Ахмадууд "Насны хишиг"-ээ дансаар бус бэлнээр авах сонирхолтой байна | News.MN

Ахмадууд "Насны хишиг"-ээ дансаар бус бэлнээр авах сонирхолтой байна

Хуучирсан мэдээ: 2019.01.25-нд нийтлэгдсэн

Ахмадууд "Насны хишиг"-ээ дансаар бус бэлнээр авах сонирхолтой байна

Ахмадууд "Насны хишиг"-ээ дансаар бус бэлнээр авах сонирхолтой байна

Ахмадууд сар шинийн баяраас өмнө “Насны хишиг”-ийнхээ мөнгийг авахаар өнгөрсөн даваа гаригаас хойш банкны гадаа уртаас урт дараалал үүсгээд буй. Өчигдрөөс эхлэн арилжааны банкуудаар “Насны хишиг”, “Одонгийн мөнгө, “Ахмад дайчны мөнгө, “Цалинтай ээж” хөтөлбөрийн мөнгийг олгож эхэлсэн. Энэ жил 120.000 мянга гаруй ахмад настанд  “Насны хишиг” олгоно. Эдгээр "хишиг"-ийг банкных нь картаар олгодог болбол ачаалал буурах боломжтой. Энэ талаар бид сурвалжлага бэлтгэхээр Сүхбаатар дүүргийн нутаг дэвсгэрт байрлах Хаан банкны салбар 100 айл тооцооны төв мөн  100 айл дах  Төрийн банкаар ороход хоёул ачаалалтай, урт дараалал үүссэн байв. 

                         АХМАДУУД ХАЛАМЖИЙН МӨНГӨӨ БИЕЭРЭЭ ОЧИЖ АВАХЫГ ИЛҮҮД ҮЗДЭГ ГЭВ

Энэ жил 80 нас зооглож буй ахмад Д.Алтангэрэл:  Өнгөрсөн өдрүүдэд банк ачаалалтай, маш их оочиртой байлаа. Өвөө нь гурван өдөр дугаарласны эцэст өчигдөр дөрвөн цаг хүлээж байж “Насны хишиг”-ээ авлаа. Өнөөдөр харин ч банкны ачаалал багасчээ. Банканд ирснээсээ хойш 30 минут л боллоо. Байрны мөнгөө тушаахын зэрэгцээ тэтгэврийн мөнгөө авахаар сууж байна. Халамжийн мөнгө, “Насны хишиг”-ийн мөнгийг уул нь хүүхдүүдийн данс руу шилжүүлчихвэл биед амар байх юм. Хүүхдүүд картаасаа мөнгө аваад л надад өгнө шүү дээ.

Сүхбаатар дүүргийн оршин суугч 79 настай н.Цагаан: Өвөө нь тэтгэврийн мөнгөө авахаар дугаарлаж байна. Өчигдөр “Насны хишиг”-ээ авсан. Өдрөөс хойш дугаарлаж оройхон л авсан. Дүүрэг харгалзахгүй халамжийн мөнгө олгож байгаа, төвд ачаалал бага гэж  надад хэлсэн л дээ. Гэхдээ автобусанд сууж явах нь бас л  нэг ажил шүү дээ. Эндээ дугаарлаж байгаад мөнгөө авсан нь дээр”  гэлээ.

Ахмадуудын ихэнх нь өөрсдөө данс ашигладаггүй боловч тэтгэвэр, халамжийн мөнгөө  хүүхдийнхээ данстай холбох сонирхолтой байлаа. Мөн зарим нь данснаас илүү бэлэн мөнгөөр авах сонирхолтой байдгаа илэрхийлж байв.

Тус банкны ахлах теллер “Банкны зүгээс ачааллыг бууруулахын тулд халамжийн мөнгийг дансаар холбох ажлыг хийж байгаа. “Насны хишиг”-ийг жилд хоёр удаа л олгодог. Одоогоор иргэдийн данстай холбоогүй. Тухайн иргэн хүсэлтээ гаргавал халамжийн мөнгийг нь хүүхдийнх нь данстай холбох боломжтой. Банканд урт дараалал үүсч байгаа шалтгаан нь ахмадууд данс ашиглаж мэддэггүйгээс гадна мөнгөө бэлнээр нь авах сонирхолтой байна. Өндөр настай хүмүүс мөнгийг нь данс руу шилжүүлнэ гэхэд итгэдэггүй. Дансанд нь халамжийн мөнгө орчихсон байхад бэлэн мөнгө гаргуулж авдаг. Ихэнх нь данс ашиглаж, картаар мөнгө авахаас түвэгшээдэг. Энэ нь ахмадууд өөрсдийн биеэрээ ирж бэлэн мөнгөө авах сонирхолтой байдагтай холбоотой байх.

Бид “Насны хишиг”-ийг харьяа дүүрэг харгалзахгүйгээр банкны бүх салбарт олгож байгааг иргэдэд хэлдэг боловч, дугаарласаар л байдаг. Улсаас халамжийн мөнгөний санхүүжилтээ ахиу шилжүүлчихвэл бас урт дараалал үүсэх нь багасна. “Насны хишиг”-ийн санхүүжилт улсаас орж ирээгүй байхад л хүмүүс дугаарласаар байсан. Бид хэлж, ойлгуулахыг хэлээд ямар ч үр дүнд хүрээгүй. Нэгэнт санхүүжилт орж ирээгүй байхад урт дараалалд дугаарлах нь ямар ч үр дүнгүй шүү дээ. Гэвч бид үйлчлүүлэгчдээ хөөж болохгүй. Тэр хүмүүс явах үгүйгээ өөрсдөө л мэднэ” гэв.

Хаан банкны 100 айл дахь тооцооны төвийн ахлах  менежер М.Эрдэнэчимэг “Халамжийн мөнгийг харьяа, дүүрэг харгалзахгүйгээр олгож байгаа. Энэ тухай иргэдэд мэдээлж зөвлөдөг боловч манай салбараар л үйлчлүүлэх сонирхолтой, дугаарлаж байдаг. Сүхбаатар дүүрэгт өндөр настан харьцангуй их оршин суудаг. Өндөр настай иргэд магадгүй автобусанд сууж, өөр салбарыг зорихоос илүүтэй гэртэйгээ ойрхон гэж сонгодог байх. Харин улсаас олгож буй “Насны хишиг”-ийн мөнгөө ахмадууд дансаар авах боломжгүй. Жилд хоёр удаа олгодог учраас тэтгэврийн мөнгө, бусад халамжийн мөнгө шиг данс холбохгүй. Тиймээс л урт дараалал үүсээд байгаа юм” гэлээ.  

Тус тооцооны төвийн 02 дугаарт “Насны хишиг”, “Одонгийн мөнгө”, тэтгэвэр зэрэг халамжийн мөнгө олгож байгаа тул банкны ачаалал их, дугаарлах хүн олон байв. Халамжийн мөнгөө авах гэсэн ахмадуудын зарим нь гурван өдөр дугаарласны эцэст өнөөдрөөс халамжийн мөнгөө авах гэж байгаа бол нөгөө хэсэг нь өнөөдөр авахаар банканд 2.00 цаг орчим дугаарласан гэдгээ хэлж байв. Банканд дугаараа хүлээх ахмадуудын олонх нь “Насны хишиг”-ээ авахаар хүлээж байгаа бол зарим нь “Одонгийн мөнгө”,  тэтгэврийн мөнгөө авахаар ирсэн аж. 

 Улсын бүртгэлийн ерөнхий газрын ойролцоо буюу  100 айл дахь  Төрийн банкны салбараар орвол багагүй ачаалалтай байв.

Хүлээлгийн танхим дүүрэн хүн урт дараалал үүсгэжээ. Таяг тулсан, өндөр настай буурай нар “Насны хишиг”, “Одонгийн мөнгө” тэтгэврийн мөнгөө  авахаар хүлээлгийн сандал дээр сууж байлаа.

Сүхбаатар дүүргийн оршин суугч Д.Адъяажав: Банкны ачаалал их байна. Цаг орчим хүлээж сууна. “Насны хишиг”-ээ авна. Данснаас илүү биеэрээ ирж авсан нь илүү дээр байдаг.

Сүхбаатар дүүргийн оршин суугч Г.Удвалсүрэн: Насны хишиг”-ээ өчигдөр дугаарлаж байж авсан. Банкны ачаалал багассан байна. Одоо тэтгэврийн мөнгөө авахаар хүлээж сууна. Өнгөрсөн хэдэн өдөр банкны ачаалал дийлдэхээргүй, оочир их байна гэхээр нь гарч зүрхэлсэнгүй. Өчигдрөөс “Насны хишиг” олгож байна гэхээр нь очиж авлаа гэв.

Халамжийн мөнгө олгож буй арилжааны банкуудын ачаалал харилцан адилгүй байна. Ардын эрх, Бөмбөгөр, Баянмонгол орчимд ачаалалгүй цөөн хүн үйлчлүүлж байсан бол 100 айл, X хороолол, XVI хороолол, XXI хороолол, долоон буудал орчимд хамгийн их ачаалалтай буюу иргэд урт дараалал үүсгэн дугаарлаж байна.

Энэ мэдээнд өгөх таны сэтгэгдэл?
2
ТэнэглэлТэнэглэл
1
ХөөрхөнХөөрхөн
1
ГайхмаарГайхмаар
1
ХарамсалтайХарамсалтай
1
БурууБуруу
0
ЗөвЗөв
0
ХахаХаха
Баярлалаа!

Холбоотой мэдээ

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-25 139.5.219.208

АТМ ээс авч болж байвал Хенрика царайлаад хэн халамж авах гээд банканд дугаарлах вэ

Avatar

Ахмад настан 2019-01-25 139.5.219.208

93 тай настанг дансаар авья гэхэд биеэрээ ирж ав гээд байгаа битгий худлаа бич

Avatar

НАСТАНГУУД МОНГОЛЫН ТӨР ЗАСАГТ ТУЙЛЫН ИХ ГОМДОЛТОЙ БАЙНА 2019-01-25 59.153.114.235

Манай Төр засаг 3-хан сая иргэнээ олигтой амьдруулж чадахгүй, хэдэн муусайн настангууд нь ганц баяр Цагаан сараараа өрөнд ороод, сэтгэлээр гундаад дуусна. Насны хишиг нтр гэж хүн хуурсан хөгийн зүйл гарганаа. Чааваас даа Төр дөө. Ард иргэдээ олигтой шинэлүүлж чаддагүй мөртлөө ТӨРД ШУРГАЛЖ ТӨСӨВӨӨС ИДЭЖ БАЯЖСАН УИХ-н ГИШҮҮД, САЙД ДДАРГА НАР НЬ ӨӨРСДӨӨ БОЛОХООР ӨМСӨХ ХУВЦАС, ИДЭЭ ТАВАГ, ӨГӨХ БЭЛГЭЭРЭЭ УРАЛДАЖ ҮНЭТЭЙ ХӨӨРӨГ БАРИН БИЕ БИЕДЭЭ САЙРХАЖ ЗОЛГОДОГ НЬ ЭНЭ МОНГОЛЫН ЭМГЭНЭЛ ЮМ.

Avatar

Үйлчлүүлэгч 2019-01-25 202.126.88.36

тэтгэвэрээ дансаар картаар авч болж байхад тэр дансаар нь халамжийн мөнгийг нь өгөөч дээ. Худлаа ярьж очирлуулж зовоох хэрэггүй. Хэн чбанкин дээр очиж очщрлох хүсэлт гаргаагүй.

Avatar

Зочин 2019-01-25 202.179.31.111

Хогшин хумуусийг битгий зовоогоод бай авах естой монгий нь карт ашигладаг нь картаар нь бэлэнээр авдаг нь бэлнээр нь авах боломжтой нохцолоор нь монгий нь огч уйлчлэх зугээр

Avatar

намсрай 2019-01-25 203.169.49.98

сэтгүүлчид нь хүртэл халамжийн сэтгэхүйтэй болчихсан байна.

Avatar

Zochin 2019-01-25 64.119.26.200

halamjiin uilchilgee ni 100 hun mungu avahaar burtgeltei bol ulsaas 80 hund mungu shiljuuldegt bgaa yum.Tiim uchraas dans uusgej boldoggui gesen ug!!!Jishee ni A ene sar avch chadaagui bol daraa sar umnuh sar bolon tuhain sariin munguu az taarval avna,chadahgui bol dahiad daraa sard huleene geh metchilen hoid hormoogooroo urd hormoigoo nuhdug togtoltsoo,mungunii hemjeetei.Halamj uneniig yarij bolohgui,bank mun yarij bolohgui,irged nariin uchriig oilgohgui,hundlungiin humuus buur ch medehgui.

Avatar

Зочин 2019-01-25 178.62.53.205

1992 оноос хойш хүүхэд хөгшидийг зөнгөөрөө нь орхисон шдээ.

Avatar

Zochin 2019-01-25 60.32.101.144

Ард түмнийг ядуу байлгах нь МАНАН-ийн ЭРХЭМ зорилго юм.

Avatar

Хөгийн новшнууд 2019-01-25 59.153.114.235

Ард иргэдээ олигтой шинэлүүлж чаддагүй мөртлөө ТӨРД ШУРГАЛЖ ТӨСӨВӨӨС ИДЭЖ БАЯЖСАН УИХ-н ГИШҮҮД, САЙД ДДАРГА НАР НЬ ӨӨРСДӨӨ БОЛОХООР ӨМСӨХ ХУВЦАС, ИДЭЭ ТАВАГ, ӨГӨХ БЭЛГЭЭРЭЭ УРАЛДАЖ ҮНЭТЭЙ ХӨӨРӨГ БАРИН БИЕ БИЕДЭЭ САЙРХАЖ ЗОЛГОДОГ НЬ ЭНЭ МОНГОЛЫН ЭМГЭНЭЛ ЮМ.

Avatar

Зочин 2019-01-25 60.32.101.144

Ядуу байлгасныхаа ачаар сонгуулийг нь хямдхан худалдаж авдаг байхдаа.

Avatar

Zochin 2019-01-25 185.93.183.170

Ahamddud tegeed heden tug uugdug yum be?

Avatar

монгол 2019-01-25 77.136.16.142

карт ашиглаж сурах юм сан даа… өөрсдийгөө өрөөлийг зовоох гэж….

Avatar

Зочин 2019-01-25 103.229.122.120

ЗАРИМ НЬ МӨНГӨӨ АВАХ НЭРЭЭР ГАДУУР ГАРЧ ХҮНТЭЙ ХАРЬЦАЖ ХУУЧ ХӨӨРЧ ЯВАХ САЙХАН БАЙДАГ БАЙЖ ТААРАА ХҮН Л ЮМ ХОЙНО !

Avatar

ажил хийж үзээгүй хүн ёстой тэнэг байх юм аа 2019-01-25 31.220.0.225

ядаж атм хэрэглээд сурчихвал дээр ш дээ. төрсний гэрчилгээ шиг дэвтэр бариад зүтгээд байдаг.

Avatar

gyandan 2019-01-25 202.179.24.130

Kart n amarshdee…ugaasaa nerelhuu ulsuud suraad avmaaryum..sar bolgonii neged shuud kartand orchihdog.bur ugluu 6 tsagt shuu……………..

Avatar

Зочин 2019-01-25 202.131.254.74

Ахмад настан гэлгүй бүгд карт ашиглаж сурвал амар ш дээ.Заавал оочерлож,гадаа даарч бухимдаж байхын хэрэг юу байдаг юм бэ?

Avatar

Зочин 2019-01-25 182.160.1.211

atiisan p***a mini amia bodoj yavaarai

Avatar

Зочин 2019-01-25 202.21.101.226

Халамжлаад бай халамжлаад бай

Avatar

Зочин 2019-01-25 202.126.89.236

Наад банкныхан чинь дансанд нь хийхээ залхуураад ахмадуудыг банкинд оочирлуулж алалцуулж байгааг чи мэдсээр байж ийм балай юм бичиж ч байх гэж дээ. Чааваас амьтан байна даа чи

Avatar

Зочин 2019-01-25 202.126.89.236

Чи худлаа битгий шаагаад бай. Ахмадуудыг мал гэж бодоо юу. Ийм юм бичиж байдаг чи өөрөө мал

Avatar

Зочин 2019-01-25 202.21.125.158

Тэнэг хүмүүст юм ярьж байгаа юмуу хаашаа юм танай сэтгүүлчид. Дансаар авсан нь дээр гээд та нараас бусад нь яриад хүсээд байна

Avatar

Зочин 2019-01-25 66.181.182.192

одоо наад насны хишгээ ярьж дуусах болоогүй юу

Avatar

зочин 2019-01-25 66.181.169.162

Юун балай нийтлэл вэ. Заавал оочир дугаар үүсгэж байхаар дансандаа авахад юу нь болдоггүй байна аа. Заза бэлнээр авахаар арай ихийг авдаг юм байна гэж ойлголоо

NewsMN Гар утасны хувилбар Татах
NEWS.mn

Мэдээллийн эх сурвалж