Өнгөрсөн онд анхны бие даасан “Бид 4” цомгоо өлийдөн авсан “Бид 4” хамтлагийнхан тус цомогтоо багтсан дуунуудыг клипжүүлэн үзэгчдэд хүргэсээр байгаа билээ. Хэдхэн хоногийн өмнө энэхүү цомгийн “Хүсэл мөрөөдөл” дууны клип үзэгчдэд хүрсэн. Тэгвэл “Бид 4” хамтлагийнхан хоёр дахь цомгийнхоо дуунуудаас үзэгчдэд хүргэж эхэллээ. Энэхүү “Үүрд хамт” нэртэй дуу нь ирэх сарын 22-нд нээлтээ хийх “Эмоци” продакшн, “Кистоун” фильмсын хамтын бүтээл “Гурван найз: Яасан байх нь уу?” бүрэн хэмжээний уран сайхны киноны дуу юм байна. Үүрдийн нөхөрлөл, зөн совингоороо биенээ мэдрэх найзуудын тухай өгүүлэх уг дууны үгийг ZZ бичиж, аяыг хамтлагийн залуус өөрсдөө зохиожээ. Клипыг Roll энтертайнмент хийж гүйцэтгэсэн байна.

Л.ХАЛИУ