлтэй тэмцэх тухай хуульд шинээр орсон зохицуулалтад “Тухайн гэр бүлд хүчирхийлэл үйлдэгддэг нь тогтоогдвол эвлэрүүлэн зуучлах хугацаа өгөлгүйгээр шууд гэрлэлтийг цуцлах шаардлагатай гэж тусгасан. Харамсалтай нь өнгөрөгч онд гэр бүлийн хүчирхийллийн улмаас нэг хүүхэд, том хүн нас барсан хэрэг гарсан. Хүчирхийлэл үйлдэж буй гэр бүл дэх хүүхэд ямагт хүчирхийллийн хохирогч байдаг. Өнөөдөр есөн хүүхэд хүчирхийлэлд өртсөн гэж бүртгэж байгаа ч бие махбодиороо, сэтгэл санаагаараа хохирч буй хүүхдийн тоо үүнээс хэд дахин олон бий” гэв.

“ТӨРСӨН ААВТАЙ МИНЬ ХҮРТЭЛ ХАРДАЖ БАЙСАН”

Хүчирхийллийн эсрэг үндэсний төвд хоёр хүүгээ дагуулан ирсэн нэгэн эмэгтэйтэй ярилцлаа. Тэрбээр 32 настай бөгөөд ярилцлагадаа түүний нэр, гэрэл зургийг олон нийтэд харуулсангүй.


-Сайн байна уу. Та Хүчирхийллийн эсрэг үндэсний төвд яагаад хандах болов?

-Би нөхөртэйгөө гэрлээд 10 жил болсон. Одоо бид гурван хүүхэдтэй. Нөхөр маань сүүлийн хэдэн жил архи ихээр уух болсон. Архи уусан хүн яадаг билээ дээ, уур уцаартай, муухай авирлана. Бас намайг гэр орноос гаргахгүй, найз нөхөдтэй уулзуулахгүй их харддаг. Төрсөн аавтай минь хүртэл хардаж байсан. Одоо хүртэл нөхөр маань архиа уусаар л байгаа. Тийм учраас би энэ байгууллагад хоёр хүүгээ дагуулан ирсэн.

-Та ажил хийдэг үү?

-Би гэртээ хүүхдүүдээ хардаг. Нөхөртэйгөө нийлснээс хойш бараг ажил хийгээгүй дээ. Нөхөр маань ойр зуур барилгын ажил хийгээд хүүхдүүдээ тэжээдэг. Би ажил хийдэггүй болохоор нөхөр маань “Би ганцаараа ажил хийж, гэр бүлээ тэжээж байна” гэж илүү давуу эрхтэй ханддаг. Намайг гэртээ хүүхдүүдтэйгээ зууралдаад, юу ч хийхгүй байдаг л гэж боддог.

-Нөхөр тань архи уусан үедээ танд гар хүрдэг үү?

-Нэг өдөр хүүхдээсээ болж бид маргалдсан. Тэр үед согтуу байсан учраас намайг шууд зодож эхэлсэн. Үнэхээр аймаар санагддаг. Заримдаа нөхрийгөө архи уулгахгүй гэж нийлдэг найзуудынх нь гэрт очихоор өшиглөж, зодно. Ер нь бие махбодиосоо илүү сэтгэл санааны дарамт их хэцүү санагддаг. Зүгээр гэртээ сууж байхад санаанаасаа зохиож хардаад л “Энэ миний хүүхэд биш” гэж хүртэл хэлдэг юм.

-Та Түр хамгаалах төвд хоёр ч удаа очиж байсан гэсэн үү?

-Өмнө нь хадмууддаа хөөгдөөд Түр хамгаалах төвд хэд хоног хонож байсан. Хадмууд маань нэг хашаанд амьдардаг юм. Хүний хүн болохоор өөрийнхөө л хүүхдийг өмгөөлнө.

-Хүүхдүүд нь одоо хэдэн настай вэ. Нэг хүүхдийг нь хэн харж байгаа вэ?

-Том хүү маань одоо 10 настай. Дунд хүү зургаан настай. Бага охин маань нэг ой гарантай. Бага охиныг маань энэ байгууллага сувилалд өгсөн байгаа. Намайг сэтгэл санаагаа цэгцэлж, нийгэмшихэд нэг ч гэсэн ачааг нь нимгэлж байгаа юм уу даа. Охиноо сувилалд жилийн гэрээтэй өгсөн болохоор маш их санадаг. Одоо бараг хагас жил болж байна. Саяхан нэг очиж, охиноо эргэсэн. Хоёр ах нь дүүгээ санаад өнөөдөр очих гэсэн мөнгөний боломжгүй учраас очиж чадсангүй. Тэр нялх амьтан ээж, аав, ах нараасаа хол өсөх гэж энэ хорвоо дээр төрөөгүй шүү дээ. Аргагүйн эрхэнд охиноо танихгүй хүмүүсийн дэргэд өсгөж байна. Аавынх нь хувьд өөрийгөө хариуцлагаас үргэлж зайлуулна. Ийм сайхан эрүүл саруул төрсөн хүүхдүүдээ голно. Минийх, чинийх дээрээ тулна.

-Одоо нөхөртэйгөө хамт амьдарч байгаа юу?

-Анх суухдаа хагацаж, салахгүй гээд хачин хайртай хүмүүс л нийлсэн. Жилээс жилд архинд бага багаар орж эхэлсэн. Анх надтай танилцахад архи уудаг л байсан. Гэхдээ хамт амьдраад ирэхээр гайгүй болчих байх гэж найдсан. Заримдаа шөнөөр нөхрөө хайгаад л айлуудаар явна. Би одоо өнгөрсөн амьдралаа эргээд харахад үнэхээр хэцүү санагддаг. Би ийм амьдралыг хэзээ ч төсөөлөөгүй. Энэ байгууллагаас надад гэр өгсөн. Би хоёр хүүтэйгээ айлын хашаанд амьдарч байгаа. Хоёр хүүтэйгээ байгаа ч үнэхээр амар тайван, сайхан байна. Гэр бүлийн орчин яах аргагүй хүүхдэд их нөлөөлдөг юм билээ. Манай том хүү их уур уцаартай болсон. Дунд хүү маань аавыгаа санаж бэтгэрээд, одоо бүр аавыгаа үзэн яддаг. Нөхөртэйгөө холбоогүй, аль болох зугатаад л явдаг. Гэрлэлтээ шүүхээр салгах гэхээр хариуцагч ирэхгүй байна гэсэн шалтгаанаар шийдвэрлэхгүй хойшлуулаад байгаа.

-Одоо та юу хийж, амьдрал бодолтой байна вэ?

-Хэдэн хүүхдүүдтэйгээ байхад амьдрал болох байлгүй дээ. Цаашдаа өөрийн амьдралыг эхнээс нь эхлүүлж, сайхан ажил хийж амьдармаар байна.

"Болор дуран"-аар шалгав.
Энэ мэдээнд өгөх таны сэтгэгдэл?
5
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-28 128.199.252.85

Архи уухгүй ч байнга л ѳѳлж гоочилж, хардаж сэрдэнэ. тайван ч ажлаа хийж чадахгүй, ажлын хүмүүстэй хий харддаг. ажлаа тараад харихын хооронд л хэдэн минут хэтэрлээ хаачив яав ийв гээд л хэрүүл эхэлдэг. найзуудтай минь уулзуулахгүй дорд үзэж доромжилно. Үнэндээ сэтгэлийн ийм зовлонтой байснаас цохиод авбал ядаж л бие ѳвдѳѳд л ѳнгѳрѳх юм гэж боддлг . энэ сэтгэл зүйн хүчирхийлэл мѳн үү? үнэндээ байнга айдас түгшүүртэй байхаар логиктой сэтгэж чадахаа байгаад, хэл яриа минь ч сонин болж муудсан.

Avatar

зочин 2019-01-28 103.229.120.96

эхнэр хүүхдээ орхичоод гадуур өөр хүүхэнтэй зугаацан яваа эхнэрийн нуруун дээр хүүхдүүдийн асуудал санхүү мөнгө бүгд байна энэ гэр бүлийн хүчирхийлэл мөн биз дээ

Avatar

зочин 2019-01-28 103.229.120.96

гэр бүлийн хүчирхийлэл гэдгийг биеээрээ амсаад явж байна. миний хувьд хүчирхийлэл үүсэх гол шалтгаан бол гэр бүлээс гадуур харилцаа байдагм байна. нөхөр нууц амрагтай болж хэрүүл маргаан тэрнээс цаашлаад хүчирхийлэлд өртдөг юм байна. гэр бүлийн тухай хуулийг чангатгаж тэр цаад гэр бүл үймүүлэгчийг санаатайгаар гэр бүл үймүүлсэн нь тогтоогдвол хариуцдага тооцдог болмоор юм. тэгэхгүй бол хүүхэд өнчрөл салсан өрх толгойлсон ээжүүд л их болно.

Avatar

M D 2019-01-28 66.181.185.218

Ene sedew hvnd sedew l dee…hvn hvndee heterhii muu sansan n oroltsdog yum shigee.hvnii amidral zan aash oor oor l doo.bi aaw hvn .odoo ch ohintoigoo bn…mongol ulsiin hemjeend yg henees n bolson gesen sudalgaa bdag yum bolow uu..eregtei n arhi uusan bol buruutan boldog yum shig.bolowsorltoi zondoon zaluus bna…edgeer zaluus yagaad saldag yum.heterhii eregtei n buruutan bolgood bwal edgeer zaluus yah ch yum.ulam l jiigdene .zarim zaluus n uduu ywanch setgel sanaanii gomdoltroi l ywna she..

Avatar

Zorig 2019-01-28 24.46.102.95

Er,emees gadna ,huuhed hogshchuul,tahir dutuu,yduu bulgiin dund huchirhiilel ih b.dag,\nHumuus,horsh,bagsh,emch,niigemiin ajilchiltnuud,police bugd medeelleh uurgee bieluulj,hohirogchdod tuslah heregtei\nHohirogch emegteichuud,tusgaalah,holdoh,bie daahad surah,mon sain zodoldoj bie hamgaalah urlagt surah,toroos bie hamgaalah zevseg ogson ch b.o,esvel buutai boltsgoo,barimt /shuuhed uzuuleh/tsugluul,omgoologchtei uulz

Avatar

Зочин 2019-01-28 66.181.176.141

Гэр бүл гэж заавал эр эм хоёр нэг оронд орж үржсэнээр бий болох ёстой юу? Хуучны уламжлалаа дагах сайн л да. Гэхдээ шинэчлэгдэх хэрэгтэй зүйлс ч бдаг. Онгоц галт тэрэг гарчаад бхад зөвхөн морин өртөөгөөр л захиагаа зөөнө гэж улайрах утгагүй. Хүмүүсийн авч бга зах замбраагүй мэдээлэл, хэзээнээс л байж ирсэн ирээдүйд ч байх оюун ухамсар дорой хүмүүс хүний үрийг авч суугаад амьдын тамд гацаагаад эсвэл алж хаях эрсдэлтэй бхад заавал хэн нэгтэй сууж хүүхэд төрүүлж өсгө гэсэн тулгалтанд оруулах хэр

Avatar

Зочин 2019-01-28 66.181.176.141

Гэр бүл гэж ойлголтыг арай өргөн хүрээгээр, арай эрсдэл багатай ( эрсдэл бага болохоор стресс дарамт багасана) хүүхдүүд хохирохгүй тайван орчинд байж болохоор арай өөр болговол

Avatar

Зочин 2019-01-28 66.181.176.141

Зодуулан зодуулан хамт амьдраад байдаг? Алуулж байсан ч хамаагүй хүнд муу хэлүүлэхгүй гэж, сайхан амьдарч бга дүр эсгэх гэж нөхөртэй байх ёстой байдаг юм уу. Хамгаалах байрнаас өөрсдийгөө тэжээж авч явах сургалтын байрлуу шилжүүлж сургаж ажиллуулж байрныхаа болон амьдрах зардлаа олдог болгож хүүхдүүдыг нь цэцэрлэг яслид хамруулах гм.. Гол нь хэдэн сар ч юмуу зүгээр л хашиж байлгаж бгаад нөгөө хүчирхийлэгч чинь одоо санаж бга дахиж зодтолоо хэд хоног зүгээр байж магадгүй гээд хөөгөөд гаргана

Avatar

Зочин 2019-01-28 66.181.180.247

HAMGIIN TOM DAISAN DOTOR BII GEJ CHINGIS HAAN HELSEN

Avatar

bas 2019-01-28 66.181.161.33

erchuudiige hundeldeggvi uram zorig nemdeggvi ulam l gutain doromjlono. olsoniin basamjlana. tal talaas ni havchin hadan havchuulagsan halimnii zulzaga l baigaa. tegheer hun yahav ym itgel baihgvi arhi l uuna. erchuudee haychdee

Avatar

Хэцүү хэцүү 2019-01-28 103.229.122.47

Хүүхдээ зодож танхайраал байхаар нь цагдаа дуудахаар цагдаа нь байж байж 1 юм ирснээ аятайхан бай ухааны юм хэлчихээд тоохгүй яваад өгчих юм. Уг нь эхнэр хүүхдийг нь шалгаж хамгаалах ёстой баймаар. Гэр бүлийн хүчирхийллийн дуудлагад цагдаа эмч заавал хамт очдог журамтай болмоор байна Бага насны охидоо хүчинддэг эцгүүд нэртэй араатнаас ч доор юмнууд энд тэндгүй байна. Илрүүлж онц шуурхай ажиллах ёстой хэрэг энэ мөнөөс мөн.

Avatar

ma 2019-01-28 66.181.161.33

chi mal baidag neg eguu avgai baisan biz harin ta nariig torgohgvi yasan ym bol

Avatar

Ariun 2019-01-28 66.181.167.194

Ger buliin hucherhiileliin sedev unheer emzeg sedev.Manai ard tumen deer uyes Er Emiin hoorond iljig jorooloh esvel sain ehneriin toosiig sardaa 1 udaa geh met ugiig ih heregeldeg bolood ch teruu…\nNiited ni haraad baihad hucherhiilegch yamar hun baina EREGTEI hun elbeg baina.Hucherhiilegchees hucherhiilegch torno gej, Eejuudee huugiinhee humuujild sain anhaarai tavij baigaarai.Tanii KHAIR hurcherhiilegchiig toruulehviidee.

Avatar

Зочин 2019-01-28 202.179.24.175

Ih hardah chini setgetsiin emgeg baidag um. teriig ni medehguigees iim zuil boldog. er ni salsan l deershdee. Er ni manai huuhnuud ih zavhai bolson geendeech goondooch gej ger bul bolgonii asuudal ondoo baidag. tuilshraad baih hereggui. bi hardaj odorjin yanshdag avgaitai baisan. salj amarsan uneheer gaitai.

Avatar

Enkhjargal 2019-01-28 184.181.105.189

Emegteichuudiin xolboo baiguullaga bsan sanagdax uym. Baixgui bolson uym uu? Ex yrsiinn erx geed bdag n iim ajild xamaardaggui uymuu??Mongol erunxiidee exiin erxt bsan oron shuudee. Odoogiin 40–s geesh nasnii xumuus aavaa xundeldeg ( cain ch bai muu ch bai).gevch eejiinxee ugiig dagadag erunxii zurag bsan daa. Eej bid nar xuu dee iluu anxaaral tavij xairladag baisnii buruu gej bitgii xeleerei dee. Xuu nar mini exiinxee xairiig bodood neriig n xamgaalj amidarraarai???? Mongoliin sain saixa

Avatar

Зочин 2019-01-28 213.143.46.8

Нэг Орос залуу монгол хүүхнүүдийг харж байснаа "муусайн царай муутай янханууд"гэж билээ.яалтай ч билээ гашуун үнэн нь тэр л юм чинь

Avatar

зочин 2019-01-28 202.131.230.238

мэдрэл гахай

Avatar

Зочин 2019-01-28 66.181.167.194

Mongol huuhenuud gedeg oilgoltond tanii ehner esvel naiz busgui,ohin chn duu chin tsaashlaad eej chn bagtaj baigaa shudee,Tanii orchind baigaa emegteichuud bie uneldeg blhr ta ter oros huntei sanaa niilsen baih,Taniig unheer orovdoj baina.

Avatar

Ардчилсан нам 2019-01-28 176.86.156.142

АРдчилал гэдэг нь ядуувтар оронд ийм үр дүнд хүргэдэг учиртай.хүний эрх эмэгтэйчүүдийн эрх гэж хөөргөж ташуурдсаар байгаад үр дүн нь завхайрал ядуурал эмх замбраагүй амьдрал.та нар өөрсдөө л хүссэн одоо яаая гэхэв

Avatar

РЭ 2019-01-28 64.119.19.40

чи битгий солиороод бгаарай

Avatar

Зочин 2019-01-28 202.21.106.127

Юм л бол ардчилал руу дайрах юм. Ардын засаг ардчилал хоёр чинь угтаа л утга ижил. Амьдралд гарч ирж байгаа нийгмийн харилцааг хурдхан зохицуулж хууль ёс дүрмээ гаргах хэрэгтэй ш дээ. Дэлхий нийтээрээ л ийм. байна

Avatar

Зочин 2019-01-28 202.21.106.105

Ийм хүчирхийлэгч залуусыг баривчлаад төмөр замаа бариулаад үр хүүхдэд нь мөнгийг нь өгч тэжээх үүрэг хариуцлагыг нь үүрүүлээч. Яадаг хар жаргал даахгүйн зовлон бэ.Нэг эм хүн биеэ 3 хуваачихаад байхад чинь буянаа сэгсэрээд байдаг.Хамгаалах байранд аваачиж байхаар дарамтлагчийг нь баривчлаад албадан хөдөлмөр эрхлүүлж хүүхэд тэжээх хариуцлагыг нь үүрүүл.Нэг архичин дарамтлагчийг орон гэрт нь үлдээж жаргаагаад байхдаа яадаг юм.Хамгаалж байгаа нэрээр төсвөөс мөнгө авч байхаар баривчилж ажил хийлгэ.

Avatar

Зочин 2019-01-28 112.72.11.112

Үүнийг хуулиар шийдэхгүй ээ үхэрнүүд ээ. Төрийн түшээд нь иргэдээ хулхидаж хүчирхийлэл үйлдэж байгаа одоо үед бүр ч боломжгүй. Энэ нь амьдралын боломжтой шууд хамааралтай. Иргэдийн орлого 10 мянган доллартай зэрэгцэж ирвэл нийгмийн харилцаанд мэдэгдэхүйц өөрчлөлт гарч эхэлнэ. Тэхээр иргэд рүүгээ дайрах биш түшээдтэй л хариуцлагаа ахиухан тооцмоор байна.

Avatar

Зочин 2019-01-28 103.229.122.242

Өрх гэрээ тэжээх чадваргүй атлаа эхнэр хүүхдээ зоддог 2 хөлтэй малуудыг шууд л шоронд хийдэг болох хэрэгтэй!!! Монгол эрчүүд гэж (70-80 хувь нь) малаар бол заазалчихмаар новшнууд байх юмаа!!!

Avatar

Зочин 2019-01-28 103.229.121.151

ene maluud chin bas ehees tursun yum shuudee. Eh n heer alag bol unaga n shiir alag. Huuhdee humuujuulj chaddagui eejuudiig n bas zaazal

NewsMN Гар утасны хувилбар Татах
NEWS.mn

Мэдээллийн эх сурвалж