Дорнод аймагт малчны хотод өвөлжиж байсан баавгайн бамбарууш уяагаа тасдан зугтжээ. Эхээсээ төөрсөн бамбарууш малчин Б.Баттөмөрийнд өнгөрсөн оны аравдугаар сарын дундуур ирсэн юм.

Малчин айл бамбаруушийг мах, сүү, ногоогоор тэжээж байсан ч 10 гаруй хоногийн дараа алга болсон байжээ. Тухайн үед Байгаль орчин аялал жуулчлалын яамнаас баавгайн бамбаруушийг малчин айлд нь өвөлжүүлэхээр шийдвэрлэсэн юм. Дархан цаазат ховор амьтныг үзэхээр нутгийн хүмүүс олноор очиж үзэж байсан аж.