Өнөөдөр их цэвэрлэгээтэй | News.MN

Өнөөдөр их цэвэрлэгээтэй

Хуучирсан мэдээ: 2019.01.26-нд нийтлэгдсэн

Өнөөдөр их цэвэрлэгээтэй

Өнөөдөр их цэвэрлэгээтэй

Хотын Ерөнхий менежер Хотын нийтийн аж ахуйн ажил үйлчилгээг эрчимжүүлэх чиглэлээр албан даалгавар энэ долоо хоногт гарсан. Сар шинийн баярыг угтан энэ долоо хоногийн Бямба гарагт Нийслэлийн хэмжээнд Бүх нийтийн их цэвэрлэгээ зохион байгуулахаар болсон билээ.

Энэ өдөр иргэд, аж ахуйн нэгж байгууллагууд орчныхоо 50 метр газрыг цэвэрлэж, байгууллагынхаа цонх, хаалга, фасад, хаяг, хаягийн байгууламж, хайс хашлаганы тортгийг угааж, өнгө үзэмжээ сэргээн, байгууллага хамт олноороо идэвхтэй оролцохыг холбогдох байгууллагаас уриалж буй юм. Албан даалгавар гарсантай холбогдуулан хотын нийтийн аж ахуйн чиглэлээр үйл ажиллагаа эрхэлдэг мэргэжлийн байгууллагууд, дүүргүүдийн удирдлагуудад дараах албан даалгаврыг өгчээ.

  •  Нийтийн эзэмшлийн гудамж зам талбайн цас мөс, хог хаягдал орчныг цэвэрлэх,
  •  Хайс, хашлага, хогийн сав, сандал, хөшөө, баримал,
  • Зар сурталчилгааны болон хаяг, хаягийн байгууламж, гэрлийн шон, гэрлэн чимэглэл, нийтийн тээврийн автобус, хог тээврийн автомашины тоос тортгийг цэвэрлэх,
  •  Эвдэрч гэмтсэн хайс хашлагыг засварлаж нөхөх,
  •  Шатсан гэрэлтүүлэг, гэрлэн чимэглэлийг сольж, асалтыг сайжруулах
  • Инженерийн шугам сүлжээний худгийн алдагдсан тагийг нөхөх
  • Хөрсний уснаас үүдэж мөстсөн халиа дошинг цэвэрлэж, иргэдийн зорчих нөхцлийг бүрдүүлэх,
  •  Гудамж талбайд эзэнгүй явж байгаа золбин нохой муурыг устгах ажлыг эрчимжүүлэх

Албан даалгаварын хэрэгжилтийг энэ сарын 22-ноос ирэх сарын 1-ний хугацаанд шуурхай хангуулж ажиллах бөгөөд үүргээ биелүүлээгүй байгууллага, аж ахуйн нэгж, иргэдэд Нийслэлийн Мэргэжлийн хяналтын газраас хууль тогтоомжийн дагуу хариуцлага тооцож ажиллах юм.

Э.БУРАМ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж