Солонгост хууль бусаар амьдрах гадаадынхны тоо нэмэгджээ | News.MN

Солонгост хууль бусаар амьдрах гадаадынхны тоо нэмэгджээ

Солонгост хууль бусаар амьдрах гадаадынхны тоо нэмэгджээ

Визний хугацаа нь хэтэрсэн хүмүүсийн тоо өнгөрсөн онд 160 мянга орчим байсан бол энэ онд 264 мянга болж өсжээ.

Солонгост хууль бусаар амьдрах гадаадынхны тоо нэмэгджээ

Өмнөд Солонгосын хууль зүйн яамны мэдээлснээр энэ онд тус улсад хууль бусаар оршин сууж  буй гадаадын иргэдийн тоо 350 мянгад хүрчээ. Энэ нь өмнөх оныхоос 41,5 хувиар өссөн үзүүлэлт юм байна.

Тус улсын “Chosun Ilbo” сонинд бичсэнээр хууль бусаар оршин суух гадаадын иргэдийн тоо ийнхүү эрс нэмэгдсэн нь хөдөлмөрийн хөлсний доод хэмжээ нэмэгдсэнтэй холбоотой гэж тайлбарлаж байгаа бол Хууль зүйн яам өнгөрсөн жил болсон Пёньчаны олимпийн үеэр гадаадын иргэдийг чөлөөтэй нэвтрүүлсэнтэй холбоотой гэж үзжээ.

2018 онд нэг цагийн хөдөлмөрийн хөлсний доод хэмжээ 8,350 вон болж нэмэгдсэн байна. Өмнө нь 7,350 вон байсан юм. Одоогийн байдлаар нэг сарын хөдөлмөрийн хөлсний доод хэмжээ 1.745.150 вон байгаа ажээ.

Мөн Хууль зүйн яамны мэдээллээс харахад богино хугацааны аяллын визээр ирсэн хүмүүс хууль бусаар ажил эрхлэх нь 58 хувиар өссөн байна. Визний хугацаа нь хэтэрсэн хүмүүсийн тоо өнгөрсөн онд 160 мянга орчим байсан бол энэ онд 264 мянга болж өсжээ.

Эх сурвалж: KOREATIMES

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-23 202.9.44.212

Одоо тэгээд Хангу нар баруун солгойгүй л баривчлаад,нутаг буцаагаад байж дээ ! Гэхдээ энд хууль бусаар ч гэсэн оршин сууж буй гадаадын иргэд Солонгос орны хамаг л муу муухай хүнд хүчир ажлуудыг хийдэг.Энэ бохир заваан,хүнд хүчир ажлаа Солонгосууд өөрсдөө хийх дургүй чадах ч үгүй ! Ж нь Солонгосын барилгын карказан угсралт буюу муксун дээр 100 ны 70 хувь нь Хятадууд Монголчууд 5-10 хувь бусад гадныхан байх жишээтэй.Энэ ажил бол цаг наргүй хүнд,хүчир,осол авар ихтэй ажил л даа.

NewsMN Гар утасны хувилбар Татах
NEWS.mn

Мэдээллийн эх сурвалж