Сар шинийн баярын ширээний ууц нэгдүгээр сарын 16-ны байдлаар дунджаар 230 мянган төгрөгийн үнэтэй байна. Энэ нь өнгөрсөн оны сар шинийн баярын өмнөх үеэс 10.8 хувиар буюу 22 мянга 500 төгрөгөөр өссөн үзүүлэлт юм.

Тухайлбал, овор хэмжээ бага ууцыг “Хүчит Шонхор” зах дээр 150 мянгаас 160 мянган төгрөг, дунд хэмжээний ууцыг 180 мянгаас 220 мянган төгрөг, том хэмжээтэй ууцыг 250 мянгаас 300 мянган төгрөгөөр тус тус худалдаж байна.

Харин цагаан сарын баярын ширээний гол идээ болох хэвийн боовны үнэ нэг ширхэг нь дунджаар 2583 төгрөгийн үнэтэй байна. Энэ нь 2018 оны цагаан сарын баярын өмнөх үеэс 22.3 хувиар буюу 470 төгрөгөөр өссөн үзүүлэлт юм.