Малаа цөөлөхгүй бол уур амьсгалын өөрчлөлтөд илүү өртөнө | News.MN

Малаа цөөлөхгүй бол уур амьсгалын өөрчлөлтөд илүү өртөнө

Малаа цөөлөхгүй бол уур амьсгалын өөрчлөлтөд илүү өртөнө

Малаа цөөлөхгүй бол уур амьсгалын өөрчлөлтөд илүү өртөнө

“УУР АМЬСГАЛЫН НОГООН САН”-ГААС $500 ОРЧИМ САЯЫН ХЭД ХЭДЭН ТӨСӨЛ ХЭРЭГЖҮҮЛНЭ

Монгол Улс 2017 оны байдлаар жилд 34 сая тонн хүлэмжийн хий ялгаруулж байна. Бусад улс орныг бодоход Монгол Улс уур амьсгалын өөрчлөлтөд өртөхөд хамгийн эмзэг хэсэгт багтдаг. Дэлхий даяар дулаарлыг жилд 1.5 хэмээс хэтрүүлэхгүй байх зорилт тавьж байхад манай улс дахь дулаарлын хэмжээ 2.5 хэмээс давсан. Цас, бороо зэрэг байгалийн үзэгдэл улирлаа дагахаа больж, хэт халах эсвэл огцом хүйтрэх болсон нь цаг уурын өөрчлөлтийн дохио. Мөн дэлхий дахинд мөнх цаст оргилууд хайлж, далайн усны түвшин нэмэгдэж байгаа учир арлын орнууд живэх, устах аюул ирсний нотолгоо гэдгийг мэргэжилтнүүд хэлж байна.

Дэлхийн дулаарал, уур амьсгалын өөрчлөлтөөс сэргийлэх парисын хэлэлцээрт оруулах Монгол Улсын хувь нэмрийг тодорхойлох арга хэмжээг БОАЖЯ-наас зохион байгуулав.

Монгол Улс 2030 он гэхэд хүлэмжийн хийн ялгарлаа 14 хувиар бууруулах зорилт тавьжээ. Үүний тулд уур амьсгалын өөрчлөлтөөс бэлчээрээ хамгаалах нь хамгийн чухал зорилт аж. Энэ нь малынхаа тоо, толгойг бууруулж, тооноос илүү чанарт анхаарна гэсэн үг.

Мөн ногоон бодлогыг дэмжих хүрээнд “уур амьсгалын ногоон сан”-гаас 500 орчим сая ам.долларын хэд хэдэн төсөл хэрэгжүүлэхээр болсны нэг нь 10 мянган айлын ногоон орон сууц барих төсөл юм. Төслийг олон улсын байгууллагын санхүүжилтээр хэрэгжүүлэх аж.

Түүнээс гадна хүлэмжийн хийн ялгарлыг бууруулахад сэргээгдэх эрчим хүч чухал үүрэг гүйцэтгэдэг. Энэ хүрээнд нарны цахилгаан станц барих төслийг Говьсүмбэр аймгийн Сүмбэр суманд хэрэгжүүлсэн нь амжилттай болжээ.

МОНГОЛ УЛС 2030 ОН ГЭХЭД ХҮЛЭМЖИЙН ХИЙН ЯЛГАРЛАА 14 ХУВИАР БУУРУУЛНА

Цаашид эрчим хүчний салбарт энерги үйлдвэрлэх болон дулаан алдагдлыг бууруулах зэрэг ажил хийхээр төлөвлөсөн байна.

Манай улсын хувьд нийгэм, эдийн засгийн салбар аль аль нь байгалийн нөөц ашигладаг. Хүлэмжийн хий нэмэгдэхэд эрчим хүчний салбар 60 хувь, хөдөө аж ахуйн салбар 40 хувийг эзэлж байсан юм. Харин сэргээгдэх эрчим хүчийг дэмжсэнээр тус салбараас шалтгаалан нэмэгдэж буй хүлэмжийн хий 10 хувиар буурсан гэж БОАЖЯ-ны уур амьсгалын өөрчлөлт, гадаад хамтын ажиллагааны газрын дарга Х.Батжаргал хэлэв.

Харин хүлэмжийн хийг бууруулахад нөлөөллөөрөө хөдөө аж ахуйн салбар ухарснаас дээрх үзүүлэлт 10 хувиар өссөн байна.

Эх сурвалж: ЗАСГИЙН ГАЗРЫН МЭДЭЭ

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-24 149.167.33.143

ТЭГЭЭД МАХЫГ НЬ ГАДАГШАА ЗӨӨГӨӨД ЭХЛЭХЭЭР БОЛИО ГЭЭД ЧАРЛАЛДААД ЭХЛЭЭ БИЗДЭЭ

Avatar

ХАЛЗАН 2019-01-24 103.240.240.73

ЯМАА ЦӨЛЖҮҮЛДЭГ ГЭДГИЙГ БАТЛААГҮЙ ЯМАА УГААСАА ЦӨЛ ГАЗАР Л БАЙСАН АМЬТАН ТЭНДЭЭ БАЙГАА МАНГАРУУДАА, БОРОО ОРОХГҮЙ БАЙГАА НЬ ЯМААНААС БОЛСОН ГЭЖ ҮЛГЭР, ӨВӨР МОНГОЛ 80САЯ ЦАГААН ЯМААТАЙ ДЭЛХИЙД ТООГОО ДАРЖ ХЭЛДЭГ , Ц

Avatar

ХАЛЗАН 2019-01-24 103.240.240.73

ОЛОН МАЛНЫ УНГАС НИЙЛЭЭД ДЭЛХИЙГ ДУЛААРУУЛСАН УУ? МОНГОЛООС 1000ДАХИН ИХ МАЛТАЙ АВСТРАЛИ ШИНЭ ЗЛЕНД СӨНӨӨГҮЙ БАЙХАД ХУЦНА БИЗ, ДЭЛХИЙ ЭДИЙН ЗАСГИЙН АЛУУРЧИД ХУДЛАА ҮЛГЭР ЗОХИОЖ МОНГОЛЧУУДЫГ ЯДУУРУУЛАХ АРГАА ХАЙЖ ХООСОН ХУДЛАА ҮЛГЭР ЗОХИОСОН

Avatar

шоогоо 2019-01-24 66.181.160.122

Шинэ зеланд 60 сая толгой хүргэсэнээ болиод одоо 40 саяд бариулж байгаа шүү. бэлчээр нь байнгын усалгаатай, бэлчээр бүгд хашаалагдсан. хонь гэхэд 3 сарын дараа нядалгаанд явдаг, үхэр 12 сарын дараа нядалгаанд гэх мэт. манайх шиг 2-3 жил бэлчээр тахлуулж мэрүүлж байж маханд явдаггүй газар.

Avatar

Монгол 2019-01-24 202.21.115.165

хаха их хуцах нь шив дээ монголчуудыг малгүй болгох нь дээ. баахан өвчин тараана бас цөөл гэнэ хаанаас хийгээд байгаа бодлого вэ. ноолуур үнэд оруулж ямааг өсгүүлнэ. харин ч гайхалтай шүү. хэл, хил, мал 3 хэн баян монгол баян. сая живаагар мал өсөх болтугай.

Avatar

Ялангуяа Ямааг 2019-01-24 103.14.38.137

Ямааны тоо толгойг одоогийнхоос 50% бууруулах хэрэгтэй. Цөлжилтийн гол дайсан бол ямаа. Ямаа бүх ургамлынүр, цэцэг, үндэсийг идэж устгадаг маш аюултай амьтан. Монголчууд ямааг хонин сүрэгтээ ердөө 10%-д барьж байдаг байсан. Ноолуур гээд хөөрцөглөснөөс болж Монголын байгаль орчин сүйрлээ. Ахиж сэргэхэд маш их хугацаа шаарддаг.

Avatar

Зочин 2019-01-24 66.181.185.241

Хампаан аа, ямааг хонин сүргийн 10-15%-д барьж байсан нь тогтуун бэлчээрлэлттэй холбоотой юм л даа. Тэрнээс үндэс ухаж иддэг ямаа гэж энэ гариг дээр л лавтайяа байхгүй

NewsMN Гар утасны хувилбар Татах
NEWS.mn

Мэдээллийн эх сурвалж