Өнгөрсөн Лхагва гаригт /2019.01.16/  НИТХ хуралдаж, хотын даргаар С.Мөнхчулууныг сонгосон билээ. Засгийн газрын Хэрэг эрхлэх газрын Тэргүүн дэд дарга Г.Баясгалан өчигдөр албан ёсоор батламжлуулах хүсэлт ирээгүй байгаа талаар мэдээлж байсан юм.

Нэгдүгээр сарын 16-нд гарсан тогтоолыг Ерөнхий сайдад хүргүүлэхгүй байгаа нь Ерөнхий сайдын хуулиар олгогдсон эрхэд нь халдаж байна гэж үзэж байгаагаа тэрбээр өчигдөр тодотгосон. Тэгвэл  НИТХ-аас  өнөө өглөө тус  албан бичгийг Ерөнхий сайдад хүргүүлсэн байна. Хотын даргаар  сонгогдсон С.Мөнхчулууныг Төрийн ордонд явж байх үед  нь тодруулахад дээрх мэдээллийг бататгасан юм.