Арабын нэгдсэн Эмират улсад эдгээр өдрүүдэд Азийн хөлбөмбөгийн холбооны хамгийн нэр хүндтэй тэмцээний нэг болох “Азийн цом”-ын тоглолтууд болж байна. Энэхүү тэмцээний зохион байгуулалтад Монголоос С.Жаргал оролцож байна. Тэрбээр Монголын хөлбөмбөгийн холбооны тэмцээн зохион байгуулах хэлтэсийн даргаар ажилладаг аж.

С.Жаргал Азийн хөлбөмбөгийн холбооны бүх тэмцээн дээр төдийгүй Олон улсын хөлбөмбөгийн холбооны “Клубүүдийн ДАШТ”-ийг зохион байгуулж байсан туршлагатай. Тиймээс энэ жил Арабад болж буй тивийн аварга шалгаруулах тэмцээнийг зохион байгуулагчийн багт багтжээ.

Азийн 24 баг өрсөлдөж буй уг тэмцээн хоёрдугаар сарын 1-д өндөрлөнө.