“Бидэнд Лениний шарилыг оршуулахаас өөр чухал асуудал их байна” | News.MN

“Бидэнд Лениний шарилыг оршуулахаас өөр чухал асуудал их байна”

“Бидэнд Лениний шарилыг оршуулахаас өөр чухал асуудал их байна”

ОХУ-ын нийгмийн судалгааны Левада байгууллагаас арванхоёрдугаар сард Лениний шарилыг бунхнаас гаргаж нутаглуулах талаар санал асуулгыг ард иргэдийн дунд явуулсан бөгөөд 41 хувь нь энэ санааг дэмжихгүй одоогийн байгаагаар нь байлгах саналтай байсан бол мөн тооны хүмүүс нутаглуулахыг дэмжиж байгаагаа илэрхийлжээ.

“Бидэнд Лениний шарилыг оршуулахаас өөр чухал асуудал их байна”

Улаан талбайн хойморт залрах Оросын аугаа удирдагч В.И.Лениний шарилыг бунхнаас нь гаргаж, хүний ёсоор нутаглуулах асуудал 1991 онд ЗХУ задран унаснаас хойш Оросын эрх баригчид болон ард иргэдийн дунд маргаан дэгдээх болсон юм. Хэдийгээр гэр бүлийнхэн нь хүчтэй эсэргүүцэж байсан ч түүнийг нас барсны дараа цогцсыг нь занданшуулж Москва хотын төв талбайд бунханд байрлуулсан билээ.

Тэгвэл өчигдөр /2019.01.21/ нэрт удирдагчийн таалал төгссөний 95 жилийн ой тохиосон ба  энэ үеэр тус улсын улс төрийн зүтгэлтнүүд энэ асуудал дээр санал бодлоо солилцжээ.

Оросын Коммунист намаас сонгогдсон төрийн Думын гишүүн  Юрий Афонин “Манай улсад Лениний шарилыг нутаглуулахаас өөр шийдэх маш олон чухал асуудлууд байна. Бид олон улсын түвшинд маш ноцтой нөхцөл байдалд орсон байгаагаа ойлгох хэрэгтэй. Оросын ард түмний тал илүү нь түүний шарилыг оршуулахыг эсэргүүцэж байгаа нь санал асуулгаар тодорхой болсон. Энэ асуудлыг дахин дахин хөндөж гаргаж ирээд байгаа хүмүүсийг би нийгмийг талцуулах гэсэн өдөөн хатгагчид гэж үзэж байна” хэмээн хатуухан шүүмжилсэн байна.

ОХУ-ын нийгмийн судалгааны Левада байгууллагаас арванхоёрдугаар сард Лениний шарилыг бунхнаас гаргаж нутаглуулах талаар санал асуулгыг ард иргэдийн дунд явуулсан бөгөөд 41 хувь нь энэ санааг дэмжихгүй одоогийн байгаагаар нь байлгах саналтай байсан бол мөн тооны хүмүүс нутаглуулахыг дэмжиж байгаагаа илэрхийлжээ. Харин үлдсэн 18 хувь нь мэдэхгүй гэсэн хариулт өгсөн байна.

Мөн Либерал Ардчилсан намын гишүүн Ярослав Нилов Ленинийг  “эсрэг дүрийн баатар” хэмээн тодотгоод “Орос улсад тулгараад буй одоогийн асуудлууд өнгөрсөн үетэй холбоотой. Түүнийг хүн ёсоор оршуулаагүйгээс болж сүнс нь амар тайвныг олж чадахгүй бидэнд хилэгнэж, муу энерги нь Орос улсад нөлөөлж байна. Ер нь улсын төв талбайд хүний цогцос байна гэдэг утгагүй зүйл” хэмээн хэлсэн юм.

Өнгөрсөн долоо хоногт “Гулаг” түүхийн музейн захирал, ерөнхийлөгчийн хүний эрхийн зөвлөлийн гишүүн Роман Романов “Орос улсыг урагшаа алхуулахын тулд Лениний цогцсыг яг одоо оршуулах хэрэгтэй” хэмээн хэлж байв.

Харин Шударга Орос намын гишүүн Михаил Емельянов энэ асуудлыг урс төржүүлэхгүйгээр түүхийн дурсгал талаас нь харахыг уриалж “Түүний шарил хэн нэгэнд ямар ч гай болоогүй. Энэ хэвээр нь байлгах хэрэгтэй” гэж хэлсэн байна.

Эх сурвалж: RT

"Болор дуран"-аар шалгав.
Энэ мэдээнд өгөх таны сэтгэгдэл?
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-22 202.9.42.227

Оросууд өмнөх үеэ үгүйсгэдэг боловч устгадаггүй хүмүүс шшүдээ. Манайхан аль алийг зэрэг үйлдэж ховор хүмүүс болохоо харуулдаг. Соц-үед капитализмыг алсгалж дэлхийд жишээ болсон бол одоо Ардчилалын үлгэр жишээ орон гэгдэж байна. Аль аль нь хүний тархиар харийн хүмүүсийн удирдлагаар хийж байсан буюу байгаа болохоор нэг л тийм

Avatar

Зочин 2019-01-22 72.137.85.228

Ямарч гэсэн Оросууд манайхан шиг өнөө ардчилалынхаа "маргааш "нь шарилыг зайлуулаад бунханг нь нураачихсангүй . Бодвол өмнөх үеээ ,түүхээ хүндэтгэж байгаа хэрэг.

Avatar

зүш 2019-01-22 112.72.12.8

Энэ хүүрийг зайлуулахгүй болорос өөдлөхгүй ээ

Avatar

Мээстный соороо 2019-01-22 149.167.33.143

БАЙЖ БАЙГ БАЙЖ БАЙГ ПУТИНЫ ЗАЙГ ХАДГАЛЖ БАЙГАА ЮМ ЗАЙЛУУЛ. ДАРАА НЬ ВЛАДИМИРСКИЙ ЦЕНТРАЛЬ БИШ ЭЭ ВЛАДИМИРСКИЙ МОВЗОЛЕЙ ГЭДЭГ БОЛОХ ЮМ АА

Avatar

Зочин 2019-01-22 66.181.182.124

huts chi

NewsMN Гар утасны хувилбар Татах
NEWS.mn

Мэдээллийн эх сурвалж