"Гала" хамтлагийн дуучин Ану буюу Ч.Уранхолбоо таван охины ээж болсон билээ. Тэрбээр "Завгүй ээжийн өдрийн тэмдэглэл" влогоороо өдөр тутмын амьдралын хэв маягаа олон нийтэд хүргэх болсон нь түүнийг харах өнцөг, бодох бодлыг зуун хувь эргүүлсэн гэхэд болно. Дуучин бүсгүй эхээс гурвуулаа. Түүний  эгч дүүс ч мөн хараа булаам сайхан бүсгүйчүүд бий. Нэг хэсэг тэдэнд  Монголын Кардашианы гэр бүл хэмээгдэж явсан түүх ч бий.

Дуучин Ч.Уранхолбоогийн эгч Ч.Уянхолбоо хэдийнээ гэр бүл зохиож хоёр дахь үрээ өлгийдөн авсан. Харин отгон  дүү Ч.Номинхолбоо Үндсэн хуулийн цэцийн гишүүн Д.Сугарын хүү С.Цогтой үерхэж байсан ч удалгүй салсан гэдэг. Тэгвэл Ч.Номинхолбоогийн  хувьд "Авьяаслаг Монголчууд" 2018 оны шоуны ялагч илбэчин С.Билэгттэй хайрын романс  үүсгэсэн бололтой. Хамтдаа авхуулсан зургаа  Ч.Номинхолбоо өөрийн инстаграм хуудаснаа нийтэлсэн нь олон хүний анхаарлыг татжээ. Тэд зурган дээр их дотно харагдаж байгаа биз.

Илбэчин С.Билэгтийн хувьд сүүлийн нэг жил урлаг, спорт, улс төр гээд бүхий л салбарынхныг гайхшируулсан илбийн үзүүлбэрээ хүлээн авалтад үзүүлэх болсон. Түүнийг үзэгчид хүмүүст баяр баясал бэлэглэх гэсэн чин хүсэлдээ хөтлөгдөн, Улаанбаатар хотын гудмаар явж, таарсан хүн бүртээ өөрийн илбээ үзүүлдэгээс нь гадна  “Илбэ намайг сонгосон" нэвтрүүлгээр нь  андахгүй.

Э.БУРАМ