Шимтгэл төлж, ажилласан хугацаа нь хангалттай бол тэтгэврийн нас хойшлохгүй | News.MN

Шимтгэл төлж, ажилласан хугацаа нь хангалттай бол тэтгэврийн нас хойшлохгүй

Шимтгэл төлж, ажилласан хугацаа нь хангалттай бол тэтгэврийн нас хойшлохгүй

Шимтгэл төлж, ажилласан хугацаа нь хангалттай бол тэтгэврийн нас хойшлохгүй

Үндэсний статистикийн хорооны Хүн ам, орон сууцны тооллогын товчооны статистикч О.ӨҮЖИНГЭ:

АХМАДУУД ТЭТГЭВЭРТ ГАРСНААСАА ХОЙШ ДУНДЖААР 17-26 ЖИЛ НАСАЛЖ ТЭТГЭВЭР АВДАГ

– Монгол хүний дундаж наслалт хэд байгаа вэ? Тэтгэврээ авч амжилгүй өөд болох нь гэсэн яриа их байна л даа?

2017 оны байдлаар дундаж наслалт 69.89 жил байна. Үүнийг одоо байгаа иргэд  70 жил амьдарна гэж ойлгож болохгүй. Харин тэтгэврийн насны хүн амын буюу 60-аас дээш насны эрэгтэй хүний дундаж наслалт 17.15 байгаа бол 55-аас дээш насны эмэгтэй хүний дундаж наслалт 25.62 байна. Өөрөөр хэлбэл ахмадууд маань тэтгэврээ тогтоолгосноос хойш дунджаар дээрх хугацааны турш амьдарч, тэтгэвэр, тэтгэмжээ авч  байна гэсэн үг.

– Төрөлтөөс тооцсон дундаж наслалт, тодорхой насыг насалсан хүний цаашид амьдрах хугацаа хоорондын ялгаа юу вэ?

Хүн амын дундаж наслалт гэдэг нь  шинэ төрсөн хүүхдийн цаашид үргэлжлэн амьдрах дундаж хугацаа юм. Харин тодорхой насыг насалсан хүний цаашид амьдрах дундаж хугацааг тодорхойлохдоо тухайн насны хүн амын нас баралтын түвшин, нас барах магадлал зэрэгт тулгуурлан нас насны бүлгээр нь тооцоолж гаргадаг.

НДЕГ-ын  Хэтийн тооцоо, нэрийн дансны асуудал хариуцсан мэргэжилтэн Ө.БОДЬГЭРЭЛ:

ШИМТГЭЛ ТӨЛЖ, АЖИЛЛАСАН ХУГАЦАА НЬ ХАНГАЛТТАЙ БОЛ ТЭТГЭВРИЙН НАС ХОЙШЛОХГҮЙ

– Өндөр насны тэтгэвэр тогтоолгох хугацаанд ямар өөрчлөлт орсон бэ?

Нийгмийн даатгалын сангаас олгох тэтгэвэр, тэтгэмжийн тухай хуульд УИХ-аас 2018 оны 02 дугаар сарын 02-ны өдөр нэмэлт өөрчлөлт оруулж хэвийн нөхцөлөөр өндөр насны тэтгэвэр тогтоолгох насыг жил бүр 3 сараар үе шаттай нэмэгдүүлэхээр шийдвэрлэсэн. Ингэснээр өмнө нь эрэгтэй 60 нас, эмэгтэй 55 нас хүрээд тэтгэврээ тогтоолгодог байсан бол жил бүр 3 сараар нэмэх замаар 65 насандаа өндөр насны тэтгэвэр тогтоолгохоор болж байгаа юм. Жишээлбэл 2019 онд эрэгтэй даатгуулагч 60 нас 6 сар, эмэгтэй даатгуулагч 55 нас 6 сар хүрч байж тэтгэврээ тогтоолгоно гэсэн үг.

– Тэтгэврийн нас заавал хойшлохгүй, болзол хангасан даатгуулагч 55, 60-тайдаа тэтгэвэрт гарч болно гэж сонссон. Энэ үнэн үү?

Тийм. Гэхдээ хуульд заасан болзол, нөхцөлийг хангасан байх ёстой. Энэ жилийн тухайд даатгуулагч 20 жил 6 сар ба түүнээс дээш  хугацаанд тэтгэврийн даатгалын шимтгэл төлсөн бол урьдын адил эрэгтэй 60, эмэгтэй 55 насандаа тэтгэврээ тогтоолгох боломж хэвээрээ гэсэн үг юм.

– Тэгвэл өнгөрсөн жил хичнээн хүний тэтгэвэр тогтоолгох хугацаа хойшилсон бэ?

Өнгөрсөн онд 29043 тэтгэвэр авагч шинээр тэтгэврээ тогтоолгосон байна. Үүнээс 3217 хүний тэтгэврийн нас хойшилжээ. Харин үлдсэн 90 хувь нь хуучин нөхцөлөөрөө буюу эрэгтэй 60, эмэгтэй 55 насандаа тэтгэврээ тогтоолгосон байна. Бүрэн тэтгэвэр тогтоолгож буй иргэдийн хувьд ихэвчлэн 25 ба түүнээс дээш жил шимтгэл төлсөн байдаг. Тэтгэвэр тогтоолгох нас нь болсон ч хуулиндаа өөрөө хүсвэл тэтгэврээ тогтоолгож болно гэж заасан тул 40 жил ажиллаад тэтгэвэртээ гарсан хүн ч бий. Тэгэхээр өндөр насны тэтгэвэр тогтоолгох нас хойшлох дээрх хуулийн заалт нөлөөлөх даатгуулагчийн тоо харьцангуй бага байна гэж хэлж болно.

Эх сурвалж: НИЙГМИЙН ДААТГАЛЫН ЕРӨНХИЙ ГАЗАР

"Болор дуран"-аар шалгав.
Энэ мэдээнд өгөх таны сэтгэгдэл?
2
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-17 64.119.20.162

"69.89 жил" гэж юу гэсэн үг юм бэ?? "Жаран ес зууны наян ес" гэж байгаа бол "69,89" гэж бич л дээ!!! Жирийн иргэдэд ойлгомжтой болгоё гэвэл "69,9 жил" гэсэн ч болно шүү дээ!!! Статистикчид дотооддоо бол тэр тоо мэдээгээ мэргэжлийнхээ дагуу бичдэг л юм байгаа биз!

Avatar

Зочин 2019-01-17 66.181.160.28

Үндэсний статистикийн газар гэж улс төрийн захиалгаар судалгаа хийж монгол хүний нас өндөр байна,дундаж цалин 900000 төгрөг гэх мэтээр амьдралаас хол тасархай мэдээдлэл цацадгаа болих хэрэгтэй.Яг амьдралд нийцсэн судалгааг арилжааны банкууд бодитой гаргадаг. Жнь: 60 настай эрэгтэй 55 настай эмэгтэй хүн тэтгэвэртэй гараад тэтгэврийн зээл авъя гэхэд Капитал банк 4 сарын хугацаатай зээлийг батлан даагчгүй,4 сараас дээш 1 жилийн хугацаатай зээл авбал заавал батлан даагчтай бусад банкууд 1жилийн

NewsMN Гар утасны хувилбар Татах
NEWS.mn

Мэдээллийн эх сурвалж