-Монгол-Лаосын тоглолт ням гаригт Улаанбаатарын цагаар 20.00-д эхэлнэ-

Ирэх онд Катарт болох 23 хүртэлх насны Азийн аварга шалгаруулах тэмцээний сонгон шалгаруулалт эхлээд байна. Азийн 43 улсын шигшээ баг урьдчилсан шатанд 10 хэсэгт хуваагдсан бөгөөд манай улс “J” хэсэгт багтсан юм. Энэ хэсэгт Монгол, БНХАУ, Лаос, Сингапур улсын багууд багтаж, тоглолт өчигдрөөс эхэллээ. Тоглолтууд Лаос улсын Вьентьян хотын KM16 цэнгэлдэх хүрээлэнд болж байна.

Дасгалжуулагч Д.Батнасангаар удирдуулсан залуучуудын шигшээ баг өчигдөр БНХАУ-ын багтай тоглож, 0:5 онооны харьцаагаар ялагдсан билээ. Тэгвэл Лаос-Сингапурын тоглолт болж, 0:0-р тэнцээгээр өндөрлөсөн байна. Ингэснээр БНХАУ гурван оноотой тэргүүлж эхэлсэн бол Лаос, Сингапур нэг, Монгол оноо авалгүй удаалж байна. Тэгэхээр манай багийн хувьд үлдсэн хоёр тоглолтод хожил байгуулбал хэсгээсээ шалгарах боломжтой юм.

III.27 (Баасан)

Монгол – БНХАУ 0-5

Лаос – Сингапур 0-0

III.29 (Ням)

Сингапур-БНХАУ

Монгол-Лаос (Улаанбаатарын цагаар 20.00-т эхэлнэ.)

Манай шигшээ маргааш буюу энэ сарын 29-нд Лаостой, 31-нд Сингапурын багтай тус тус тоглоно. Маргааш болох Монгол-Лаосын тоглолт Улаанбаатарын цагаар 20.00-д эхлэх юм.

Монголын залуучуудын шигшээ багийн ахлагчаар МХБХ-ны дэд ерөнхийлөгч, ОУХМ Б.Буман-Учрал, ахлах дасгалжуулагчаар “Эрчим” клубын дасгалжуулагч, спортын мастер Д.Батнасан, туслах дасгалжуулагчаар мөн клубын тоглогч З.Баттулга, хаалгачийн дасгалжуулагчаар спортын мастер Ш.Баянжаргал нар ажиллаж байна.

Шигшээ багийн бүрэлдэхүүн:

Хаалгач: Б.Мөнхболд (Сэлэнгэпресс), Т.Төрболд (Шинэ Монгол), Ж.Сайханжаргал (Дархан-Уул аймаг)

Хамгаалагч: Г.Төгөлдөр, В.Тэмүүжин, П.Буянхишиг ("Эрчим"), Д.Мөнхдөл, Ц.Мөнгөншагай ("Хоромхон"), Э.Мөнх-Эрдэнэ (ФС Улаанбаатар), Б.Баянмөнх ("Хангарьд").

Хагас хамгаалагч: М.Төгөлдөр, Б.Төгсбилэг, Ж.Сүндорж, Т.Мөнхбаясах("Эрчим"), А.Улсболд, О.Оюунбаатар ("Хоромхон"), Э.Пүрэвдорж (Улаанбаатар их сургууль), О.Мөнхбат (ФС Улаанбаатар), Г.Гандэлгэр (Blanc Elf Wels).

Довтлогч: С.Гал-Эрдэнэ, А.Цолмон ("Эрчим"), С.Ганхуяг (Хангарьд), М.Батхишиг (Улаанбаатар их сургууль).

Ч.БОЛОР