Загварын ертөнцөд хөл тавиад удаагүй ч амжилттай яваа загвар өмсөгч, фото модель бол Б.Ялгуун. Италийн Милан хотын "IMG Models Milan" агентлагтай гэрээ байгуулан алдарт Gigi hadid, Candice, Gisele Bundchen нартай мөр зэрэгцэн загварын тайзнаа алхаж явсан "түүх" түүнд бий.

Б.Ялгуун Хонконг, Сингапур, Малайз, Тайланд улсад загварын тайзнаа алхаж явсан туршлагатай модель  юм. Тэрбээр саяхан өөрийн инстаграм хуудсаараа найз залуугийнхаа зургийг олонд дэлгэсэн байна. Түүний найз залуу нь УИХ-ын гишүүн Н.Номтойбаярын хүү гэгддэг Н.Мөнгөншагай. Залуус үерхээд багагүй хугацааг үджээ. УИХ-ын гишүүн Н.Номтойбаяр хоёр удаа гэрлэсэн бөгөөд анхны  эхнэрээс нь гарсан ууган хүү нь Н.Мөнгөншагай аж.

Н.Мөнгөншагай АНУ-ын “West  Point” цэргийн академид суралцаж байсан. Тэрбээр гишүүн аавтайгаа усны дусал шиг адилхан аж.

Э.БУРАМ