Улсын дуурь бүжгийн эрдмийн театрын тайзнаа энэ сарын 19-нд “Уран хас” балет дахин тавигдах аж. Монголын суут хөгжмийн зохиолч Төрийн шагналт, Ардын жүжигчин Ж. Чулуун гуай энэхүү бүжгэн жүжгийг 1973 оны 12 дугаар сарын 30-ны өдөр анх үзэгчдийн хүртээл болгосон түүхтэй. Монголчуудын үндэсний ухамсрыг сэргээсэн тус  балетыг Хөдөлмөрийн баатар, ардын жүжигчин, төрийн соёрхолт Б.Жамъяндагва дэглэжээ.

Монголын хөгжмийн сор бүтээлүүдийн нэг болсон “Уран хас” бүжгэн жүжигт уран гартай Хас хэмээх залуугийн хайр дурлал, хүсэл тэмүүллийн тухай өгүүлдэг билээ.