Нийслэлийн Засаг даргын захирамж болон холбогдох хууль, тогтоомжийн дагуу нийслэлд цэргийн бүртгэл энэ сарын 4-нөөс 21-ний өдрүүдэд үргэлжилж байна.  Цэргийн бүртгэлд 65 нас хүртэлх насны бэлтгэл офицерууд, 18-50 насны цэргийн үүрэгтэн, 50 нас хүртэлх цэрэгт бүртгэлтэй мэргэжил бүхий эмэгтэйчүүд хамрагддаг.

Нийслэлийн хэмжээнд өнөөдрийн байдлаар цэргийн бүртгэлд бүртгүүлэх ёстой нийт иргэдийн 71.2 хувь нь хамрагдаад байгаа бөгөөд бүртгэл дуусахад гурав хоног үлдсэн байна. Иймд холбогдох байгууллагаас идэвхтэй хамрагдахыг уриаллаа. Мөн Цэргийн бүртгэлд бүртгүүлж байгаагүй, жил өнжсөн хүмүүс ямар нэгэн торгууль төлбөргүй бүртгүүлж байгаа аж.

Э.ЭНХ