"Бахардаад унахад нь баашиллаа гэж зодсон байсан, нуухгүй" | News.MN

"Бахардаад унахад нь баашиллаа гэж зодсон байсан, нуухгүй"

"Бахардаад унахад нь баашиллаа гэж зодсон байсан, нуухгүй"

Дорноговь аймгийн Зүүнбаян дахь 336 дугаар ангид алба хааж байсан хугацаат цэрэг нас барсан хэргийн мөрөөр хуулийн байгууллагууд шалгалт хийж байгаа бөгөөд өнөөдөр /2019.01.25/ Цагдаагийн ерөнхий газар, Зэвсэгт хүчний жанжин штаб,  хохирогчийн өмгөөлөгч нар сэтгүүлчдэд мэдээлэл хийлээ. Мэдээллийг багцлан хүргэж байна.

12.00 цагт: 

Цагдаагийн ерөнхий газрын Мөрдөн байцаах албаны дарга, цагдаагийн хурандаа Д.Отгонжаргал “Нэгдүгээр сарын 22-ны өдөр 17.25 цагт Дорноговь аймгийн Сайншанд сумын нутаг дэвсгэрт байрлах Зэвсэгт хүчний 336 дугаар ангид 19 настай А үүрэг гүйцэтгэх хугацаандаа нас барсан” гэсэн дуудлага мэдээлэл цагдаагийн байгууллагад ирсэн. Мөрдөгч цогцост үзлэг хийхдээ шинжээч болон эмчийг оролцуулдаг. Дорноговь аймагт хийсэн шинжээчийн дүгнэлтэд гаднаа ил гарах шархгүй гэж бичсэн байсан. Зурган дээр байгаа хүрэн улаан өнгийн толбо, зэргэлдээ байгаа зулгаралтууд гадны нөлөөтэй  эсэхийг дахин  нягтлахаар  шинжээч томилж,  үзлэг хийнэ. Шалгалтын комисс Дорноговь аймагт ажиллаж байна.

Тухайн цэргийн алба хаагчийг цэргийн ангиас гаргаж, хашаандаа бэлтгэл сургуулилт хийлгэсэн. Энэ үеэр гар хүрсэн зарим үйлдлүүд дүрс бичлэг дээр үлдсэнийг мөрдөн шалгах ажиллагааны явцад хурааж авсан.  Энэ нь үхэлд нөлөөлсөн үгүйг шалгалт хийж, тогтооно. Мөрдөгчийн тогтоолоор шинжилгээний байгууллага шинжлэх ухааны үндэслэлтэйгээр дүгнэлт гаргаж  шалгалтын ажиллагаа цааш явагдана. Ээлжийн ахлагч цэргийн алба хаагчид гар хүрч байгаа үйлдэл бичлэгт бий. Яг ямар үйлдэл хийж байгаа талаар шалгалт эхэлж байгаа учраас олон нийтэд  мэдээлэх боломжгүй. Тэр үйлдэл тухайн хохирогчийг үхэлд хүргэсэн үү гэдгийг бид комиссын бүрэлдэхүүнтэйгээр шинжээч томилж, гарсан дүгнэлтийн дараа болон хэрэгт авагдсан бусад нотлох баримтуудаар нягталж байж мэдээлэл хийнэ. Цагдаагийн байгууллагаас цэргийн алба хаагч нас барсан  хэрэг дээр  “Хүнийг санаатай алах” гэсэн гэмт хэргээр Эрүүгийн хэрэг үүсгэн шалгах саналаа прокурорт тавьсан. Мөн  хэрэгт сэжиглэгдэж буй алба хаагчдыг цагдан хорих саналыг хүргүүлсэн” гэв.

Дараа нь сэтгүүлчдийн асуултад дараах хариулт өгөв.

 -Гэр бүлийнх нь зөвшөөрөлгүй задлан шинжилгээ хийсэн гэж үнэн  үү?

-Мөрдөгчийн болон шинжээчийн баримталж байгаа Эрүүгийн хэргийг хянан шийдвэрлэх тухай хуульд прокурор, мөрдөгч өөрийн санаачилгаар шинэчилгээ явуулах үүрэгтэй. Энэ үүрэг нь аливаа гарсан гэмт хэргийг шуурхай бүрэн илрүүлэх ажиллагаатай холбоотой юм. Ялангуяа хүн нас барсан хэрэг дээр шуурхай хийх ажиллагааны хүрээнд хохирогчийн ар гэрт танилцуулах үүрэг мөрдөгчид байдаггүй.

– Шинжээч хохирогчийн талаар гадны нөлөөгүй гэх  дүгнэлт гаргасан нь эргэлзээ дагуулж байгаа. Шалгалтын явцад ноцтой зүйлүүд шинээр илэрсэн үү?

-Ер нь мөрдөгч шинжээч хоёр  цогцсын гаднах үзлэгийг хамт хийдэг. Тэмдэглэл үйлдэгч   нь мөрдөгч. Гэхдээ хүний биед нас барсны дараа үүссэн өөрчлөлтүүдийг мөрдөгч тэр бүр таньж мэдэх бололцоогүй учраас шинжээч  эмчийг оролцуулж ажилладаг. Шинжээчийн дүгнэлт   зөрүүтэй байгаа нь мөрдөн шалгах ажиллагааны явцад гарч ирнэ. Урьдчилсан байдлаар дүгнэлт хаана ч гараагүй байгаа. Цогцсын үзлэг хийгдсэн. Үзлэгийн  гаднах шинж тэмдгийг гадны ил харагдах гэмтэл шархгүй байна гээд хэлчихсэн асуудал.

-Тэгвэл өчигдөр ЦЕГ-аас хэвлэлийн төлөөлөгч мэдээлэл хийхдээ урьдчилсан дүгнэлт гарсан гэсэн шүү дээ. Тэр худлаа гэсэн үг үү?

– Өчигдөр мэдээлэл хийсэн ажилтан маань хуулийн хэллэгийг буруу хэрэглэсэн. Урьдчилсан байдлаар ямар ч  дүгнэлт гараагүй. Бид үргэлжлүүлэн дотор эрхтний байдлаас шалтгаалан нас барсан эсэхийг тогтоохоор эсийн нарийвчилсан шинжилгээг авсан. Шүүх эмнэлгээс нарийвчилсан эсийн шинжилгээний эцсийн дүгнэлтийг 21 хоногийн дотор гарна.

"Бахардаж унасных нь дараа харгисаар зодсоныг цэргүүд гэрчилсэн"

13.00 цагт: 

Өмгөөлөгч Э.Билгүүн “Дорноговь аймгийн Зүүнбаянгийн цэргийн ангийн байлдагч Б.Алтантулга амиа алдсан хэрэг гарсан. Эрүүгийн хэрэг хянан шийдвэрлэх тухай хуульд /ЭХХШ/ зааснаар Цагдаагийн ерөнхий газраас /ЦЕГ/ ажиллагаа явуулах ёстой байтал золгүй явдал байсан мэтээр ЦЕГ талийгаач нас бараад нэгхэн хонож байхад нийгэмд буруу ташаа мэдээлэл өглөө. Зүүнбаянгийн 336-р цэргийн ангид өмнө нь цэргүүдийг дэглэж тахир дутуу болгож байсан тохиолдол цөөнгүй бий. Талийгаачийг өөрөө гүйж явахдаа бахардаж унасан гэсэн асуудлыг ярьж байгаа. Бахардаад унахаар нь цэргийн ангийн удирдлагууд дээрээс нь өшиглөж харгисаар зодсон тухай хамт гүйж байсан цэргүүд нь гэрчилсэн.

Цэргийн ангийн камерын бичлэгт байгаагаар Б.Алтантулгыг тэнхээгүй болтол нь зодоод гүйлгэсний дараа хувцсаа өлгөж чадахгүй ухаан алдаад унахад чирээд орон дээр тавьсан бөгөөд нэг цагийн дараа эмчийн үзлэг хийхэд түүнийг нас барсан гэсэн дүгнэлт гарсан.

Талийгаач Б.Алтантулга нь 19 настай, суурь өвчингүй, бие бялдрын хувьд эрүүл байсан учир цэргийн албанд тэнцсэн. Золгүй байдлаар амь насаа алдах ямар ч үндэслэл байхгүй.

Эрүүгийн хэрэг хянан шийдвэрлэх тухай хуулийн 1.7.1-т мөрдөгч прокурор нотлох баримтыг тал бүрээс нь бүрэн бодитойгоор шалгаж хянасны үндсэн дээр хэргийн бодит байдалд шалгах ёстой гэж заасан байдаг. Мөн шинжээч тусгай мэдлэгийн хүрээнд өөрийн мэдлийн хүрээнд дүгнэлт гаргаж хариуцлага хүлээнэ гэж зааснаас бус шинжээч урьдчилсан дүгнэлт гаргана гэсэн заалт байхгүй.

ЭХХШ тухай хуульд шинжээч урьдчилсан дүгнэлт гаргана гэж байхгүй. Цагдаагийн байгууллагын хэвлэлийн төлөөлөгч хуульд байхгүй хэллэгээр урьдчилсан дүгнэлтээр гаднын нөлөөгүй нас барсан гэж нэг талыг барьсан мэдээлэл цацлаа. Иймд цагдаагийн ажилтныг холбогдох газарт нь шалгуулахаар хандсан. Бид өчигдөр /2019.01.24/ Эрдэнэт хотод очиж талийгаачийн цогцост үзлэг хийж ар гэрийнхэнтэй нь уулзсан.

Биднийг очиход талийгаачийн нуруу хэсэгт үүссэн толбо бол хүүрийн толбо биш ээ. Гаднын нөлөөтэйгөөр толбо үүсэх боломжтой гэж үзэж байгаа. Хөлийн шилбэний хэсэг хөхрөлт няцралттай, баруун мөрний дээд хэсэгт гаднын нөлөөтэй шарх, сорвитой байсан.

Үүнийг цагдаагийн ажилтан урьдчилсан байдлаар дүгнэлт гарсан мэтээр буруу мэдээлэл нийгэмд түгээлээ” гэв.

ТАЛИЙГААЧИЙН ҮХЛИЙН ШАЛТГААНЫГ ГАДНЫН НӨЛӨӨТЭЙ ГЭЖ ҮЗЭЖ БАЙГАА

Өмгөөлөгч Б.Өлзийцэрэн “Талийгаачийг амьсгалын дутагдалд ороод бахардаж байхад нь эмнэлгийн тусламж үзүүлэх ёстой байтал баашилж байна гээд нэмж зодож тарчлаасан. Энэ үйлдэл нь үхлийн шалтгаан болсон.

Эрүүгийн хуулийн 10.1-д зааснаар хүнийг санаатай алах гэмт хэрэгт тооцогдох бөгөөд зодсон цэргийн алба хаагчид эрүүгийн хэрэг үүсгэн шалгуулахаар Улсын ерөнхий прокурор, ЦЕГ-ын дарга нарт хандсан.

Мөн цэргийн эмч нар нь яаралтай тусламж үзүүлээгүйн улмаас хохирогч амь насаа алдсан. Тухайн гэмт хэргийг таслан зогсоогоогүй албан тушаалтнуудад хүсэлт гаргаад байна. Уг гэмт хэрэг нь онц ноцтой, хүнд гэмт хэрэг юм. Иймээс ЦЕГ-ын Онц хүнд гэмт хэрэгтэй тэмцэх тасаг шалгуулахаар хандаад байна. Талийгаачийн цогцост үзлэг хийлгэх, үхлийн шалтгааныг тодруулахаар холбогдох байгууллагад гомдол гаргасан” гэлээ.

Мөн шүүх эмнэлгийн дүгнэлт ирэх Даваа гаригт гарна гэдгийг өмгөөлөгчдийн зүгээс мэдээллээ.

ЗХЖШ: Хариуцлага хүлээхэд бид бэлэн 

16.00 цагт:

ЗЭВСЭГТ ХҮЧНИЙ ЖАНЖИН ШТАБ БРИГАДЫН ГЕНЕРАЛ Б.АМГАЛАНБААТАР: Хэргийн мөрдөн байцаалтын ажиллагаа явагдаж байгаа учир хэн нэгний нэрийг дурдах боломжгүй.

Уг хэрэг явдал 2019 оны нэгдүгээр сарын 22-ний өдрийн 14.30-16.00 цагийн хооронд болсон. Энэ хугацаанд ангийн захирагчийн тогтоосон журмын дагуу тав, зургадугаар цагийн хичээл орж байсан. Энэ үед салбарын ахлагч нар цэргийн ангид үзлэг хийсэн. Үзлэгийн явцад эмх замбараагүй хадгалсан эд зүйлс, гар утас олдсон. Салбарын захирагч дотоод журмыг зөрчиж гар утсаар ярьсан байна хэмээн цэргүүдэд сахилгын арга хэмжээ авАхуулах үүрэг өгсөн. Ахлагч цэргүүдийг талбай дээр гүйлгэсэн.

Тухайн үед талийгаачийн дотор эвгүйрхээд гүйж чадахгүй байна гэсэн тайлбарыг өгсөн. Дараа нь талийгаач гүйж байх хугацаандаа дотор нь эвгүйрхэж биеийн байдал нь мууджээ. Талийгаачийн бие муудахад орон дээр хэвтүүлж, дэргэд нь байсан ахлагч нар гар хөлөнд нь массаж хийн, эмнэлгийн анхан шатны тусламж үзүүлсэн. Дараагийн хичээл ороход талийгаач таталт өгсөн тул багийн эмчийг дуудаж талийгаачийг Зүүнбаянгийн эмнэлэг рүү авч явсан. Тэгтэл эмнэлэг рүү явах замдаа нас барсан. Ингээд багийн эмч үзээд зүрх нь зогссон талаар хэлж, цагдаагийн байгууллагад мэдэгдсэн. Ар гэрийнхэнд нь бид маргааш өглөө нь дуулгасан.

Ажлын хэсгийн дүгнэлтээр хэд хэдэн зөрчил илрүүллээ. Тухайлбал, ангийн удирдлага сахилга, хяналт сул байсан. Хоёрдугаарт, салбарын захирагч шийдвэр гаргахдаа цэргийн сахилгын дүрмийг зөрчсөн байсныг тогтоосон. Гуравдугаарт, эмнэлгийн анхан шатны тусламжийг хожимдож үзүүлсэн. Иймээс ажлын хэсгийн дүгнэлтийг салбарын сайдад танилцууллаа. Одоо Зүүнбаянд цагдаагийн байгууллага, тагнуулынхан хэргийн газар ажиллаж байна" гэв.

Мэдээлэл хийснийхээ дараа сэтгүүлчдийн асуултад хариуллаа.

-Тухайн байлдагчийг зодож, дарамталдаг байсан гэсэн мэдээлэл цацагдлаа. Таны яриа талийгаачийн төрсөн ахын яриатай авцалдахгүй байна. Үүнд тайлбар өгөөч?

-Эмчийн үзлэгийн тэмдэглэл байгаа. Эмчийн дүгнэлтэд ямар нэгэн гадна шарх, сорвигүй, ил гэмтэлгүй гэж бичсэн учраас зодсон гэж хэлэхэд хэцүү байна. Гүйж чадахгүй байхад нь тухайн хариуцаж байсан ахлагч жагсаал гүйцэхгүй баашиллаа гээд цохисон асуудал байна. Үүнийг нуухгүй. Гэхдээ үхэлд хүргэсэн эсэхийг шүүх эмнэлгийн дүгнэлтээр тогтоох байх. Цохисон болохыг хажууд байсан цэргүүдийн яриагаар нотолсон. Харин ээжтэйгээ утсаар ярьсныг би мэдэхгүй. Олдсон утас нь талийгаачийн утас биш н.Отгонбаяр гэдэг байлдагчийн утас байсан.

-Цэргийн ангийн ахлагчид хариуцлага тооцсон уу. Өмнө нь тус цэргийн ангид осол гарч байсан тохиолдол бий?

-Д.Өлзийбаяр хурандааг албан тушаал бууруулж байсан. Сахилгын шийтгэл, цэргийн дүрмийн дагуу хоёр жилийн хугацаа нь дууссан учир дахин цэргийн ангийн захирагчаар томилсон нь үнэн. Хэрэг гарах үед Д.Өлзийбаяр хурандаагийн ар гэрийнхэн Улаанбаатарт мэс засалд орсон учраас тэрбээр  нийслэлд байсан.

-Талийгаачийн нуруун тус газар, шилбэ, баруун гарын хэсэгт шарх байсан гэх мэдээллийг өмгөөлөгч нар нь өгсөн. Үүнд тайлбар өгөөч?

-Би цогцсыг үзээгүй болохоор сайн мэдэхгүй байна.

-Шинэ цэргийг яргалдаг, тамалдаг гэсэн яриа бий. Танай байгууллагаас үүнд ямар тайлбар хийх вэ?

-Тэр тухайд сошиалаар яваад байгаа шиг нөхцөл байдал байдаггүй. Сэтгүүлчид та бүхэн манай цэргийн ангийг үзэж болно. Өдөр бүр дэглэдэг зүйл байдаггүй. Аль болох ийм хэрэг гаргуулахгүй байхын төлөө бид тэмцэж байна. Хариуцлага алдсан бүх албан тушаалтанд арга хэмжээ тооцно. Мөн 2017 онд үүнтэй төстэй хэрэг гарч байсан. Тухайн үед ангийн удирдлагуудыг нийтээр нь сольсон. Тиймээс энэ хэрэгт буруутай хүмүүст хариуцлага тооцно. Цаашид цэргийн алба хаах орчин нөхцөлийг сайжруулна гэж бодож байна.

-Ар гэрийнхэнтэй нь холбоо тогтоосон уу?

-Ар гэрийнхэнтэй нь цэргийн ангийн удирдлагууд газар дээр нь уулзсан. Шарилыг Зүүнбаянгаас Орхон аймагт хүргэхээр оршуулгын комисс томилогдсон. Оршуулгын комиссын бүрэлдэхүүн талийгаачийн гэрт байгаа.

-Та нар хариуцлага хүлээхэд бэлэн үү?

-Бид хариуцлага хүлээхэд бэлэн.

Э.АРИУН, Э.БУРАМ

"Болор дуран"-аар шалгав.
Энэ мэдээнд өгөх таны сэтгэгдэл?
21
ХарамсалтайХарамсалтай
13
БурууБуруу
3
ТэнэглэлТэнэглэл
2
ЗөвЗөв
1
ХахаХаха
1
ГайхмаарГайхмаар
0
ХөөрхөнХөөрхөн
Баярлалаа!

Холбоотой мэдээ

58 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-25 64.119.25.147

Сайдыг огцруулья бусад холбогдох албан тушаалтнуудтай нь огцруулья

Avatar

Зочин 2019-01-25 103.212.119.134

цэргийн байгууллагад ажиллаж буй хүмүүстэй сайн анхааруулж хэлж ярьж байхшгүй бол болохгүй байна шүү

Avatar

Уншигч 2019-01-25 202.126.89.208

Хүний амь үрэгдчихээд байхад арьсаа хамгаалаад сууж байдаг дүүрчихсэн дуракууд байна даа. Татвар төлөгчдийн мөнгөөр тансаглаж, хулгайлж байдаг цэргийн ангийн удирдлагуудыг сайн шалгах хэрэгтэй.

Avatar

иргэн 2019-01-25 103.26.193.208

Хүүхдэд балмад ханддаг цэрги йнхний ийм ажиллагааг зогсоож чадахгүй бол яам арми байх хэрэггүй. Урьд нь ийм явдлууд гардаг байсан шүү. Хариуцлага хүлээж сураачээв ерөнхий сайд эрх биш нэгийг бодож байгаа байлтай? Дэндүү балмад байна шүүдээ.

Avatar

21 2019-01-25 202.131.225.197

Khun alchaad tgd ajilaasaa halagdah uu tei ene chine tgd huulii eosnii ajil uu brigadin Generalaaa

Avatar

Зочин 2019-01-25 64.119.20.3

Цэргийн ангийнн удирдлагаас эхлээд цагдаа шинжээч ЦЕГ-ын ХМА гээд дараалаад гадны нелеегvй гэж яриад эхэлсэн нь нэгдсэн зохион байгуулалтайгаар зориуд худлаа ярьсан. Энэ нь ямар учраас дэс дараалан худоаа мэдээлэл тараасныг илтгэж байгааа. Хэргийг нуун дарагдуулах зорилготой харагдаж байгаа.

Avatar

Дорж 2019-01-25 150.129.141.91

Ажлаа мэдэхгүй, ажилдаа сэтгэлгүй ийм сайд яаж цаашид энэ салбарыг авч явж дийлэхэв дээ. Хурдхан шиг мэддэг чаддаг хүнд нь ажлаа хүлээлгэж өгсөн нь дээр шүү Н.Энхболдоо! Хариуцлагаа ухамсарлаад хурдан огцор!

Avatar

Мөнхөө 2019-01-25 202.131.236.198

Үнэхээр сэтгэл өвдөөд байна.Хариуцлагаа хүлээхгүй гээд чи яахын хүний үр үрэгдчихээд байна.

Avatar

Генерал 2019-01-25 64.119.17.225

ЗЭВСЭГТ ХҮЧНИЙ ЖАНЖИН ШТАБЫН БРИГАДЫН ГЕНЕРАЛ Б.АМГАЛАНБААТАРЫН ЯРЬСНЫГ УНШААД УУР БУХИМДАЛ ҮНЭХЭЭР ХҮРЛЭЭ. АСУУДЛЫГ ЗӨВ ШИЙДЭХ БИШ АРХИНД ТҮЛЭГДЭЖ, ҮРЧИЙСЭН АРЬСАА ХАМГААЛСАН ЮМ ЯРЬСАН БНА. ИЙМ БОЛОХООР ЦЭРГИЙН АНГИУДЫН АЖИЛ САЙЖИРДАГГҮЙ, ЭРҮҮЛ САЙХАН МОНГОЛ ЗАЛУУС ЭРҮҮЛ МЭНД, АМЬ НАСААРАА ХОХИРСООР БГАА. ИЙМ ЗӨНӨГҮҮДИЙГ ЗЭВСЭГТ ХҮЧНЭЭС ЗАЙЛУУЛЖ ОРЧИН ЦАГИЙН ШААРДЛАГА ХАНГАСАН БОЛОВСОН ХҮЧНИЙГ АЖИЛЛУУЛАХ ХЭРЭГТЭЙ. АЖИЛДАА МЭРГЭЖЛИЙН БУС ХАНДСАН, ЯРГАЧИН ЗАНДАЛЧИНГУУДАД ХУУЛИЙН ХАРИУЦЛАГА…

Avatar

Иргэн 2019-01-25 66.181.177.152

Гоё гоё,одоо бүгд арьсаа хамгаалсан мэдэгдэл хийж байна.Хамгийн анх гадны нөлөөгүй гэж мэдээлэл өгсөн ЦЕГ-ын хэвлэлийн төлөөлөгчид ямхр хаииуцлага тооцох вэ. Илэрхий шарх,гэмтэлийн ул мөр байхад хүүрийа толбо гэж мэдээлэл хийсэн, гадны нөоөөгүй бахардсны улмаас зүрх нь хаагдсан гэсэн . Эцэст нь хэлэхэд хүнийг бахардаж унатал нь гүйлгэх нь харгислал,ямар фашистын концлагерт байгаа юм уу. Ер нь хүнлэг ,ёс суртахуунтай, хүн чанартай байх хэрэгтэй

Avatar

Хотын уугуул ЧД иргэн Бат 2019-01-25 202.179.24.186

Батлан хамгаалахын сайд Н.Энхбодын ярилцлагыг уншлаа. Мань хүн салбараасаа маш хөндий, Жанжин штабын хийж байгаа ажлыг нь мэддэггүй, хяналт тавьдаггүй, ЖШ-тайгаа харилцаа тааруухан байдаг нь анзаарагдлаа. Энэ нөхөр офицеруудын орны дэргэдэх саарал байшингийн сайд юм уу Ерөөсөө ойлгосонгүй. Ер нь, Батлан хамгаалахын сайд ясны цэргийн хүн байх ёстой юм байна гэж бодогдлоо. АНУ, Баруун Европыг дуурайж энэ салбарыг энгийн хүнээр удирдуулж одоогийн дампууралд оруулсан хариуцлалыг хэн хүлээх вэ…

Avatar

Хохирогч 2019-01-25 66.181.176.17

Бат эрдэнэ сайд шиг хариуцлагаа хүлээгээд өөрөө өргөдлөө өгмөөр юм аа

Avatar

Сайд нь огцрох шаардлагатай 2019-01-25 202.126.89.194

Бодохоор л гол зураад харамсаад байх юм. Салбарын сайд нь гэж нэг өлбийсөн юм. Бат-Эрдэнэ аварга шиг ажлаа өгөөд явах хэрэгтэй.

Avatar

Зочин 2019-01-25 202.179.31.101

Арай ч дээ эмч үзэхэд бие дээр шарх сорви байхгүй байсан….. гүйлгэсэн гүйгээд бахардсан энэнээс болоод өнгөрсөн…Хүнлэг чанар шударга ёс гэж ер нь байна уу .

Avatar

Н. Энхболд нь огцор 2019-01-25 202.9.43.168

Хүний нандин үр эндчихээд байхад 1 хором зогсоод ярилцлага агч чадахгүй, хариуцлагаа хүлээж чхдахгүй, худлаа ярьж болохгүй гэж сэтгүүлч рүү дайрч ширэн нүүрлэж байсан 12 цаг болохгүй л өөрийнхөө ярьсны эсрэг би мэдээгүй байсан гэж гөлөг шиг царайлж хэлж зогсохдоо ичэх хэрэгтэй. Мэддэггүй юм бол мэддэг хүнд нь ажлаа егөөд зайлаад өг

Avatar

Зочин 2019-01-25 150.129.140.58

Батлан хамгаалахын сайд Н.Энхболдыг хурдан огцруулах хэрэгтэй . Салбараа мэддэггүй сайд томилдгийн гай шүү.

Avatar

Н. Энхболд нь огцор 2019-01-25 202.126.89.194

Хүний нандин үр эндчихээд байхад 1 хором зогсоод ярилцлага агч чадахгүй, хариуцлагаа хүлээж чхдахгүй, худлаа ярьж болохгүй гэж сэтгүүлч рүү дайрч ширэн нүүрлэж байсан 12 цаг болохгүй л өөрийнхөө ярьсны эсрэг би мэдээгүй байсан гэж гөлөг шиг царайлж хэлж зогсохдоо ичэх хэрэгтэй. Мэддэггүй юм бол мэддэг хүнд нь ажлаа егөөд зайлаад өг

Avatar

зочин 2019-01-25 182.160.32.168

ТЭР Д.ӨЛЗИЙБАЯР ГЭГЧ НЬ ХААНА БАЙХ НЬ ХАМААГҮЙ ШД, АЖЛАА ХИЙЖ ЧАДАХГҮЙ БАЙНА, ХҮНЭЭ УДИРДАЖ ЧАДАХГҮЙ БАЙНА, ОДОО ЗАЙЛУУЛАХ ЁСТОЙ, ДЭЭРЭЭС НЬ БҮХ ЦОЛЫГ НЬ ХУРААЖ, ХОРИХ ЁСТОЙ, ИЙМ ХҮН ДАЙНД ОЛОН ХҮНИЙГ АЛУУЛАХ ЮМ БАЙНА

Avatar

зочин 2019-01-25 182.160.32.168

АМААРАА ХАРИУЦЛАГА ХҮЛЭЭХЭД БЭЛЭН ГЭЭД БАЙХ ЮМ БҮГДЭЭРЭЭ АЖЛАА ӨГӨӨД ЗАЙЛЧГААГАА, ТӨРИЙН БОЛОН УДИРДАХ АЛБАН ХААГЧ, ТӨРИЙН ЖИНХЭНЭ АЛБАН ХААГЧДЫГ ҮНДСЭЭР НЬ СОЛИХГҮЙ БОЛ БОЛОХГҮЙ БОЛЖЭЭ, НИЙГМЭЭРЭЭ ХАМУУР, ӨТСӨН БАЙНА, АРД ТҮМЭН ГЭЖ ӨӨРСДИЙГӨӨ НЭРЛЭДЭГ ХҮМҮҮСИЙН Ч ТАРХИ ӨТСӨН БАЙНА

Avatar

МС 2019-01-25 77.16.65.211

Цэрэг хүнд гар утас байх ёстой. Ямар шорон биш дээ. Бэлтгэл сургууль хийдэг хичээлийн хуваарь байдаг, орой үдшийн цагаар амарч буй цэргийг үймүүлдэггүй, тэд улсаа хамгаалах эрдэмд суралцаж байгаа тул тэднийг маш хүндэтгэж харьцдаг, хагас бүтэн сайнд амарч гэр орондоо харьж гадуур зугаалах эрхтэй. Онгоц галт тэргээр хямдралтай үнээр зорчдог. Миний амьдардаг Норвеги улсад ийм байдаг. Би чинь хүн юм байна шүү гэдгээ жинхэнэ мэдэрдэг нийгэм ийм л байдаг даа. Эр эм ялгалгүй цэрэгт алба хаадаг гэхдээ

Avatar

Зочин 2019-01-25 146.66.234.247

Хуулийн хэллэг буруу ашигласан тэр албан тушаалтанд хариуцлаг тооцох ёстой. \nЭнэ бол байж болохгүй том алдаа. !!! \nГадны оронд ийм том хэрэг битгий хэл зурагтаар сар өдөр буруу хэлээд ажлаа хүлээлгэж өгдөг. \nИйм хариуцлагтай ажил дээр юугаач мэдэхгүй нусан б** тавьчихсан !! Ингэж болохгүй ээ найзуудаа !

Avatar

Зочин 2019-01-25 64.119.17.149

Armiin novshnuud hun yrgalsan heveeree baigaa yum baina daa. Darga nar ni medeellee NUUTSALDAG NI GEM BISH JAM YUM DAA. HARIUTSLAGA TOOTSOH HRGTEI HOOLNII SAVNUUD

Avatar

Мандах д 2019-01-25 66.181.161.28

Мандах гэгч нэг муу мал бичиж байгааг нь ээ өөрөө байсан бол яаж баашлах бол эрдэнэт хүний амь эрсэдсэн байхад өмхий амныхаа зоргоор битгий бур ирээдүй болсон цэл залуу хүүгийн оронд чам мэтийн хүний хогнууд явбал таарна ганц шанаа даахгүй ч гэх шиг ийм юмнууд л өөрийхөө эрхэнд байгаа хүнийг дээрэлхэж өөрөөсөө дээгүүрт долигодог байхдаа

Avatar

Мандах 2019-01-25 43.242.243.63

Суртэй гарууд вэ 10 км кроссонд гуйж чадахгуй ганц шанаа даахгуй яаж эх орноо хамгаалах юм одооны энэ нусгай нар 3 жилийн албанд явбал бугд ухэх юм байна

Avatar

Зочин 2019-01-25 66.181.178.253

Ганц шанаадаагүй байнаа хулгайчаа. Хэдэн км гүйчээд, ядраад амьсгаагаа дарах гэж байхад нь нэмж зодсон байна. Чамайг 10 км гүйгээд ирэх чинь нэг сайхан зодох юмсан. Тэгээд дараа нь Шанаагаа даана шүү гээд хэлэх юмсан

Avatar

Зочин 2019-01-25 45.117.35.6

Зайл огцоруул тэр Энхболд гэж батлан хамгаалахын сайдыг

Avatar

Зочин 2019-01-25 103.26.194.54

баярцогт хүүг тахир дутуу болгосон нөгөөхи яргачин нь шийтгэл хүлээх болохоор бултаж зугтаад алга болсон байна. шийтгэлээс зугатахад нь армийн удирдлагууд нь тусласан гэж ойлгогдохоор зүйлийг хохирогч ярьж байна. хүний \n эрүүл саруул хүүхдийг армид аваачаад насан турш нь тахир дутуу болгочихоод ямар ч шийтгэлгүй явж байдаг нь хаанахын ёс вэ. тэр яргачин баярцогт хүүгийн нэхэмжилсэн 15 сая төгрөгийг өгөх ёстой.

Avatar

Зочин 2019-01-25 103.26.194.54

сая "парламент" сувгаар яг энэ цэргийн ангид алба хааж байгаад даргадаа тамлуулан тахир дутуу болсон баярцогт гэдэг залуу ярилцлага өгч байна. энэ залуу дарга нар нь цэргүүдээ "яргалдаг" гэж хэлж байна. яргалдаг шүү . дайсан л дайснаа яргалдаг байх. хайран сайхан хүүхдүүд . амгаланбаатар генерал хариуцлага хүлээхэд бэлэн байгаа болохоор наад албан тушаалаа өгсөн нь дээр. сайд н.энхболд ч хариуцлага хүлээх ёстой шүү дээ.

Avatar

Зочин 2019-01-25 112.214.88.121

Цэрэг зодож алсан с.эрдэнэ миёэ хамтарч асуудлыг маш ихээр дэвэргэж мөнгө цацаж тарвага швёйцариас зөвөлж байгаа гэсэн шүү.

Avatar

Уншигч 2019-01-25 202.126.89.205

Ардын хүүхдийг яргалж алчихаад гүйж байгаад бахардаад үхчихлээ ухааны юм ярих гээд хэргийг илт хайцаалж байна. Сайн шалгаж армийн ялзралыг олон нийтэд ил болгохыг л олон нийт хүсч хүлээж байна.

Avatar

Зочин 2019-01-25 202.21.106.121

Цэргийн алба ингэж цэрэгт явах залуусын зүрхийг үхүүлж байна ш дээ. Тэнд залуусыг дарамталж,яргалж, хүч хэрэглэж байна. Амь насанд нь хүрсэн тохиолдолд ил яригдана уу гэхээс бусад цэргүүд бол зодуурын шарх сорвитой л байгаа.

Avatar

Нансал 2019-01-25 66.181.182.68

Эх орноо хамгаалахаар очоод боловсролгүй бүдүүлэг зэрлэг ахлагч нарын гарын чилээг эрүүл мэнд амь насаараа гаргачих юм байна даа. Ардын хүүхдүүдийг тамлаж зовоохоос өөр хийх ажил цэргийн ангийн ахлагч офицеруудад байдаггүй бололтой.. Аргагүй дадлага сургуулилт хийх з****г техник байхгүй юм чинь нударга зангидаж цагийг өнгөрөөдөг байх нь .Ардын хүүхдийн эрүүл мэнд амь насанд халдах эрхийг ямар хуулиар олгосон юм бэ???. Хууль уншиж судлах чадваргүй боловсролгүй бүдүүлэг яргачингуу

Avatar

Зочин 2019-01-25 202.179.27.14

ӨӨРИЙГӨӨ НУУХ ЭРХТЭЙ ГЭЭД АНДУУРЧИХАЖ.

Avatar

Зочин 2019-01-25 122.201.28.10

Цагдаагийн хэвлэлийн төлөөлөгч гээд хүүхнийг болиочээ. Ямар ч мэдлэггүй хүн хэд хэдэн удаа алдаа гаргалаа. ш дээ. Өмнө нь Махбалын хэрэг дээр балай балай юм яриад байсан. Яасан алдаа засдаггүй юм бэ

Avatar

Зочин 2019-01-25 66.181.167.88

60 тэрбумын салаа мөчир.Энколдыг зайлахаар өөрөө хугараад унана даа

Avatar

Равдан 2019-01-25 202.126.89.28

Тангараг өргөсөн эр цэрэг шүү дээ.Гүйж байгаад өнгөрсөн цэрэгүүд маш олон байдаг.бахардаад байгаа цэрэгийг бусад нь чирч гүйсээр байгаад өнгөрсөн нь ч бий.Тангарганд гарын үсэг нь байгаа л бол.Ямарч гомдол хэрэггүй.дуусаа.

Avatar

Зочин 2019-01-25 66.181.167.88

Чиний хүүхэд үхсэн бол яаж байгаа бол.Ийм юмнууд л арми бузарлаж байгаа юм .

Avatar

Rawdan 2019-01-25 103.26.194.121

Chi chin ymar nowshoo yriad bgan chinii hvvhed bas ingewel oo zvger2 tangarag opgoson yum chin gomdolgvi ee gd suuj chadhuu ergvv yum yridiin be ysan eswl zodson ahlagch ni ymuu chi

Avatar

Htss 2019-01-25 112.72.11.122

Aash@r@ l@l@r@ uhdeg ch geh shig yu ve sd@.

Avatar

Зочин 2019-01-25 103.229.122.120

ЭНХ ЦАГТ ЦЭРЭГ АЛБАА ХААЖ БАЙХДАА АМИА АЛДСАН БОЛ БОЛ ТОМ АСУУДАЛ БАЙДАГ .

Avatar

зочин 2019-01-25 103.57.95.17

Хуулийн хэллэг хэрэглэж мэдэхгүй хүнээр хэвлэлийн төлөөлөгч хийлгэдэг аан.\nЦагдаагийн ажил нэг иймэрхүү.

Avatar

Зочин 2019-01-25 66.181.167.88

60 ТЭРБУМЫН САЛАА МӨЧИРТ УРГАСАН ДУТУУ МЭДЛЭГТЭН

Avatar

Зочин 2019-01-25 45.117.35.6

Тэнэг гөлөг минь нотлооч

Avatar

Зочин 2019-01-25 64.119.18.123

Цэрэг бол жир иргэн биш. Цэргийн амь насанд халдах ноцтой гэмт хэрэг. Бараг Монголын зэвсэгт хүчний эсрэг гэмт хэрэг юм. Тэхээр цэргийн амь насыг хохироосон хэргийг маш хатуу шийтгэх ёстой

Avatar

vbbjk 2019-01-25 66.181.161.28

ter balai budmal medleg bolovsrolgu murdus zuusen teneg huuhniig zailuulaach eee

Avatar

Зочин 2019-01-25 178.17.171.102

Нээмкэ ахын хамаатан ш тээ кк

Avatar

vbbjk 2019-01-25 66.181.161.28

ter balai budmal medleg bolovsrolgu murdus zuusen teneg huuhniig xailuulaach eee

Avatar

Хуулиинхан буруу ярьж болохгүй 2019-01-25 202.9.42.44

Итгэхэд бэрх болжээ. Хуулиин буруу хэллэг хэрэгэлсэн гэнэ. Ар гэр нь ингэж асуудлыг ил болгоогүй бол ( хуулиин буруу) хэллэгээрээ хэрэгсэхгүй болох байсан байх даа…

Avatar

Зочин 2019-01-25 103.9.90.98

хэвлэлийн дарга баатархүүд хариуцлага тооц, юм мэдэхгүй хүүхэдээр баахан юм яриулчихаад сууж байх гэждээ, арт түмэнд буруу мэдээлэл өгөхөөс өмнө нь дарга нь сайн нягталж цэргээрээ мэдээлэл хийдэг биш үү

Avatar

Зочин 2019-01-25 182.160.2.129

BATLAN HAMGAALAHIIN SAID NI TSEREGT DARAMT SODUUR BAIHGUI TIIM BAIWAL BARIMTAA AWAAD IR GEED TOMROOD BAISAN TEGTEL BICHLEGT TSERGUUDIIG ZODSON BAISAN GEJ HELLEE IIM L AJILAA HIIDEGGUI SAIDAAR YU HIINEEE AJILAA HIIJ CHADDAGGUI YU BOLOOD BAIGAAG MEDDEGGUI TENEG SAIDIIN URSHGAARL ENE HEREG GARCH BAIGAA SHUUDEE

Avatar

зочин 2019-01-25 59.153.112.145

Цагдаагийн хэвлэл мэдээлэлийн эмэгтэй ажилтанаар ямар дарга нь ямар зорилгоор тийм мэдээлэл хийлгэв???

Avatar

Иргэнн 2019-01-25 98.204.174.33

Нэг л их шалгасан хүмүүс шал худлаа тэр Чамин-Эрдэнэ ийн тар ганцаараа байр ливт дамжаад яваад байгаа бичлэгийг олон нийтэд зарлалдаа энэ олон хүмүүсд энэ байна гээд үзүүлж чадахгүй байж нээх учир бүтүүлэг шалгасан хүмүүс тэр хэдэн камирны бичлэг үзэж шалгахад бүтэн 3-4 сар ордог гэж үү нуух юмтай болоол одоо болтол шалгаад байгаа юм шиг…шудрага нийгэм бүүр байхгүй болжээ эх орныхоо төлөө эр цэрэгт яваад учир бүтүүлэг амиа алдана мөрөөдөлийнхөө төлөө яваад бас….яаацан ниигэм бэ

Avatar

зочин 2019-01-25 27.123.213.2

шинжилгээний дүгнэлт гараагүй байхад яагаад худлаа мэдээлэл өөрсдөө өгсөн юмбэ. нутаглуулахаас нь өмнө дахиж шүүх эмнэлэг шинжээчээр үзүүлж тодорхой хариуг нь авахгүй бол замхраад өнгөрчих вийдээ ар гэр нь\n хэцүүшдээ

Avatar

монгол иргэн 2019-01-25 202.131.236.170

Цагдаагийн хэвлэл мэдээлэлийн нэгэн эмэгтэй ажилтан телевизээр мэдээлэл хийхдээ/24.01.2019 орой/бусдын гарт амь алдсан гэдэг нь нотлогдоогүй гэж улайм цайн гөрдөж байна билээ. Иймэрхүү үл бүтэх хүмүүсээр мэдээлэл хийлгэдэг цагдаагийн газар талийгаачийн гэр бүлээс уучлалт гуйх хэрэгтэй.

Avatar

Асуулт 2019-01-25 213.143.46.108

ЗОРИГЫН ХЭРЭГТ ХИЛСЭЭР ХОРИГДОЖ БАЙГАА ИРГЭДИЙГ ХЭЗЭЭ СУЛЛАХ ВЭ

Avatar

Зочин 2019-01-25 73.231.128.120

Яаж зоддогийг дэслэгч Ухна сайн мэднэ.

Avatar

Зочин 2019-01-25 103.57.94.191

xudlaa yarixaa bolioch tsere tsagdaa shuux bugd luivarchid deeremchid bolchicson baij olon niitiin umnu xudlaa shudarga tsarailax yum.odoo naad xereguudiig bugdii ni xaachixna tegeed uxsenii xoxi boln

Avatar

бөбө 2019-01-25 202.170.65.137

Улс төрийн балиар байдлаас болж цагдаа нар ажлаа хийхээ болиод байгөө. Мөрдөлт, эрэн сурваллага хийнэ гэж байхгүй. Хулгай гарлаа гэхэд гэрийнхэнийг нь л тойруулаад байцааж, хэдэн цаас бүрдүүлээд хэргийг хаана. Азаар олон дахин хулгай хийдэг нөхөр баригдвал тэрнээс асууж байгаад аз нь таарвал илрүүлнэ. Яахав бүгд биш л байх л даа. Гэхдээ ихэнх бүдүүн хар цагдаа нар тийм.

NewsMN Гар утасны хувилбар Татах
NEWS.mn

Мэдээллийн эх сурвалж