Нийслэлчүүд хотын дарга аа сонгодог ч болоосой | News.MN

Нийслэлчүүд хотын дарга аа сонгодог ч болоосой

Нийслэлчүүд хотын дарга аа сонгодог ч болоосой

Нийслэлчүүд хотын дарга аа сонгодог ч болоосой

Эрх баригчдын ашиг сонирхлын зөрчлөөс болж, хотын дарга С.Батболд албан тушаалаасаа чөлөөлөгдсөн бол ажлыг нь үргэлжлүүлэхээр сонгогдсон С.Мөнхчулуун ч бүлэглэлүүдийн зодоонд балбуулсаар.  Ядаж байхад төрсөн дүү нь хоёр жилийн өмнө “Castle" баарны үүдэнд сэлэм эргүүлэн бусдын бие махбодод халдахыг завдсан хэрэг өдүүлсэн нь ахыг нь дэвслэх сөрөг PR болж хувирч байна.

Уг нь хотын даргыг нийслэлийн иргэд шууд сонгодог байсан бол МАН-ын Удирдах зөвлөлөөс С.Амарсайханыг, НИТХ-аас С.Мөнхчулууныг хотын даргад нэр дэвшүүлж чадахгүй, У.Хүрэлсүх, М.Энхболд хоёр ч эрх мэдлийн төлөө зодолдож чадахгүй байлаа. Даанч Үндсэн хууль болон Монгол Улсын Засаг захиргаа нутаг дэвсгэрийн нэгж түүний удирдлагын тухай хуульд "аймаг, нийслэлийн Засаг даргыг харьяа НИТХ нь хуралдаж, сонгон Ерөнхий сайд батламжилна" гэж заасан нь төлөвшөөгүй улстөрчдийн хувьд нийслэлийн 1.4 сая иргэний эрх ашиг юу ч биш болж хувиргах нь тэр.

Улаанбаатар хот Засаг даргагүй болсноос хойш хоёр сар өнгөрлөө. Нэг сар гаруйн хугацааг хотын даргын сунгаа явуулсаар барсан бол 10 шахам хоногийг НИТХ-аас гаргасан шийдвэрийг Ерөнхий сайд руу хүргэх гэсээр барав. Энэ хооронд буюу үндсэндээ хоёр сар Улаанбаатар хот эзэнгүй байлаа. Хүн амынх нь 40 гаруй хувь амьдардаг нийслэлийг ингэж эзэнгүйдүүлж болох уу.

Сонгуульд өрсөлдөх болохоороо Улаанбаатар хотын агаар, хөрсний бохирдлыг бууруулна, "Аз жаргалтай Улаанбаатар хотыг цогцлооно" гэх. Итгэл хүлээлгээд, ажлаа хий гэхээр бүлэг, фракцаараа талцаад хотын даргаа ч томилж чадахгүй ажлыг нь гацааж, иргэдээ хохироож байна.

Ганц л жишээ татъя, С.Батболд даргыг огцруулснаас хойш хотын хэмжээнд хийгдсэн ажил юу вэ. Лав л хууль зөрчин нийтийн эзэмшлийн зам талбайд барилга, хашаа барьсан газруудыг чөлөөлж авч буй ажил лав хийгдсэнгүй. НИТХ болоод харьяа агентлагуудаас гаргаж байгаа шийдвэрүүд биелэгдэх боломжтой эсэх, Үндсэн хууль болоод бусад хуулийг зөрчиж байгаа эсэхэд ч хяналт тавих боломж алга.

Тухайлбал, Нийслэлийн Тээврийн газраас саяхан таксины үйлчилгээний үнийг нэмчихлээ. Хот нь даргагүй байхад гаргасан  эл шийдвэр чоно борооноор гэгч болов уу гэж олон нийт хардаж байна. Хардах үндэслэл ч бий. Яагаад гэвэл  шатахууны үнийг литр тутамд нь 100 төгрөгөөр буулгах шийдвэр гарч, нефть импортлогч компаниуд бүтээгдэхүүнийхээ үнийг буулгасан. Зүй тогтлоороо бол нефтийн үнэ буухад таксины үнэ буудаггүй юм гэхэд ядаж нэмэгдэх ёсгүй. Гэтэл такси эхний нэг км тутамд үйлчилгээний хөлсөө 1500 төгрөг, хоёр км тутмаас 1000 төгрөгөөр тооцож, үйлчлэх боллоо. Эл шийдвэр ирэх хоёрдугаар сарын 1-ээс хэрэгжинэ.  Шийдвэр бодитой юу.  Үүнд хэн хяналт тавьж байна вэ.  Шударга өрсөлдөөн хэрэглэгчийн төлөө газар судалгаа хийж үзэж байна уу. Хэрэв шийдвэр буруу, иргэнийг хохироохоор бол хотын дарга хүчингүй болгох ёстой. Одоо харин хэн хүчингүй болгох вэ?. Энэ мэтчлэн хотын даргыг хүлээсэн олон ажил эзэнгүйдсээр.

Нийслэлийн иргэд хотын даргаа шууд сонгох, чөлөөлөх эрхтэй байсан бол наанадаж газар олголт замбараагүй олгогдохгүй, шахааны хүмүүс сургууль, эмнэлгүүдийг удирдахгүй л байсан даа. Улаанбаатар хотын 1.4 сая иргэнийг төлөөлөл болж 600 мянган иргэн хотын даргаа сонгох, МАН-ын Удирдах зөвлөлийн 24, НИТХ-ын 46 төлөөлөгч хотын даргыг сонгох гэдэг бол газар тэнгэр шиг зөрүүтэй тоо.

Үнэндээ бол Ардчилсан нийгмийг хүн бүрийн оролцоо, хамтын эрх ашиг, хариуцлагын тогтолцоогоор л авч явдаг.

Г.ХОРОЛ 

 

 

 

 

 

 

 

 

 

"Болор дуран"-аар шалгав.
Энэ мэдээнд өгөх таны сэтгэгдэл?
2
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-23 124.158.126.145

Er ni ard tumen songono gej yadiin? Songoltgui songolt tulgana. Sanal bolgoson heden avilgalchid ni songuuliin umnu jaahan poprohleer ni nuguu aguu ard tumen ni hoshgirood hamgiin goy poporsoniig ni songono. Esvel ali iluu tom nuurtei, urgun shanaatai, bulchintai, buh maygiin nuhuriig ni eh oronch, gunduugui, jinhene Mongol hun geed l songono. Yosotoi neg baavartai darga sonogchihloo, Mongol yalnaa geed l erguutene. Yas yuman deeree Oros yalna. Mongol hoson hootsorno.

Avatar

555 2019-01-23 103.87.255.42

Аз жаргалтай Улаанбаатар гэхээ болимоор юм. Тавлаж байгаа аятай

Avatar

Зочин 2019-01-23 103.87.255.42

АЗ ЖАРГАЛТАЙ УЛААНБААТАР гэдэг уриагаа болимоор юм. Тавлаж байгаа юм шиг

Avatar

Зочин 2019-01-23 122.201.23.28

Ерөнхийлөгчийн сонгуультай хамт хотын даргыг улаанбаатар хотын иргэд сонгодог болое! УИХ иргэдийн төлөөлөгчдыг хамт сонгоод болоод л байдаг биздээ!

Avatar

Зочин 2019-01-23 202.9.42.233

Яах юм бээ ийм ард тумэнтэй улсад ер нь сонгууль гэдэг амиа хорлохтой адил болоод бн шуу аягуй бол хотод явж байгаа бух жийпнуудийг хурааж аваад ард тумэндээ сугалаагаар тараана гээл нэг солиот цэрэг хувцас омсчоод дэвэнгуут улаанбаатарчууд 90 хувийн саналаар гаргаад ирдийм байгаа биздээ

Avatar

зочин 2019-01-23 59.153.112.145

Хотын дарыг иргэд шууд сонгодог байх ёстой

Avatar

Зочин 2019-01-23 149.167.33.143

ЯМАРЧ ХЭРЭГГҮЙ СУМ ДҮҮРГИЙН ДЭВТААТУУДЫГ СОНГОЖ БАЙХААР ХОТ СУМ ДҮҮРГИЙН ДАРГА ШҮҮХ ПРОКУРОР ЦАГДААГИЙН ДАРГЫГ СОНГОЖ БАЙВАЛ ДЭЭР ЮМ ДАА. ДААНЧ МАНАН ТИЙМ БОЛОМЖ ОЛГОХГҮЙ Л ДЭЭ. МАНАНГ ОЛОН ЖИЛ БҮРЭН УСТГАЖ ЧАДАХГҮЙ ЭЭ. МАНАН ХОРТ ХАВДАР ШИГ МАНАЙ НИЙГМИЙН ЭС БҮРТ ШСЭРХИЙЛЖЭЭ

Avatar

МИЕЭ , ТАРВАГА ХҮЧЭЭ ХОТОД АЛДААГҮЙ Л БАЙНА !!! 2019-01-23 202.126.89.137

МАНАН ХОТОД Ч ХҮЧЭЭ АЛДААГҮЙ БАЙНА !!! САЯНЫ СОНГУУЛИАР ТЭДНИЙ ЗАЛУУЛ СОНГОГДОЖ БАЙНА !!! МИЕЭ ХҮЧЭЭ АЛДАХ БОЛООГҮЙ !!! МӨН Ч ИХ ШАВАРЛАНА ДАА

Avatar

Зочин 2019-01-23 64.119.16.70

"СЭЛЭМ БЯМБАЦОГТЫН" АХЫГ ЯАСАН Ч СОНГОЖ БОЛОХГҮЙ. ТӨРСӨН ГАНЦ ДҮҮГЭЭ ХҮМҮҮЖҮҮЛЖ ЧАДДАГГҮЙ ХҮН ОЛОН САЯ ИРГЭНТЭЙ УЛААНБААТАР ХОТЫГ МАЛЛАЖ ДӨНГӨХ ҮҮ.

Avatar

Zochin 2019-01-23 220.121.237.135

Энэ хүрэлсүх баттулга гэж 2 хачин мэдрэл муутай тэнэг юмнууд юу хийх ээ мэддэг юм болов уу

Avatar

Зочин 2019-01-23 66.181.160.94

Хотын даргаа шууд сонгодог болмоор л байна. Сонгох эрхээ 1992 онд МАНАН гэдэг мафийн гарт алдчихсанаа одоо л ойлгож байна. Үндсэн хуулийн өөрчлөлт хийхгүй бол цаашдаа улам хэцүү байх болно.

Avatar

Зочин 2019-01-23 202.131.233.190

Сонгож чадах уу? Одоо сонгосон УИХ-ын гишүүд, Ерөнхийлөгчөө нэг харцгаагаасай!

NewsMN Гар утасны хувилбар Татах
NEWS.mn

Мэдээллийн эх сурвалж