Хойд Америкийн NBA-с Хятадын шинэ жил буюу цагаан сард зориулан тусгай үйл ажиллагааг энэ сарын 30-аас хоёрдугаар сарын 18-ны хооронд явуулах талаар албан ёсоор зарлалаа. Азийн шинэ жилийн баяр ирэх сарын 5-аас эхлэж байгаа бөгөөд NBA-ээс тусгайлан Хятадад зориулан уг арга хэмжээг зохион байгуулж байгаа ажээ. Уг арга хэмжээнд NBA-ийн 65 тоглолтыг шууд дамжуулахаас гадна телевизийн цуврал “When it Begins”, “Favorite Part”, “So Special” нэвтрүүлгүүдийг явуулахаар болсон байна. Дээрх цуврал нэвтрүүлгүүдэд Я.Антентокунбо, Д.Лиллард болон К.Томпсон нар оролцоно.

Үүнээс гадна NBA-н 2011 оны аварга Ж.Терри Хятадын Бээжин, Хунан, Чангша хотуудад айлчлан хөгжөөн дэмжигч хүүхдүүдтэй уулзалт зохион байгуулахаар болоод байгаа тухай лигээс албан ёсоор мэдэгдсэн байна.

Б.БЯМБАБАЯР