Волейболын идэрчүүдийн нийслэлийн бүсийн аварга шалгаруулах тэмцээн гуравдугаар сарын 22-24-ний өдрүүдэд “Хилчин” спорт хорооны зааланд боллоо. Тэмцээнд хөвгүүдийн 9, охидын 8 багийн нийт 205 тамирчид өрсөлдөв. Мөн тэмцээнийг Волейболын холбооны найман шүүгч шүүсэн байна.

Энэхүү тэмцээний өмнөхөн Улаанбаатар хотноо Олон улсын волейболын холбооны шүүгчийн семинар болсон билээ. Тиймээс волейболын дүрмийн шинэ өөрчлөлтийг тэмцээнд туршсанаараа онцлог болсон байна. Тодруулбал шүүгчид багш, дасгалжуулагч болон тамирчдад зөвлөгөөн, тайлбарыг өгч байжээ.

Тэмцээний дүн гарахад хөвгүүдээс ОУХМ Д.Солонго дасгалжуулагчтай “Хасу Мега старс”, охидоос С.Дэлгэрмаа дасгалжуулагчтай “Хилчин” спорт хороо тэргүүлэв. Мөн таван жил дараалан хүрэл медалийн төлөө тоглож, ялагдаж байсан 5-р сургуулийн охидын баг энэ жил медалийн тавцанд зогссон байна.

Тэмцээний дүн:

Хөвгүүд: (9 баг)

1. ОУХМ Д.Солонгос дасгалжуулагчтай, Б.Баярсайхан ахлагчтай ”Хасу Мега старс” баг.

2. Спортын мастер Д.Эрдэнэчулуун дасгалжуулагчтай, Б.Эрдэнэцог ахлагчтай Багануур дүүргийн баг.

3. Ч.Ариунтуяа дасгалжуулагчтай, Б.Амартүвшин ахлагчтай Сүхбаатар дүүргийн 45-р сургууль.

4. О.Соронзонболд дасгалжуулагчтай, Б.Амартүвшин ахлагчтай Баянгол дүүргийн 20-р сургууль.

Охид: (8 баг)

1. С.Дэлгэрмаа дасгалжуулагчтай, Г.Нарантунгалаг ахлагчтай Хил хамгаалах ерөнхий газрын “Хилчин” баг.

2. Спортын дэд мастер Д.Өлзийхутаг дасгалжуулагчтай, Ч.Ганчимэг ахлагчтай Баянзүрх дүүргийн 21-р сургуулийн баг.

3. Ж.Батболор дасгалжуулагчтай, А.Хажидмаа ахлагчтай Чингэлтэй дүүргийн 5-р сургуулийн баг.

4. Спортын мастер Д.Эрдэнэчулуун дасгалжуулагчтай, Ц.Саранцэцэг ахлагчтай Багануур дүүргийн баг тус тус шалгарлаа.

Ангилал бүрийн эхний дөрвөн байрт шалгарсан багууд Улсын аварга шалгаруулах тэмцээний шигшээд оролцох эрхийг авсан юм.

Ч.БОЛОР