БОАЖЯ-наас “Цэвэрхэн шинэлцгээе” аяныг эхлүүллээ | News.MN

БОАЖЯ-наас “Цэвэрхэн шинэлцгээе” аяныг эхлүүллээ

БОАЖЯ-наас “Цэвэрхэн шинэлцгээе” аяныг эхлүүллээ

БОАЖЯ-наас “Цэвэрхэн шинэлцгээе” аяныг эхлүүллээ

БОАЖЯ-наас “Хандлагаа өөрчилье” багц ажлыг санаачлан амжилттай хэрэгжүүлж байна. Энэ хүрээнд Ерөнхий боловсролын ахлах ангийн сурагчдын дунд өсвөрийн байгаль хамгаалагч бэлтгэх зорилготой “Ногоон паспорт” аяныг санаачилж, олон улсын талархлыг хүлээгээд байгаа билээ.  Мөн Үндэсний их баяр наадмын үеэр “Цэвэрхэн наадацгаая” аяныг амжилттай зохион байгуулж улс орон даяар хоггүй наадсан.

Харин энэ удаа уламжлалт сар шинийн баярыг угтаж уул, усаа бохирдуулахгүй тахин шүтэхийг уриалж “Цэвэрхэн шинэлцгээе” аяныг хэрэгжүүлэх бэлтгэл ажлаа хангаад байна.

“Цэвэрхэн шинэлцгээе” аяны эхлэл болгож, БОАЖ-ын сайд Н.Цэрэнбат Бурхан шашны төв Гандантэгчинлэн хийд  болон бусад  хүрээ хийдийн хамба, лам нарыг хүлээж авч уузлаа.

Тэд өнгөрсөн жилийн цагаан сараар БОАЖ-ын сайд Н.Цэрэнбатын уриалгыг дэмжиж, уул, усаа тахихдаа бохирдуулахгүй шинэлэхийг сүсэгтэн олондоо уриалж, бохирдсон овоодыг байгаль хамгаалагчидтай хамтран цэвэрлэж дэмжиж байсан юм. Тэгвэл энэ удаа БОАЖЯ-наас уриалгаа өргөжүүлэн “Цэвэрхэн шинэлцгээе” аян хэрэгжүүлж байгаад талархалтай хандаж байгаагаа хэлээд дэмжин ажиллахаа  илэрхийллээ.

Энэ үеэр БОАЖ-ын сайд Н.Цэрэнбат “Эх болсон байгалиа хамгаалахыг олон нийтэд уриалж, соён гэгээрүүлэх нь ирээдүй хойч үеийнхээ төлөө хийж буй та бидний их үйлс юм. Иргэн бүр байгаль дэлхийдээ ээлтэй “Цэвэрхэн шинэлцгээе” хэмээн уриаллаа.

Байгаль орчны асуудал дэлхийн улс орнуудын өмнө тулгамдаж буй энэ үед Байгаль орчин, аялал жуулчлалын яамнаас байгаль хамгааллын чиглэлээр иргэдийн оролцоог нэмэгдүүлэх, олон нийтэд хандсан ажлуудыг үе шаттайгаар зохион байгуулж байна.

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

SS 2019-01-22 66.181.168.8

HAHA NOGOON BANID!!!!

Avatar

Даян дээрхийн аврал 2019-01-22 103.9.91.34

Маш зөв санаачлага. Даян дээрхэд очиж мөргөдөг хүмүүс дээрхийн агуйд тавгийн боовоо тавьж, сүү ихээр цацдагаас болж, урин дулаан болохоор агуй өмхийрч өтөн, орон нутгийнхан түүнийг нь цэвэрлэх гэж бөөн зардал чирэгдэл болдог. Агуйн байгалаас заяасан орчинд ч өөрчлөлт орж байна. Таныг сүсэглэж л чадвал бохирдуулах зүйл өргөсөн, өргөөгүй Даян дээрх ивээнэ.

Avatar

Уухай уухай уухай 2019-01-22 103.212.119.229

Залуу хүн гэсэндээ арай ѳѳр сэтгээд байгаа юм. Даана ч ѳѳрийх нь үгийг тоодог, олигтойхон зѳвлѳѳд ѳгѳх хүн байдаг юм болов уу? Эрдэнэбаатар Гансүх шиг сайд нар энэ салбарт дахин ирж босгоосой билээ!!!! үнэн дампуурч дуусаж байна даа!!!!

NewsMN Гар утасны хувилбар Татах
NEWS.mn

Мэдээллийн эх сурвалж