Боловсрол телевизийн ээлжит нэгэн контент “3 сая инээд” шоу нэвтрүүлгийг хөтлөгч, жүжигчин Г.Анхбаяр хөтлөн хүргэх тухай мэдээлэл цацагдаад удаагүй байна. Тэгвэл тус шоу нэвтрүүлгийн бас нэгэн нууц задарч “гурван сая төгрөг”-өөр үнэлэгдээд буй инээдийн эзэд хэн болох нь тодорлоо. Тэд бол хошин урлагийн “Маск продакшн”-аар овоглодог “шинэхэн гавьяат” МУГЖ М.Баярмагнай болон жүжигчин, “банш” хочит МУСТА Д.Баттөмөр нар юм.

Тун удахгүй үзэгчдийн хүртээл болох тус шоу нэвтрүүлгийн бүртгэл үргэлжилсээр байгаа бөгөөд М.Баярмагнай, Д.Баттөмөр нарыг инээлгээд тавхан минутын дотор 3,000,000 төгрөгийг авах боломжтой юм. Хэрэв та тэднийг инээлгэж чадна гэж бодож байвал ЭНД дарж бүртгүүлээрэй.

Бүтээсэн дүр бүхнээрээ үзэгч түмнээ инээлгэдэг хоёр эрхмийг нэвтрүүлгийн оролцогчид хэрхэн инээлгэж, хичнээн төгрөг “салгаж” чадахыг тун удахгүй цэнхэр дэлгэцээр харах нь ээ. Инээлгэх тусам илүү ихийг авах боломж хүн бүрт нээлттэй байна. Харин нэвтрүүлгийн гол эрхмүүд инээдэндээ хэр харам бол?