"Орбит-Тахилт" чиглэлийн нийтийн тээвэр өнөөдөр /2019.01.24/  өглөө шатсан хэрэг гарчээ.  Тодруулбал, өглөөний 06.30 цагт үйлчилгээндээ гарахаар зам дээр явж байсан автобус шатсан байна. Урьдчилсан байдлаар галын шалтгаан нөхцөлийг техникийн бүрэн бус байдлаас үүдэлтэй гэж дүгнэж буй. Гал гарах болсон шалтгааныг цагдаагийн байгууллагаас шалгаж эхэлсэн бөгөөд хохирч, бэртсэн хүн байхгүй гэх мэдээлэл өглөө.

Эргэн сануулахад, нэгдүгээр сарын 18-ны өдөр нийслэлийн Баянзүрх дүүргийн нутаг дэвсгэрт “Улаанхуаран” чиглэлийн том оврын “Блюбус” ХХК-ийн эзэмшлийн автобус 14.50 цагийн орчимд шатсан юм. Азаар хүний амь нас эрсдээгүй билээ.

Э.БУРАМ