2018 оны халамжийн мөнгийг энэ удаад олгохгүй | News.MN

2018 оны халамжийн мөнгийг энэ удаад олгохгүй

Хуучирсан мэдээ: 2019.01.24-нд нийтлэгдсэн

2018 оны халамжийн мөнгийг энэ удаад олгохгүй

2018 оны халамжийн мөнгийг энэ удаад олгохгүй

Нийгмийн халамжийн мөнгө болон ахмад настаны “Насны хишиг”, одонгийн мөнгөө авах гэсэн иргэд Төрийн банкны салбаруудын гадна урт дарааллыг үүсгээд байна. Энэ урт дарааллыг хэрхэн зохицуулж, ямар арга хэмжээ авч байгаа талаар холбогдох мэргэжилтнүүдээс нь тодрууллаа.

Төрийн банкны хувьд нийслэлийн хэмжээнд 81 салбар нэгж иргэдэд үйлчилж байгаа бөгөөд “Халамжийн мөнгийг дүүрэг харгалзахгүй олгоно” гэх бичгийг салбар банкны үүдэнд наасан байв. Теллерээс нь халамжийн мөнгийг дүүрэг харгалзахгүй олгож буйг асуухад “Манай салбарт дүүрэг харгалзахгүй “Насны хишиг”, одонтой ээжийн мөнгө л олгож байна” гэж хариуллаа.

Ингээд Төрийн банкны маркетинг, сурталчилгааны хэлтсийн ахлах менежер Б.Одбаясалаас тодруулсан юм. Тэрбээр “Төрийн банкны 800 ажилтан нийслэлийн хэмжээнд үйл ажиллагаа явуулж буй 81 салбар дээр ажиллаж байна. Бид аль болох уртасгасан цагаар ажиллаж, зохион байгуулах ажлыг хийж байгаа. Иргэдийн хувьд интернет банк, гялс банкны үйлчилгээ гэхээсээ илүү гар дээрээ бэлэн мөнгө авах сонирхолтой байна. Мөн нэг хүн “Насны хишиг”-ийн мөнгөө авчихаад дахин өөр халамжийн мөнгө авах зэргээр олон дахин үйлчлүүлж, дараалал үүсгэх тохиолдол гарч байна” гэв.

Ингээд Төрийн банкны салбаруудаар халамжийн мөнгийг хэрхэн олгож байгааг хүснэгтээр харуулъя.

Харин Нийгмийн халамжийн асуудал хариуцсан дэд дарга Т.Бадрахбаяраас халамжийн мөнгөний санхүүжилтийг бүрэн олгосон эсэх талаар тодрууллаа. Тэрбээр “Нийгмийн халамжийн 2018 оны халамжаа авч чадаагүй иргэдийн мөнгийг энэ удаа олгохгүй. Учир нь нийгмийн халамжийн 2018 оны төсвийг аймаг, нийслэлийн иргэдийн хурлаас батлахдаа улсын хэмжээнд долоон тэрбум төгрөгөөр дутуу баталсан. Тиймээс өнгөрсөн оны халамжийн мөнгөө авч чадаагүй иргэдэд олгох санхүүжилт байхгүй гэсэн үг. Харин 2019 оны нийгмийн халамжийн мөнгө хангалттай хүрэлцэх учраас ачаалал үүсгэх шаардлагагүй. Энэ жил цагаан сарын баяр эрт болж байгаатай холбоотойгоор 200 мянган одонтой эхчүүдийн мөнгө, 132 мянган ахмадын “Насны хишиг”, 162 мянган “Цалинтай ээж”, 6500 алдар цолтой ахмадын халамжийн мөнгө өгөхөд санхүүжилтээс гадна программын ачаалал үүссэн. Иргэд тухайн банкинд санхүүжилт орсон ч иргэдийн мэдээллийн файлын эрх нь нээгдээгүй байхад урт дараалал үүсгэж хүлээж байна” гэсэн юм.

 

Энэ мэдээнд өгөх таны сэтгэгдэл?
1
ХахаХаха
1
ХарамсалтайХарамсалтай
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

саран 2019-01-24 103.212.118.135

хүүдэдийн тэвтгэрийн 1918 онь 3 4 5 6 7 8 9 10 11 12 сарьн мөнгө авч чадаагүй нөхөж өгөхүү

Avatar

Зочин 2019-01-24 182.160.2.218

Халамжлаад сүйд болсон юм байхгүй. Хэдхэн мянган төгрөг шүү дээ. Хүнд ярихаас ичмээр мөнгө, тэрнийгээ нилээн зовоож бж өгнө.

Avatar

Зочин 2019-01-24 182.160.1.135

yg unen heljee ih mungu ugch baigaa ym shig suriig uzuulne uguhduu haramlaj udaaj zowwoj ugnu duu heleh ch ug oldohgui

Avatar

Зочин 2019-01-24 202.9.43.64

Бэлэн мөнгө тараадаг Халамжийн бүгд найрамдах Монгол улс гэж нэрлэвэл яг таарна. Бэлэн загас өгөх юм загас барих аргын ер зааж өгөхгүй юм.

Avatar

irgen 2019-01-24 202.170.80.25

hamtiin tetgeveriin sang heregjuulsen bol olon avran nastanguud bayrlah bsan bhda

Avatar

зочин 2019-01-24 103.87.255.66

2018 хүүхдийн мөнгийг 2, 3 сар өгөөгүй алгассан байсан нөхөж өгөх юмууу

Avatar

Zochin 2019-01-24 64.119.26.200

2018 onii sanhuujiltees 7 terbum tugrug dutuu tusuvlugdsun geed garchigaa ugchih,mongol hunii huvid unshihaar hulgailsan gesen sanaa yavaad bna,nairuulgiin huvid.Hulgailsan bol hulgailsan tuhai ni bich setguulch nertei ohin mini.
Yum bolgoniig ingej heruul tentsel bolgoh talaas yalarkhsan baidlaar handadgaa boli.
Baingiin l dutuu ugdug,ajil hhgui halamj avah albatai ch bish,yadaj halamjiin mungunduu oochirloj “ajil”hiig naad humuus chini.Munkhiin unegui amidarna gej yu bhav.

NewsMN Гар утасны хувилбар Татах
NEWS.mn

Мэдээллийн эх сурвалж