Амиа алдсан цэргийн хэрэгт дахин үзлэг хийхээр болжээ | News.MN

Амиа алдсан цэргийн хэрэгт дахин үзлэг хийхээр болжээ

Хуучирсан мэдээ: 2019.01.28-нд нийтлэгдсэн

Амиа алдсан цэргийн хэрэгт дахин үзлэг хийхээр болжээ

Амиа алдсан цэргийн хэрэгт дахин үзлэг хийхээр болжээ

Дорноговь аймгийн Зүүнбаян дахь хурандаа Д.Өлзийбаяр захирагчтай 336 дугаар ангид алба хааж байсан хугацаат цэрэг /2019.01.22/ золгүй байдлаар амиа алдсан харамсалтай хэрэг гарсан билээ. Дээрх мэдээлэл цацагдсан даруйд олон нийтийн мэдээллийн хэрэгслээр талийгаачийг цэргийн ангидаа дэглүүлснээс болоод нас барсан гэх таамаг хөвөрч эхэлсэн юм.

Энэ асуудлаар Цагдаагийн ерөнхий газраас 2019 оны нэгдүгээр сарын 24-ны өдөр талийгаачийн үхлийн шалтгааны талаар мэдээлэхдээ гаднын нөлөөгүй амиа алдсан, бие дээрх хөх толбыг хүүрийн толбо хэмээн тайлбарласан юм. Тэгвэл уг мэдээллийг талийгаачийн ар гэрийнхэн үгүйсгэж талийгаачийг зодуулснаас болоод амиа алдсан гэдэгтэй санал нэгдэж байв.

Тухайлбал, талийгаачийн төрсөн ах Б.Эрдэнэбат “Миний дүүг тэр өдөр зодсон байгаа юм. Шарх, сорви нь бие дээр нь ил байж байна. Дүүг минь өглөө хөнжил, пүүгээг нь бариулаад гүйлгэсэн гэсэн. “Гүйж чадахгүй нь ээ, амьсгаа давчдаад байна" гэхэд нь баашиллаа гээд "нүдэж".

Хамт байсан цэргүүд нь тэгж хэлж байна лээ. Дараа нь цэргийн казармд ороход ухаан нь балартчихсан, куртикээ өлгөж чадахгүй орж ирээд ухаан алдаад унасан гэсэн.

Тэрнээс хойш ямар ч арга хэмжээ авалгүй, тусламж үзүүлэлгүй байсаар цагийн дараа эмч үзээд өнгөрчихсөн байна гэж хэлсэн гэсэн” гэж байжээ.

Б.АЛТАНТУЛГА ГЭЖ ХЭН БАЙВ?

Талийгаач Б.Алтантулга нь 19 настай айлын отгон хүү юм. Тэрбээр Орхон аймгийн харьяат нэгэн бөгөөд өнгөрөгч намар хугацаат цэргийн албанд татагджээ. Талийгаачийн хувьд ямар нэг хууч өвчингүй, эрүүл, цэргийн үзлэгт тэнцээд цэргийн албанд мордсон юм. Б.Алтантулга нь цэргийн ангид байхдаа зодуулдаг, дарамтлуулдаг байсан талаар ар гэрийнхэндээ нэг бус удаа дуулгаж байсныг хамт байсан цэргүүд нь гэрчилдэг. Тодруулбал, талийгаачийн хувьд цэргийн албанд татагдаад байх хугацаандаа эмнэлэгт хэвтэж байсан аж.

Мөн ээжийгээ эргэлтээр очсон үед “Гаргаж аваарай, хөөцөлдөөрэй ээж” гэж захихдаа зодуулж байсан тухайгаа хэлсэн байна.

ХЭРЭГ ГАРСАН ӨДӨР ЧУХАМ ЮУ БОЛСОН БЭ?

Талийгаач Б.Алтантулгын өмгөөлөгчид

Хохирогчийн хууль ёсны өмгөөлөгчид өнгөрөгч баасан /2019.01.25/ гаригт талийгаачийн асуудлаар мэдээлэл хийсэн. Өмгөөлөгч Э.Билгүүн сэтгүүлчдэд хандан  “Зүүнбаянгийн 336-р цэргийн ангид өмнө нь цэргүүдийг дэглэж тахир дутуу болгож байсан тохиолдол цөөнгүй бий. Талийгаачийг өөрөө гүйж явахдаа бахардаж унасан гэсэн асуудлыг ярьж байгаа. Бахардаад унахаар нь цэргийн ангийн удирдлагууд дээрээс нь өшиглөж харгисаар зодсон тухай хамт гүйж байсан цэргүүд нь гэрчилсэн.

Цэргийн ангийн камерын бичлэгт байгаагаар Б.Алтантулгыг тэнхээгүй болтол нь зодоод гүйлгэсний дараа хувцсаа өлгөж чадахгүй ухаан алдаад унахад чирээд орон дээр тавьсан бөгөөд нэг цагийн дараа эмчийн үзлэг хийхэд түүнийг нас барсан гэсэн дүгнэлт гарсан.

Биднийг очиход талийгаачийн нуруу хэсэгт үүссэн толбо бол хүүрийн толбо биш. Гаднын нөлөөтэйгөөр толбо үүсэх боломжтой гэж үзэж байгаа. Хөлийн шилбэний хэсэг хөхрөлт няцралттай, баруун мөрний дээд хэсэгт гаднын нөлөөтэй шарх, сорвитой байсан” гэх мэдээллийг өгсөн.

Мөн өмгөөлөгчдийн зүгээс энэ хэрэгт холбогдох хүмүүсийг шалгуулахаар Улсын ерөнхий прокурор, Цагдаагийн ерөнхий газрын дарга нарт хандсан байгаа.

ТАЛИЙГААЧИЙН ҮХЭЛД СЭЖИГЛЭЖ БУЙ АЛБАН ХААГЧДЫГ ЦАГДАН ХОРИХ САНАЛ ХҮРГҮҮЛСЭН

Хэргийн талаар ЦЕГ-аас өнгөрөгч баасан /2019.01.25/ гаригт албан ёсоор мэдээлэл хийсэн. Энэ үеэр Цагдаагийн ерөнхий газрын Мөрдөн байцаах албаны дарга, цагдаагийн хурандаа Д.Отгонжаргал “Нэгдүгээр сарын 22-ны өдөр 17.25 цагт Дорноговь аймгийн Сайншанд сумын нутаг дэвсгэрт байрлах Зэвсэгт хүчний 336 дугаар ангид 19 настай А үүрэг гүйцэтгэх хугацаандаа нас барсан” гэсэн дуудлага мэдээлэл цагдаагийн байгууллагад ирсэн. Мөрдөгч цогцост үзлэг хийхдээ шинжээч болон эмчийг оролцуулдаг. Дорноговь аймагт хийсэн шинжээчийн дүгнэлтэд гаднаа ил гарах шархгүй гэж бичсэн байсан.

Зурган дээр байгаа хүрэн улаан өнгийн толбо, зэргэлдээ байгаа зулгаралтууд гадны нөлөөтэй  эсэхийг дахин  нягтлахаар  шинжээч томилж,  үзлэг хийнэ. Шалгалтын комисс Дорноговь аймагт ажиллаж байна.

Тухайн цэргийн алба хаагчийг цэргийн ангиас гаргаж, хашаандаа бэлтгэл сургуулилт хийлгэсэн. Энэ үеэр гар хүрсэн зарим үйлдлүүд дүрс бичлэг дээр үлдсэнийг мөрдөн шалгах ажиллагааны явцад хурааж авсан.  Энэ нь үхэлд нөлөөлсөн үгүйг шалгалт хийж, тогтооно. Мөрдөгчийн тогтоолоор шинжилгээний байгууллага шинжлэх ухааны үндэслэлтэйгээр дүгнэлт гаргаж  шалгалтын ажиллагаа цааш явагдана. Ээлжийн ахлагч цэргийн алба хаагчид гар хүрч байгаа үйлдэл бичлэгт бий. Яг ямар үйлдэл хийж байгаа талаар шалгалт эхэлж байгаа учраас олон нийтэд  мэдээлэх боломжгүй” гэжээ.

ЗХЖШ-ААС ТАЛИЙГААЧИЙН ҮХЭЛД ХАРИУЦЛАГА ХҮЛЭЭХЭЭ МЭДЭГДЭВ

Энэхүү мэдэгдлийн  дараа Зэвсэгт хүчний жанжин штабаас /ЗХЖШ/ Зүүнбаян дах цэргийн ангид томилогдсон ажлын хэсгийнхэн талийгаачид тохиолдсон явдлын дараа тайлбар хийв. Бригадын генерал Б.Амгаланбаатар “Салбарын захирагч дотоод журмыг зөрчиж гар утсаар ярьсан байна хэмээн цэргүүдэд сахилгын арга хэмжээ авахуулах үүрэг өгсөн. Ахлагч цэргүүдийг талбай дээр гүйлгэсэн. Тухайн үед талийгаачийн дотор эвгүйрхээд гүйж чадахгүй байна гэсэн тайлбарыг өгсөн.

Дараа нь талийгаач гүйж байх хугацаандаа дотор нь эвгүйрхэж биеийн байдал нь мууджээ. Талийгаачийн бие муудахад орон дээр хэвтүүлж, дэргэд нь байсан ахлагч нар гар хөлөнд нь массаж хийн, эмнэлгийн анхан шатны тусламж үзүүлсэн.

Дараагийн хичээл ороход талийгаач таталт өгсөн тул багийн эмчийг дуудаж талийгаачийг Зүүнбаянгийн эмнэлэг рүү авч явсан. Тэгтэл эмнэлэг рүү явах замдаа нас барсан. Ингээд багийн эмч үзээд зүрх нь зогссон талаар хэлж, цагдаагийн байгууллагад мэдэгдсэн. Ар гэрийнхэнд нь бид маргааш өглөө нь дуулгасан” гэлээ.

Талийгаачийн ар гэрийнхэн өнөөдөр /2019.01.28/  хөдөөлүүлж байгаа аж. Мөн тус цэргийн ангийн захирагч Д.Өлзийбаярын хувьд өмнө нь 350 дугаар ангийн захирагчаар ажиллаж байхад нь цэргийн хоёр алба хаагч гранатад өртөж нас барсан дуулиант үйл явдал болж байсан юм.

ЗХЖШ-аас дээрх хариуцлага алдсан дарга, ахлагч нар хариуцлага тооцохоо мэдэгдсэн бөгөөд хэрэгт холбогдуулан ахлагч н.Мандалхангайг саатуулаад байгаа аж. Хуулийн байгууллагаас талийгаачийн шүүх эмнэлгийн дүгнэлт 21 хоногийн дотор гарна хэмээн тайлбарласан юм.

Э.АРИУН 

Энэ мэдээнд өгөх таны сэтгэгдэл?
12
БурууБуруу
6
ХарамсалтайХарамсалтай
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-28 43.228.131.45

ЦАГДАА ПРОКУРОРЫН МАНГАРУУД ХЭРЭГ ИЛРҮҮЛЖ ЧАДДАГ ЮМ УУ

Avatar

Gerel 2019-01-28 103.26.195.160

Za yamar ch baisan hergiig dahin nyagtalj uzeed unen zuviig togtoogooroi tsagdaagiinhan mini. Tsergiin angiinhan medeej nuun daldlah buh argaa l haij baigaa, iim hergiig taslan zogsooh l heregtei. Zurh setgelgui, munhag, hargis alban haachdin orontsognuudig tseverleh heregtei. Ter Mandalhangai geh nuhur gol sejigten gedgiig tserguud batlaad baigaan bishuu, ulbiisun muuhai tsaraitai hunii sugiig uurt ni medruuleh tsag ireh bailgui. Tsagdaagiin murdungiinhun mundag shuu, zaaval buh uneniig ilruuleerei

Avatar

Зочин 2019-01-28 202.126.89.73

Yamar ch baisan arga hemje avah heregtei alj l bdag bolj l bdag zoduulaad boljil baidag gej tsergiin darga nar boddog baih. bugdend ni arga hemje av. hunii huuhdiin ami nas buren buten gerte ergej harihiig ni zasgiin gazar hariutsaj baimaar yum

Avatar

fu 2019-01-28 202.21.127.219

zuragtaar garj bui kino bas ih ach holbogdoltoi uruu tataj bgm shig iim ym bsn ym shuu gej sanuulad bgam shig kinonuud ih garah bolson jishee ni mash nuuts gedeg 2 angit kino humuus goy bolson gedeg l ym bnlee niigemd buruu medeelel ogj bn gej bodoj baiga odoo tiimerhuu torliin kino hiihee bolimoor ym nogoo shuud oilgodog malnuud n kino hiih gej barag tseregt ywdag bolson bh !!

Avatar

Зочин 2019-01-28 202.179.31.253

бодвол гадны нөлөөгүй л биз ,,,,,,,, шалгаад л шалгаад л тэгээд л мартуулна даа ,,,,,,,,, ингэж байгаад л нохойн замаар оруулна даа манай хуулийн мундагууд хаха

Avatar

19 т 2019-01-28 103.26.195.238

Ахлагч МАГДАЛХАНГАЙ ГЭЖ НЭРИЙГ САЙН ТОГТООГООД АВААРАЙ ЗАЛУУЧУУДАА !

Avatar

Zochin 2019-01-28 66.181.161.92

Enhbolddonguud ni ogtsrooch Ichdeggvi sandaliin bogloonvvdeer mongol tor dutlaa yu

Avatar

Зочин 2019-01-28 66.181.180.36

Хамгийн түрүүнд Салбарын сайд нь хариуцлага хүлээж огцор, дээрээс нь Зүүнбаянгийн 336 -р ангийн удирдлагыг ажлаас нь чөлөөлж соль, бас Улсаас талийгаачийн ар гэрт хангалттай нөхөн төлбөр өг, мөн хэргийг маш нарийн шалгаж тусгай мөрдлөг явуулж буруутай этгээдэд хатуу хариуцлага тооцож талийгаачийн ар гэр болон Монголын ард түмэнд нээлттэй шүүх хурал явуулахыг шаардаж байна.

Avatar

Zochin 2019-01-28 64.119.19.36

Er hun geheeree tumruur hiisen hargislaj tamlaj baij tesver hatuujiltai boldog uheh uregddeggui amitan yum Uu! Adguus bish uhaant Humuun. Gedsee daahaa baichihsan huvalz shig yavdag jorlonguud hund ovsgoo sambaa uhaan zaah uu? Uursdiinhuu baastai zovlogoo chireed heden jil amid bh aa l bod. Uuriiguu zahirch chadahgui hevtej mongoliin ireedui bolson eruul saruul saihan zaluusaa ednii gart ugch eremdegluullmeergui bna.

Avatar

Зочин 2019-01-28 103.9.90.130

Хөөрхий дөөь нэг эх үрийнхээ араас гансарч, сэтгэлээ эмтэлсээр хорвоогийн өдрүүдийг өнгөрүүлэх нь. Эмгэнэл илэрхийлье ар гэрт нь!.
Цагдаагийн байгууллага ер нь цаашид энэ мэт явдалд анхаарч, цэрэгт явсан залуу эрчүүдээ хамгаалах цаг нэгэнт болсоныг удирдлагууд нь ойлгоосой.

Avatar

З 2019-01-28 64.119.16.175

Яг зөв хэллээ бр

Avatar

Алтаа 2019-01-28 66.181.179.43

Бас л нуун дарагдуулаад үхсэний хохь болоол өнгөрөх байх даа хөөрхий

Avatar

зочин 2019-01-28 66.181.183.90

Нэг бол цэрэгт яв, нэг бол бөөн мөнгө өг гэдэг. Мөнгө өгөхгүй бол а**а шүү гэж байгаа юм байна л даа. Хүүгээ цэрэгт нь ч явуулахгүй, мөнгө ч өгөхгүй. Оронд нь салаавч л өгнө.

Avatar

Зочин 2019-01-28 64.119.18.99

Иом дуугарахад учир бий Төрийн ордонд албан тушаалын хэнээтэй Н.Энхболд армид хал цэргүүд шинэ цэргээ зодоно гэж байхгүй.Үүнийг би баттай хэлж байна гээд л дөвчигнөсөн.Дараахан нь нөгөө хэлсэн үг нь салхинд хийсчихсэн юмуу уучлал гуйж харагдсан.Юмны түрүүнд бодолгогүй том дуугарах нь ямах хор уршигтайг энэ эрхэм мэдмээр дээ

Avatar

hairan huuhed 2019-01-28 202.9.44.149

huurhii amitan, amia aldahnee gedeg asuudal bsan uvhraas huutsulduurei, garaj avaarai gej guij bsan bhdaa. zasgiin gazar, tsergiin angiudtai TSERGIIG AMID, ERUUL SARUUL BUTSAAH BATALGAAnd gariin useg zuruulj bh heregtei yum bn daa

Avatar

Равдан 2019-01-28 202.9.43.163

Монгол ер нь цэргээр яахын? Хэнтэйгээ дайтах гээв? Байлдах чадвар ч үгүй. Татвар төлөгчдийн мөнгөөр баахан том том гүзээтэй генерал хурандаа нарыг угжаад л, нөгөөдүүл нь худлаа пээдийгээд л. Нээх өндөр цалин пүнлүү аваад л тэтгэвэрт гарахаараа бусдаас хувь илүү тэтгэвэр тогтоолгоод л…Хайран мөнгө. Орос, Хятад хоёртойгоо харилцан үл довтлолцох маш хатуу гэрээ байгуулж аваад түүнийгээ НҮБ-ээр баталгаажуулаад тэр мөнгөө өөр хэрэгтэй юманд зарцуулвал мөн ч хурдан сэхнэ дээ эдийн засаг.

Avatar

Saruul 2019-01-28 139.5.217.72

Yostoidoo

Avatar

зочин 2019-01-28 59.153.115.116

зүүнбаянгийн ангийг цэргийн яргын газар гэдэг гэсэн

Avatar

далай 2019-01-28 124.158.109.201

монголд хилийн цэрэг дотоодын цэрэг байхйд л болно шүү дээ эдгээр нь мэргэжил нь өндөр з****г хэрэглэл нь сайн байвал болон доо мэргэжилийн нэртэй хийх ажилгүй хэдэн нөхөд залуу хүүхдүүдийг зодож дарамталсан архи мөнгө нэхсэн муу зүйлд сургаасан өдөр хонгийг өнгөрөөсөн байдалтай байдаг шүү

Avatar

Зочин 2019-01-28 119.40.97.6

Хөөрхий нэг айлын хүү амиа алдаж ямар хэцүү хорвоо вэ? Дахиж ийм хэрэг бүү гараасай. Хүмүүсээ амьддаа бие биенээ хайрла. үхсний хохь битгий болоосой. Умсайнамгаланболтугай

Avatar

nyamka 2019-01-28 124.158.90.25

ахлагч н.Мандалхангай энэ нөхөр цэргээ хайрладаггүй адгийн н**ш шоронд нь хатаа

NewsMN Гар утасны хувилбар Татах
NEWS.mn

Мэдээллийн эх сурвалж