"ЖДҮчид авлигын эсрэг хуулийг зөрчсөн" | News.MN

"ЖДҮчид авлигын эсрэг хуулийг зөрчсөн"

"ЖДҮчид авлигын эсрэг хуулийг зөрчсөн"

"ЖДҮчид авлигын эсрэг хуулийг зөрчсөн"

ЖДҮХС-аас төрийн өндөр албан тушаалтны хамаарал бүхий этгээдүүдэд олгосон зээлийн асуудлаар хуульчид өнөөдөр /2019.01.22/ мэдээлэл хийлээ.


Хуульч Ж.Эрхэмбаатар “ЖДҮХС-аас олгосон зээлийн асуудал маргаан дагуулж байна. Хоёр шатны шүүхэд бид хандсан. Захиргааны хэргийн давж заалдах шүүх, захиргааны хэргийн шүүхэд хандсан. ЖДҮ-ийн  зээл олгох шийдвэрийг судлаад үзэхэд Хүнс хөдөө аж ахуй хөнгөн үйлдвэрийн /ХХААХҮ/ сайдын гурван тушаал гарснаар өнөөдрийн өрнөж буй асуудал үүссэн байна. Сайдын тушаал бол захиргааны нэг төрлийн акт юм.

Захиргааны хэргийн акт гарснаар нийтийн эрх ашгийг захиран зарцуулсан асуудлаар ТББ шүүхэд хандах эрх болж байна гэсэн үг. Тиймээс бид анхан шатны шүүхэд хандсан. ЖДҮХС нь урьдчилан сонгон шалгаруулах журмыг баталж, журмын дагуу төслөө сонгон шалгаруулдаг. Энэ журамд хоёр өөрчлөлтийг оруулснаар өмнө зээлийн төсөл нь тэнцсэн байсан боловч эх үүсвэр нь хүлээгдэж байсан ААН-г хааж шинээр төсөл авах буюу маргаан дагуулаад буй 124 аж ахуй нэгжийн зээлийг нээсэн тушаал гарсан байгаа. Үүнийг бид давж заалдах шатны шүүхэд өгсөн юм” гэв.

ЖДҮХС-ААС ЗЭЭЛ АВСАН  АЛБАН ТУШААЛТНЫ ШИЙДВЭРИЙГ ХҮЧИНГҮЙ БОЛГУУЛАХААР ШҮҮХЭД ХАНДСАН

Өмгөөлөгч Б.Мэргэн “Хуульч, судлаачид нэгдэн нийтийн эрх ашгийн төлөө явуулж байгаа үйл ажиллагааны нэг нь ЖДҮХС-аас урт хугацаатай, хөнгөлөлттэй зээл олгосон албан тушаалтны шийдвэрийг хүчингүй болгуулахаар Захиргааны хэргийн шүүхэд хандсан.

Үүнтэй холбогдуулан “Онч шийдэл” ТББ нь нийтийн өмчийг хамгаалах үүднээс ХХААХҮ-ийн сайдад холбогдуулан хоёр төрлийн нэхэмжлэлийн шаардлага гаргаад байна.

“ХХААХҮ”-ийн сайдын 2018 оны тавдугаар сарын 14-ний өдөр “Төсөлд дэмжлэг үзүүлэх тухай” А/88 тоот тушаалын 1-р хавсралтаар санхүүжүүлэх төслийн жагсаалтыг баталсан ба уг жагсаалтаар төрийн өндөр албан тушаалтан  буюу Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 20 дугаар зүйлийн 20.2-д багтсан албан тушаалтнуудад “ЖДҮХС-аас зээл авах эрх” үүссэн явдал юм.

Уг нэхэмжлэлийг гаргаснаар хуулийн хэрэгжилт хангагдаж, нийтийн өмчид хууль бусаар халдсан үйлдлийг шүүхээр тогтоолгож, хууль бус захиргааны актыг хүчингүй болгож, буруутай этгээдээр хохирлыг нөхөн төлүүлэх хууль зүйн үндэслэл бий болох мөн хууль бус шийдвэрийн үндсэн дээр олгогдсон зээлийг буцаан төлүүлэх, улмаар төсөл нь тэнцсэн боловч зээлийн санхүүжилтийг хүлээж байсан жижиг дунд эрхлэгчдэд буюу бодит зээл олгогдох эрх зүйн үр дагавар үүсэх юм.

АТГ-аас авсан мэдээллээр ЖДҮХС-ийн сонгон шалгаруулах хорооноос дэмжигдсэн боловч санхүүжилт хүрэлцээгүйн улмаас санхүүжилтээ авч чадаагүй 300 гаруй төсөл байна. Бүхий л төрийн байгууллагын үйл ажиллагаа үндсэн хуулийн хүрээнд явагддаг. Хэрвээ ЖДҮХС-аас зээл авсан гишүүдийн гэм буруутай нь тогтоогдвол улс төрийн болон хуулийн, ёс зүйн хариуцлага хүлээх ёстой.

Гишүүд авлигын эсрэг хууль, ашиг сонирхлын зөрчлийн тухай хууль, УИХ-ын тухай хуулийн 10 гаруй заалтыг зөрчсөн нь нийтэд илэрхий байгаа” гэв.

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
7
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-22 202.179.25.96

ЖДҮ чин Парламент, ЖДҮ чин Засгийн газар ЖДҮ-чин монголчууд

Avatar

ХУД-ийн иргэн Ш.Раднаа 2019-01-22 103.57.92.166

ЖДҮ-тэй холбогдсон УИХ-ын болон ЗГ-ын гишүүдийг яаж ч чадахгүй. Одоо М.Энхболдыг чөлөөлөнгүүт АТГ-ын дарга Энхжаргалыг .шахаж байгаад чөлөөлнө. УИХ-ын шинэ даргаар дуулгавартай, камелон нэг нөхрийг тавина.Ирэх оны сонгуулиар л энэ ЖДҮ-ч нартай сонгогчид бид л хариуцлага тооцохоос өөр зам үлдээгүй.Авлигатай тэмцэх газрын даргыг өөрчилсний дараа МАН-ын болон АН-ын томчуултай холбоотой өмнөх хэргүүд ч аажмаар замхарна.

Avatar

зочин 2019-01-22 103.26.193.19

Ждүгээс бусад 27 сан.Концесс.Тендер.офшор.60 тэрбум.49.51.оюу толгой.бонд.нүүрсний хулгай луйвар.30 гэр бүл .баялгийн тэгш хувиарлалт асемийн талаар залуу хүмүүс байж яагаад нэг ч үг ярихгүй байгаан бэ.Яагаад зѳвхѳн хамгийн сүүлд гарсан ганц Ждүг яриад байна вэ залуусаа.хэний захиалга юм бэ сонирхолтой байншүү

Avatar

Зочин 2019-01-22 43.228.131.24

ЕРӨНХИЙЛӨГЧИЙН ХАМААРАЛТАЙ КОМПАНИ НЬ ХҮРТЭЛ АВСАН ГЭЭ БИЗДЭЭ БАС ЕРӨНХИЙ САЙДЫН ДҮҮГИЙН КОМПАНИ

Avatar

ddd 2019-01-22 49.0.140.68

Одо шарк танкаар ороод байгаа хүмүүст жинхэнэ ЖДҮ-гийн зээл очих ёстой байсан. замаас нь УИХ-ын гишшд идэж уусан даа хөөрхий.

Avatar

долгор 2019-01-22 192.82.65.67

Эсгий хийх газар нохой хэрэггүй гэж Энэ хүүхэн нь илүүшдээ ганц хуралд орж үзээгүй байж чухал царайлаад

Avatar

Сүр 2019-01-22 202.9.43.118

Кноп дарсны шагналд авсан 950 сая төгрөг бол авилгал мөнөөс мөн. Энэ гэмт хэргийн зохион байгуулагч нь хүрэлсүх баараггүй мөн . Неоманан үүсч гэмт бүлэглэлийн засгийн газар удахгүй үнэнд гүйцэгдэх болно.

Avatar

иргэн 2019-01-22 202.179.26.41

Зөвөө зөв 60-н Тэрбум ч Хууль зөрчсөн ЖДҮ-ээс бага хүүтэй зээл авсан УИХ-ын Гишүүд ч Хууль зөрчсөн шүү дээ адилхан Хуулийн хариуцлага хүлээлгэх хэрэгтэй

Avatar

иргэн 2019-01-22 66.181.167.54

Зөв.Сайн хуулийн дагуу Хүрэлсүхээс ЖДҮ-чдийн хууль бус үйлдлийг нэхээд байгаарай.Амжилт.УИХ-н даргаар далимдуулж асуудлыг саармагжуулах заль хэрэглэж байгааг сайн тунгаа.Оюунэрдэнэ Аюурсайхан Нямбаатар Болд Батзандангийн энэ үйлдлийг хуулийн дагуу шүүхэд гомдол гаргаж эд нарыг татуулах тэр бүү хэл эрүүгийн хэрэг үүсгэх хэрэгтэй.Төрийн эрхийг хууль бусаар авахыг завдсан гэдгээр ял хүлээлгэх ёстой.Хуулийнхан зөв мэдээлэл хийж байна.

Avatar

Зочин 2019-01-22 66.181.160.102

ЖДҮХС нь урьдчилан сонгон шалгаруулах журмыг баталж, журмын дагуу төслөө сонгон шалгаруулдаг. Энэ журамд хоёр өөрчлөлтийг оруулснаар өмнө зээлийн төсөл нь тэнцсэн байсан боловч эх үүсвэр нь хүлээгдэж байсан ААН-г хааж шинээр төсөл авах буюу маргаан дагуулаад буй 124 аж ахуй нэгжийн зээлийг нээсэн тушаал гарсан байгаа....Энэ 2 өөрчлөлтөөр Батзориг юугаа мэдэхгүй тэнэгтсэн буруугаа гишүүнээсээ түдгэлзээд шалгуулах ёстой.

Avatar

Иргэн 2019-01-22 203.91.119.94

ЖДҮ бол яах аргагүй онц ноцтой зохион байгуулалттай, бүлэглэн үйлдсэн эрүүгийн гэмт хэрэгшдээ?!

Avatar

Уншигч 2019-01-22 66.181.177.123

Улсын баатар Бат-Үүл УБ хотын дарга байхдаа Хүү Чулуудайдаа төсөвөөс 7 тэрбум гаруй төг олгосон тухай нилээд хэдэн жилийн өмнө хэвлэлд гарсан. Энэ ямар хуулийг зөрчсөн бэ, Олон жил өнгөрөөд байхад хуульчид чимээгүй л байх юм. Эсвэл сайн үйл юм уу ЖДУ-ийн зээл муухай ч гэсэн зээл учраас заавал эргэн төлөгдөнө. Харин Бат-Үүл баатарынх төлөгдөх үү. ЖДУ-ийн зээл Бат-үүлийн авшаа 2-ыг харьцуулахаад үзэхээр шударга бус санагдаад байгаа юм.

Avatar

zochin 2019-01-22 66.181.178.145

JDU gees zeel awsan IH in gishuuded hyylin hariytslaga huleelge

NewsMN Гар утасны хувилбар Татах
NEWS.mn

Мэдээллийн эх сурвалж