Д.Тогтохсүрэн: Дараагийн УИХ-ын даргын асуудал яригдаагүй | News.MN

Д.Тогтохсүрэн: Дараагийн УИХ-ын даргын асуудал яригдаагүй

Д.Тогтохсүрэн: Дараагийн УИХ-ын даргын асуудал яригдаагүй

Д.Тогтохсүрэн: Дараагийн УИХ-ын даргын асуудал яригдаагүй

УИХ-ын гишүүн, МАН-ын бүлгийн дарга Д.Тогтохсүрэнтэй улс төрийн цаг үеийн зарим асуудлаар ярилцлаа.


-УИХ-ын чуулган завсарлахад богино хугацаа үлдлээ. Хэлэлцэх ёстой чухал асуудлуудаа баталж амжих болов уу. УИХ-ын гишүүдийн бойкотоос болж намрын чуулганд хангалтгүй дүн тавих гишүүд ч цөөнгүй байна.  Таны хувьд намрын чуулган үүргээ гүйцэтгэж чадсан уу?

-Намрын чуулганаар бид олон асуудал хэлэлцэхээр төлөвлөсөн. Үүнээс 2019 оны  төсвийн тухай хуулийг  хугацаандаа  баталсан нь гол ажил байлаа. Сонгуулийн тухай хууль, Улс төрийн намын тухай хууль, Татварын багц хууль зэрэг хэлэлцэж чадаагүй чухал хуулийн төслүүд үлдсэн. Тийм учраас намрын чуулган үүргээ бүрэн гүйцэтгэсэн гэж би хэлж чадахгүй. Гэхдээ тодорхой хэмжээнд  ажилласан.

-Намрын чуулганыг сунгах саналыг Ерөнхийлөгч гаргасан. Та чуулганыг сунгах асуудлаар ямар байр суурьтай байна вэ?

-Хуулиараа намрын чуулган хоёрдугаар сарын 10-нд завсарлах ч хугацааг 14 хоногоор сунгаад ажиллах боломж бий. Энэ талаар ойрын хугацаанд  намын бүлэг, байнгын хороодоор  ярилцана.

-Нэг  намын  араншин, дотоод зөрчлөөс болж  Монгол төрийн ажил гацсан. Уг нь Монгол төрийн үйл ажиллагаа нэг намын ааш араншингаас гацах ёсгүй.  Та үүсээд байгаа нөхцөл байдлыг хэрхэн дүгнэж байна вэ?

-УИХ-ын чуулган 40 орчим хоног гацсан нь үнэн. УИХ-ын даргыг чөлөөлөхийг шаардаж буй  гишүүдийн хувьд улс төрийн шаардлага, улс төрийн тэмцлийг хийж байна гэж харж байгаа. Монголын нийгэмд тулгамдсан шийдвэрлэх шаардлагатай маш олон асуудал бий. Үүнийг манай зарим  гишүүн ч хэлж байгаа. Бид сүүлийн хэдэн жил явж ирсэн өнөөгийн системдээ дүгнэлт хийх зайлшгүй шаардлага бий болсон. Ялангуяа байгалийн баялгийн тэгш бус хуваарилалтын тухай асуудал. Нэг хэсэг нөхдүүд лиценз нэрээр авчихдаг эсвэл стратегийн ордод бүртгэгдсэн газруудын тодорхой хувийг нь авчихдаг зэрэг байгалийн баялгийн тэгш бус хуваарилалт бий болчихсон. Энэ нь улмаар нийгэмд бухимдлыг дагуулж  ард түмэн  УИХ, Засгийн газарт асар их шүүмжлэлтэй хандаж байгаа. Тэр агуулгаар нь би

УИХ-ын үйл ажиллагааны  олон хоногийн саатлыг шударга ёсны, цаашдаа  Монголд шударга ёсыг тогтоохын төлөөх үйл явц гэж харж байна.

-Маргааш буюу нэгдүгээр сарын 29-нд УИХ-ын даргыг чөлөөлөх эсэх асуудал УИХ-аар орно. УИХ-ын даргыг чөлөөлснөөр танай намд үүсээд буй талцал хуваагдал  эцэслэгдэнэ гэж хэлж болох уу. Олон нийтийн хувьд УИХ-ын даргыг чөлөөлснөөр нийгэм сайн, сайхан болох мэт бодож өндөр хүлээлт тавьж байгаа?

-Нийгэмд хүлээлт өндөр байгаа нь үнэн. УИХ-ын дарга өөрчлөгдсөний дараа шударга ёсыг тогтоох, зарим гацаад байгаа асуудлыг шийдвэрлэх чиглэлд дэвшил гарахыг үгүйсгэхгүй. Тухайлбал, Эрдэнэтийн 49 хувьтай холбоотой асуудал байна. Өнгөрөгч баасан гаригт  зарим гишүүн Эрдэнэтийн 49 хувийг Сингапурын компани худалдаж авсан талаар мэдээлэл хийлээ. Бид өнгөрсөн жилээс хойш Эрдэнэтийн 49 хувиа авах талаар ярьж байгаа. Магадгүй үүнээс зугтаалгах ажил хийж байгааг үгүйсгэх аргагүй.

-Харин намын дотоод хагарлын тухайд?

-Си Жинпиний хэлсэн “Намаа бодвол би авилгатай тэмцмээргүй байна. Улсаа бодвол би авилгатай тэмцмээр байна” гэсэн агуу үг байдаг. Намаа бодвол шударга ёс алдагддаг. Ард түмнээ бодвол нам дотроо ч бай, хаана ч бай шударга ёсны төлөө явах ёстой юм гэсэн утгатай. Би  Ерөнхий сайд У.Хүрэлсүхийг энэ чиглэлд явж байна гэж хувьдаа ойлгож байгаа. Нам доторх хуваагдал талцалаас илүүтэй шударга ёсны асуудал хамгийн чухал. Тийм учраас энэ чиглэл рүү манай нам явж, магадгүй намаа цэвэр гаргаж ирэх шаардлага бий болсон цаг үе нь гэж бодож байна. Үүний үр дүнд нийгэмд бага зэрэг ч гэсэн өөрчлөлт гарах болов уу. Хэдийгээр нийгэмд сүүлийн 28 жил  бий болсон  болж, бүтэхгүй бүхэн өргөс авсан мэт  нэг өдрийн дотор үгүй болно гэж байхгүй. Системийн маш том гажуудал байна. Хамгийн түрүүнд Үндсэн хуулийн нэмэлт өөрчлөлтийг хэлэлцэж хариуцлагын тогтолцоог бий болгох шаардлагатай.

-Уг нь нэг нам олонх байгаа дээрээ Үндсэн хуулийг өөрчлөх нь зөв гэсэн нийгмийн хүлээлт байгаа?

-Тийм ээ. Монголын ард түмэн 2016 оны УИХ-ын сонгуулиар МАН-д 65 суудал өгсөн. Ингэхдээ Үндсэн хуульд зөв өөрчлөлт хийгээд өгөөч гэж хүссэн тоо  байхыг ч үгүйсгэхгүй. Нэг нам 57-оос доош суудалтай нөхцөлд Үндсэн хуульд өөрчлөлт оруулахад тун хэцүү.

Магадгүй дахин УИХ-д нэг нам  65 суудал авах боломж аль ч намд байхгүй. Тиймээс ард түмнээрээ хэлэлцүүлээд Үндсэн хуулиа өөрчлөх цаг нь болсон.

-УИХ-ын дараагийн дарга хэн байх вэ гэдэг тохироо, яриа ч улс төрийн хүрээнд ид яригдаж байна. Энэ асуудлаар  бүлэг дотроо ярилцсан уу?

-Дараагийн УИХ-ын дарга хэн байх талаар одоогоор манай бүлэгт огт яригдаагүй.

-Тэгвэл таны зүгээс шинээр томилогдох УИХ-ын даргад ямар шаардлага тавих вэ?

-Миний хувьд гурван шалгуурыг чухалчилна. Нэгдүгээрт, УИХ-ын нэр хүндийг өсгөх хүн байх. Өөрөөр хэлбэл, парламент арай л өөр боллоо шүү гэж гадна орчинд харагдахаар. Хоёрдугаарт, нийгэмд шударга ёс тогтоох, ард түмний хүсээд байгаачлан байгалийн баялгийн тэгш  хуваарилалтыг  парламентаар  чиглүүлэх. Гуравдугаарт, парламентын тогтолцоогоо авч үлдэж улмаар боловсронгуй, сайжруулах чиглэлд хатуу байр суурьтай байх  гэсэн энэ бүхнийг  УИХ-ын шинэ даргаас  хүснэ.

 

-Ардчилсан нам УИХ нэн яаралтай тарж, ээлжит бус сонгууль явуулах ёстой гэсэн байр суурьтай байгаа. Улмаар АН тогтоолын төсөл боловсруулан гишүүдийн гарын үсгийг цуглуулах үйл ажиллагааг эхлүүлсэн. Үүнийг  хэрхэн дүгнэж байна?

-Парламент тарж болно. Гэхдээ парламентыг тараагаад цаашдаа Ерөнхийлөгчийн засаглал руу  орох вий гэсэн болгоомжлол надад байдаг.

-Төрийн албаны тухай хуулийн шинэчилсэн найруулгыг хэрэгжүүлэхтэй холбогдсон зарим дүрэм, журмыг батлах тухай УИХ-ын тогтоолын төслүүдийг чуулганаар ид хэлэлцэж байгаа. Уг хуульд та нэлээд ач холбогдол өгч ажилласан. Шинэ хуулиар нам эсвэл, танил талаа ашиглаж төрийн албанд орох үзэгдэл багасах уу.  Ер нь төрийн албанд ямар өөрчлөлтийг бий болгох вэ?

-Нийгэмд төрийн албыг тойрсон шүүмжлэл олон бий. Энэ хууль хэрэгжсэнээр төрийн албанд тодорхой хэмжээнд ахиц гарна гэж бодож байна. Ялангуяа, төрийн албыг тогтвортой байлгах  чиглэлд том ахиц болно. Энэ хууль гарснаар хэн нэгэн даргын цүнх барьсан, нам дагасан хүн ажилд орох явдал үндсэндээ арилна. Өөрөөр хэлбэл, төрийн алба сонгуулиас хамаарч хөдөлдөг зүйл эрс багасна. Хоёрдугаарт, уг хуулийн хүрээнд төрийн албыг чадвартай болгох чиглэлд анхаарна. Гадаадын улс орны туршлагыг бид судалж үзсэн. Ойрын үед Засгийн газраас Төрийн албан хаагчдын сахилга хариуцлагын тухай хуулийн төслийг өргөн барина. Энэ бол маш чухал хуулийн төсөл. Уг хууль нь төрийн албаны хуультай уялдаж байх хэрэгтэй. Ингэж байж цаашид төрийн албыг  цэвэр, тунгалаг  болгоход том дэвшил болно. Энэ долоо хоногт багтаан Төрийн албаны зөвлөлийн гурван гишүүний асуудал шийдэгдэнэ. Ингээд  хоёрдугаар сарын 1-нээс эхлэн төрийн алба шинэ хуулийн дагуу шинэ бүтцэд орж ажиллах нөхцөл бүрдэнэ.

"Болор дуран"-аар шалгав.
Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-28 117.111.6.38

Хаа газар нэг иймэрхүү томоор яривал улс жижигээр хэлбэл байгууллага хувь хүний хөгжилд гай чинь болсон хүн хүүхэлдэй ..ариун сайхан дүртэнгүүд их бхынмдаа. Өөрсдөө тэд албан тушаалд очихгүй л гээд хэлж болдоггүй л юм бхад. Жинхэнэ хошин шог ..хлртой нулимс ...

Avatar

Зочин 2019-01-28 84.173.39.165

Nvvr ni vhsen hvniig shig. Uhaan ni zunusun hvniih shig.

Avatar

Зочин 2019-01-28 182.160.1.160

MANgaruud ajilaa ch hiij chadahgui dunkuu garuudaar duurchihsen nam boljee

Avatar

zochin 2019-01-28 122.201.19.66

Tegeed ih hurliin darga tomilolguigeer ajlaa yvuulj baiy gesen ug uu . Har lagaanuud

Avatar

Зочин 2019-01-28 64.119.26.55

лаларын хүрэлсүх худлаа шаахаас өөр юм байна уу чамд. Ард түмний чинь улам л хэцүү болж байна шүү. Чи ч яахав ингэж байгаад л Австрали руугаа зайлаад өгнө биз. Ард түмэн чинь энд үлдэнэ штэ. Хааяа ч гэсэн ард түмнээ бодож бай

Avatar

Зочин 2019-01-28 66.181.168.199

УХНА ХҮРЭЛСҮХ ЖДҮ-ЧИДТЭЙГЭЭ ТЭМЦЭЖ ЧАДАХГҮЙ БАЙЖ ЯАЖ УЛС ОРНЫ ЭРХ АШГИЙГ ТЭРГҮҮН ЗЭРЭГТ ТАВЬСАН ГЭЖ ХЭЛЖ ЧАДАЖ БАЙНАА. ТӨРИЙН АЖЛЫГ ГАЦААСНЫГ ЯАЖ ЭХ ОРОНЧ ГЭЖ ХЭЛЖ ЧАДАЖ БАЙНА АА. Д.ТОГТОХСҮРЭН БОЛ ХАЯНХЯРВААГИЙН 50 ХУВЬД Ч ХҮРЭХГҮЙ АЙМХАЙ, БӨӨРӨНХИЙ, НАМЫН ДАРГАА АЯЛДАН ДАГАГЧ, ТОЙРОН ХҮРЭЭЛЭГЧ Л ХАРАГДАЖ БАЙНА. БАЙНГА ШҮҮ.

Avatar

ХОЛ ОЧИЖ ХОГ ДЭЭР ГУЦОО 2019-01-28 103.57.95.76

Чи муу М.Энхболд Бадамшунал нарын авилагчид луйварчид, газар, албан тушаалын наймаачдын бүлэглэлийг АТГ-аар шалгуулчихаад Нийслэлийн бүх газрыг чөлөөлчихөөд, Албан тушаалд чадвараараа очдог болгочихоод, авилгаггүй Төртэй болгочихоод хуцаарай. УЛС ОРНЫ ЭРХ АШГИЙН 1-РТ ТАВИХ НЭН ЧУХАЛ АСУУДАЛ БОЛ МАНАН БҮЛЭГЛЭЛЭЭС САЛАХ ЯВДАЛ ЮМ.

Avatar

Зочин 2019-01-28 202.21.106.141

Энэ МАН ын хулгайч бас л худлаа ярьж байна. Өшөрхүү, жалга довны үзэлтэн ЖДҮ чдээ хамгаалагч Нямдоржийгоо дарга болгох гээд энэ бүх хуйвалдаанаа зохион байгуулсан биз дээ Одоо нөгөө Нямдорж нь дарга болно гээд л хөл нь хөнгөрчихсөн гүйж байгаа шдээ.

Avatar

Зочин 2019-01-28 202.9.43.232

Хамгийн шударга зарчим хаанаас эхэлдэгийг чи мэдэхгүй байна зааж өгье. У.Хүрэлсүх дүү Давхарбаяраас эхлээд дотны найз Х.Баттулга М.Энхболд ЖДУ гэсэн дараалалтай бол үнэхээр та бид хоёрын хувьд 1000 хувь санал нэгдэх байлаа. Хулгайч нарыг миний чиний тэдний гэж ялгаварлан ангилж үзнэ гэдэг өөрөө тэнэглэл. 1932 оны германы түүхэн үйл явц өнөөдөрийн Монгол орны байдал төстэй зүйлс их байна

Avatar

Зочин 2019-01-28 202.179.27.167

Та нарын сандал богсний хэруул ухэл дагуулаад хэцуу байна их зурлаа тараагаад зайлцгаа

Avatar

gyandan 2019-01-28 202.179.27.213

Sar ajillaa hiigeegui yum chine dor hayj 80 say tugrug hemensen yum baina yu uud zartsuulah gej baigaa bol

Avatar

Зочин 2019-01-28 202.179.27.46

ene hed tarval taarna

Avatar

Zochin 2019-01-28 202.179.30.194

Yakhaaraa iim khudalch khymyys tsuglarchikhdag bnaa. Dargad kheniig tomilokh talaar yarigdaagyi ch gekh shig. Khyn ynemshimeer yum yarij baigaach. Yakhaaraa uursduusuu busdiig teneg gej bodoj bdg uls yum boloo. Ard tymen tsagaan tsaas gej doromjlood bgaa yumuu khaashaa yum.

Avatar

Тогтохсүхэнгийн зѳв 2019-01-28 202.126.89.46

зѳрчилтэй бүлэг толгойлж байгаа хүн ийм байх нь зѳв шүү. худлаа шоудсан хэт дүр исгэсэн их мэдэгч байвал улс тѳрийн байдлыг улам хурцатгахаас намжааж дийлэхгүй. Д.Тогтохсүрэнд их итгэл найдвар хүлээлгэж байгаа шүү. амжилт хүсье

Avatar

Зочин 2019-01-28 66.181.185.92

Арьс чинь еертее бичээд бнуу пялдагаа

Avatar

Зочин 2019-01-28 202.126.88.39

uulaasaa tod hun dee nutgiin ahan duus ni medne. buleg tuluulj bgaa hun ingej yarihaas uur yagav. amjilt husii

Avatar

Зочин 2019-01-28 192.82.64.154

БҮЛЭГЭЭ ТӨЛӨӨЛЖ ЯРЬЖ БАЙГАА ХҮН ИНГЭЖ ЯРИХ НЬ ЗӨВ. ХЭТ ХУВЬ ХҮНИЙ ҮЗЭЛ, САНААГАА ОРУУЛАХГҮЙ.

Avatar

Зочин 2019-01-28 66.181.160.71

Шүүхээс үл хөдлөхийн гэрчилгээ нь улсын нэр дээр гарсан дээр нь маргаантай хувийг авах тэнэгүүд сингапурчууд мөн үү, 400 саяаар аваад 40 гаран саяаар зарах уу,Оюунэрдэнэ тэнэгийн үзүүлдэг шиг ганц хуудас гэрээгээр худалдаж авах уу.Тогтохсүрэн худлаа гар бн, мэдсээр байж шал худлаа хуцжээ.

Avatar

зочин 2019-01-28 192.82.65.120

Манай нам олонхи болж чадахгүй учраас үндсэн хуулиа өөрчилөх нь зөв.

Avatar

Зочин 2019-01-28 202.179.31.79

Ядаж монгол хүн шүү, сү батболд зүгээрш дэээ тулхтай л хүн, одооидээд хансан иул сү зүгээр шүү , энхболд бичгийнхээ толгойг буруу харуулчаад цээжилснээ уншихаа ч сиыхгүй дэндүү харанхуй мунхаг хүн шүү, мэнгэт бол бол даалгавраар монгол төрийг самрах хүн шүү монголын төлөө цохилох зүрх тэр бодгалд ниад шүү

Avatar

БА ЗО 2019-01-28 203.91.115.43

Н.ЭНХБОЛД,Ц.НЯМДОРЖ 2 л БИШ ШҮҮ

Avatar

Zochin 2019-01-28 202.126.89.50

Ugaasaa buurunhii muuhai hyn dee

Avatar

Муу санаатай хогийн нөхөр вэ 2019-01-28 103.14.38.137

Мэдээжийн ойлгомжтой юмыг ингэж худлаа ярих нь өөрийгөө улс төрийн хутган үймүүлэгч гэдгээ харуулж бн. ИХ даргын асуудал яригдахгүй бн гэж шал худлаа. МАН сөнөсөн. Ахиж ИХ-д ийм амжилт хэзээ ч гаргахгүй.

Avatar

Уншигч 2019-01-28 103.26.194.170

Энэ ярилцлагаас харахад маш бѳѳрѳнхий, чадвар муутай, ѳѳрийн гэсэн толгойгүй хүн байна гэж ойлгогдож байна.

Avatar

Зочин 2019-01-28 112.214.88.121

АН бүлэггүй болсон.Хууль бүү зөрч. АН - ы бүү тоо. Зоригтой шийдэмгий цаашаа явж ажлаа хий. Миеэ сэрдэнэ д.эрдэнэбатж.эрдэнэбат нарыг гишүүнээс татаж элбэгдорж сайханбилэг нартайхамт хариуцлага тооц.

NewsMN Гар утасны хувилбар Татах
NEWS.mn

Мэдээллийн эх сурвалж