АНУ ирэх сард пуужингийн гэрээнээс гарна | News.MN

АНУ ирэх сард пуужингийн гэрээнээс гарна

АНУ ирэх сард пуужингийн гэрээнээс гарна

АНУ ирэх сард пуужингийн гэрээнээс гарна

ОХУ гэрээгээр хүлээсэн үүргээ яаралтай биелүүлэхгүй бол “Дунд болон ойрын зайн тусгалтай пуужинг устгах тухай гэрээ”-ээс гарах үйл явцыг хоёрдугаар сарын 2-нд эхлүүлнэ хэмээн Вашингтоноос мэдээлжээ.

Шинэ баллистик пуужингийн систем нь тус гэрээний зүйл заалтыг зөрчиж байна хэмээн АНУ-аас ОХУ-д удаа дараа анхааруулга өгч, арга хэмжээ авахгүй хэвээр байвал АНУ гэрээнээс гарна хэмээн Д.Трампын засаг захиргаа мэдэгдээд байсан билээ.

Женев хотноо гэрээтэй холбоотой асуудлаарх хоёр улсын сайд нарын түвшний зөвлөлдөх уулзалтыг өнгөрсөн Мягмар гаригт /2019.01.15/ зохион байгуулсан юм. Гэвч  “ОХУ-тай хийсэн уулзалтад бид амжилт олсонгүй. Тус улс гэрээг зөрчиж буй явдлаа ухамсарлан, зүйл заалтуудыг нь дахин биелүүлнэ гэсэн шинж тэмдгийг бид олж харахгүй байна. ОХУ яаралтай шинэ пуужингийн системээ устгах арга хэмжээ авахгүй бол АНУ гэрээнээс гарах үйл явцыг эхлүүлэх болно” хэмээн АНУ-ын төлөөлөгчдийн багийг ахалсан, Төрийн нарийн бичгийн даргын зэвсэглэлд хяналт тавих болон олон улсын аюулгүй байдлын асуудал хариуцсан орлогч Андреа Томсон мэдэгджээ. Тус уулзалтад оролцсон ОХУ-ын төлөөлөгчдийг Гадаад хэргийн дэд сайд Сергей Рябков ахалсан байна.

Харин ОХУ тус гэрээний заалтыг зөрчөөгүй хэмээн байр сууриа илэрхийлсээр байгаа.

АНУ-ын Ерөнхийлөгч асан Роналд Рейган, ЗХУ-ын удирдагч Михаил Горбачёв нар гэрээнд гарын үсэг зурж байгаа нь.

Хүйтэн дайны үед зэвсэглэлээр хөөцөлдөх явдлыг зогсоох зорилгоор ЗХУ, АНУ-ын байгуулсан  “Дунд болон ойрын зайн тусгалтай пуужинг устгах тухай 1987 оны гэрээ”-ээс гарснаар Вашингтон гэрээний зүйл заалтаар хориотой байсан зэвсгийн судалгаа, хөгжүүлэлтийг хийх боломжтой болох юм.

Эх сурвалж: NHK

 

 

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-17 202.131.245.243

Сайн л биз дээ? Оросуудын гар нь сайхан сулраад л ирнэ. Хуурай газраас хаа дуртай газраасаа л пуужин харвана. Баргузин системийг ч ашиглана.

Avatar

G 2019-01-17 66.181.161.68

Amerikchuud oorsdoo gereeg zorchson.

Avatar

зочин 2019-01-17 37.29.40.227

Ер нь Америк ургэлж л иймэрхуу шалтаг шалтгаан хайж, гаргаж байдаг, Трамп еронхийлогч болсноор Орос- Америкийн харилцаа илт хурцадлаа. Хэрэв дайн эхлуулбэл Трампад алдах зуйл юу ч угуй, угаасаа туунд амьдрах хугацаа тун бага улдсэн болохоор тэр ямар ч тэнэг уйлдэл хийхээс буцахгуй, тийм болохоор тэр Олон улсын байдлыг санаатайгаар хурцатгаад байна.

Avatar

Зочин 2019-01-17 37.29.40.227

Америк дэлхийн тэргуулэх гурэн мен боловч бусад улсын хэрэгт байнга хендленгеес оролцож байдаг нь тааламжгуй. Зевхен Сирийн тухацд гэхэд л Сирийн хууль ёсны засгийн газар ОХУ-д хандан тусламж хуссэн. Учир нь АНУ болон ТТГ дэлхийн енцег булан бурт ямар жигшууртэй хэрэг уйлдэж, ур дунд нь олон ард иргэд хохирдогийг дэлхий нийтээр мэдэж ойлгосон болохоор зевхен Оросод хандсан нь ойлгомжтой..

NewsMN Гар утасны хувилбар Татах
NEWS.mn

Мэдээллийн эх сурвалж