“Bikini hiker” буюу “Усны хувцастай уулчин” нэрээрээ цахим сүлжээнд алдаршсан Тайванийн уулчин бүсгүй 36 настай Жижи Ву Тайванийн Юшань үндэсний цэцэрлэгт хүрээлэнгийн нэгэн ууланд авирах үедээ өндөр хавцлаас унан, улмаар осгож амиа алджээ.

Тэрээр анх найзтайгаа хатуу тоглоом тоглон хожигдсон тул усны хувцастай зургаа анх нийтэлж, түүнээс хойш ууланд авирах бүртээ бикини өмсөн зургаа авхуулах болсон байна.

“Би 100 уулын оргилд гарсан. Гарсан оргил бүр дээр өөр өөр усны хувцас өмсөхийг хичээдэг. Гэхдээ надад яг 97 хос усны хувцас байдаг. Ганц нэг зурган дээр хувцас давхацсан байж магадгүй” хэмээн ярьж байжээ.

Бүсгүй хавцалд унасныхаа дараа аврах албаныхантай холбогдож чадсан боловч аврах албаны нисдэг тэрэг цаг агаарын байдлаас болж гурван ч удаа буцсан байна. Ингээд 28 цагийн дараа буюу Даваа гаригт /2019.01.21/ түүний цогцсыг олжээ. Уулчин бүсгүйн цогцсыг олоход агаарын температур хасах хэмд хүрсэн байсан ба бүсгүй осгосон байдалтай байжээ.

Ингээд өчигдөр буюу Даваа гарагт уулчин бүсгүйн байгаа газарт хүрэхэд тэр осгож амиа алдсан байжээ. Энэ үед агаарын температур Цельсийн хасах хэмд хүрээд байсан гэнэ.

Эх сурвалж: BBC