Д.Сумъяабазар ХБНГУ-д ажлын айлчлал хийж байна | News.MN

Д.Сумъяабазар ХБНГУ-д ажлын айлчлал хийж байна

СУМЪЯАБАЗАР

Д.Сумъяабазар ХБНГУ-д ажлын айлчлал хийж байна

Д.Сумъяабазар ХБНГУ-д ажлын айлчлал хийж байна

УУХҮ-ийн сайд Монгол-Германы Засгийн газар хоорондын Ажлын хэсгийн Монголын талын дарга Д.Сумъяабазар ХБНГУ-д ажлын айлчлал хийж байна. Тус улстай дипломат харилцаа тогтоосны 45 жилийн ой энэ сард тохиож байгаа билээ.

Иймд ХБНГУ-ын Холбооны Эрчим хүч, эдийн засгийн яамны парламентийн ТНБД, тус ажлын хэсгийн Герман улсын талын дарга О.Виттке УУХҮ-ийн сайдыг ажлын айлчлал хийхийг урьсан юм.

Айлчлалын үеэр сайд Д.Сумъяабазар ноён О.Виттке болон тус улсын Холбооны Канцлерийн эдийн засгийн зөвлөх Л.Х.Рёллёр, “Хермес” даатгалын байгууллага, “Шпаркассе” банк, “Экспорт хөгжлийн агентлаг”-ийн удирдлагуудтай уулзалт хийлээ.

Салбарын сайд ноён О.Витткетэй хийсэн уулзалтын үеэр АСЕМ-ын 12 дугаар дээд түвшний уулзалтын хүрээнд Монгол Улсын Ерөнхийлөгч Х.Баттулга Холбооны Канцлер А.Меркелтэй хоёр орны эдийн засгийн хамтын ажиллагааг өргөжүүлэх, эрчимжүүлэх сонирхлоо илэрхийлсэн талаар ярилцав. Тухайлбал, 2011 онд байгуулсан Ашигт малтмал, Технологийн салбарт хамтран ажиллах хэлэлцээр  хэрэгжилтийг эрчимжүүлэх талаар хэлэлцэв. Түүнчлэн уг ажлын хүрээнд Монгол Улсын газрын ховор элементийн геологийн судалгаа, олборлолт, ашиглалтын тал дээр хамтран ажиллах талаар санал солилцлоо.

Уулзалтын үеэр мөн Улаанбаатар хотын дагуул эко хотыг байгуулах  болон Газрын тос боловсруулах үйлдвэрлэлийн дамжуулах хоолойн санхүүжүүлэлтийн асуудлаар тус тус ярилцсан юм.

Уулзалтын төгсгөлд Герман Монголын Ашигт малтмал, аж үйлдвэр, технологийн салбарт хамтран ажиллах тухай хоёр улсын Засгийн газар хоорондын хэлэлцээрийн хэрэгжилтийг зохион байгуулах, хяналт тавих үүрэг бүхий Ажлын хэсгийн хуралдааныг ирэх тавдугаар дугаар сарын 21-нд Берлин хотноо зохион байгуулахаар товоо тогтлоо.

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

сэдгэгдэл энэ? 2019-01-22 66.181.180.114

энэ бөх их хурлын шинэ даргаа ганцаараа дэмжээгүй нь тэнэглэл үү?тэрэслэл үү???????

Avatar

Зочин 2019-01-22 202.179.26.136

Эрдэнэтийн 49%-ийг зарчихсан байхад энэ нөхөр тэнд зугаалж явдаг. Монгол Улсын засгийн газар дампуурчээ.

Avatar

Иргэн 2019-01-22 202.55.182.26

Энэ германд байгаа ЭСЯ-ны ажилтан Баттөмөр гэдэг герман хэлний мэдлэг муу, эдийн засгийн боловсролгүй нөхөр худалдаа, эдийн засгийн асуудал хариуцахаар ажил яаж явах вэ дээ, Хөөрхий дөө, Казино тоглоод л явдаг гэсэн, хэзээ ажлаа хийдэг юм бол доо,

Avatar

зочин 2019-01-22 66.181.177.146

Яам засгийн газарт ажиллагсад мөн их гадаадаар явна. Үр дүн бараг байхгүй дээ.

Avatar

ИРГЭН 2019-01-22 66.181.165.246

ДОНШУУЧИЛЖ ХАНДАГГҮЙ ХУЛГАЙЧ ВЭ? ХАМГИЙН ГОЛ НЬ ЭДНИЙ ДОНШУУЧЛАЛАААС ЯМАР ҮР ГАРДАГГҮЙ. ХАЙРАН ТАТВАР ТӨЛӨГЧДИЙН МӨНГӨ.

Avatar

oo 2019-01-22 76.10.166.44

Estoi unen dee. Uliigee hiigeed yavaad baidag yum.

Avatar

иргэн 2019-01-22 81.171.29.146

УИХ гишүүд дүүрч гэж бодоход ядаж Англи хэлтэй Засгийн газрын гишүүн байж болдоггүйн байхдаа, хэл ус ч үгүй ийм хүнтэй чинь санаагаа яаж ойлгуулж хэл нэвтрэлцэх юм

Avatar

Зочин 2019-01-22 199.249.230.85

Галт усаа гудраагүй бгаа???

NewsMN Гар утасны хувилбар Татах
NEWS.mn

Мэдээллийн эх сурвалж