МАРГААШ ШҮҮХЭЭР ХЭЛЭЛЦЭХ Б.МАХБАЛЫН ХЭРЭГ | News.MN

МАРГААШ ШҮҮХЭЭР ХЭЛЭЛЦЭХ Б.МАХБАЛЫН ХЭРЭГ

Хуучирсан мэдээ: 2019.01.17-нд нийтлэгдсэн

МАРГААШ ШҮҮХЭЭР ХЭЛЭЛЦЭХ Б.МАХБАЛЫН ХЭРЭГ

Зам, тээврийн хөгжлийн яамны /ЗТХЯ/  байранд өнгөрсөн 2018 оны наймдугаар сарын 9-ний 21:00 цагийн үед гарсан хүн амины хэрэг одоо ч дуулиан дагуулсаар байгаа. Албан тушаалтнуудын энэ хэрэг Монголын улс төрийн намууд, бүлэглэлүүдийн хоорондын тэмцлээс үүдэлтэй гэсэн шүүмжлэл одоо ч гарсаар байгаа юм.

Хэрэг гарсан даруйд цагдаагийнхан үзлэг шалгалт хийгээд  ЗТХЯ-ны Хяналт шинжилгээ, үнэлгээ, дотоод аудитын газрын дарга Т.Гомбосүрэнгийн амь насанд Төрийн захиргаа удирдлагын газрын дарга Б.Махбал халдсан болохыг урьдчилсан байдлаар тогтоосон.

 Уг хэргийг шалгаж, яллах дүгнэлт үйлдүүлэхээр цагдаагаас Нийслэлийн прокурорт өнгөрөгч оны арваннэгдүгээр сард саналаа хүргүүлсэн юм.

Хэрэгт Б.Махбалаас гадна тус яамны Төмөр зам, далайн тээврийн бодлогын хэрэгжилтийг зохицуулах газрын мэргэжилтэн Л-ийг яллагдагчаар татан шалгаж байгаад батлан даалтад гаргаж, Б.Махбалыг ШШГЕГ-ын харьяа цагдан хорих 461-р ангид  цагдан хорьсон хэвээр байна.

Тэгвэл уг хэргийн мөрдөн байцаалтын ажиллагаа дуусч, шүүхэд хэргийг шилжүүлжээ. Шүүхийн урьдчилсан хэлэлцүүлэг  маргааш /2019.01.18/ товлогдсон байна.

Болсон явдлыг эргэн сөхвөл, хэрэг гардаг өдөр Б.Махбал нь Зам, тээврийн хяналт хариуцсан мэргэжилтэн Ч.Ганбаярын хамт яамны байрандаа архи уусан байдаг.  Тэдэнтэй хамт  Төмөр зам, далайн тээврийн бодлогын хэрэгжилтийг зохицуулах газрын дарга Б.Артур, Авто замын бодлогын хэрэгжилтийг зохицуулах газрын дарга Э.Энхбат, Хүний нөөцийн асуудал хариуцсан ахлах мэргэжилтэн Д.Цэцэгмаа нар байсан талаар ч хэвлэлээр мэдээлж байв.

Талийгаачийн хувьд маргаашнаас нь ээлжийн амралтаа авахаар ажлаа цэгцэлж байжээ. Б.Махбал талийгаачийг өрөөндөө хэд хэдэн удаа дуудуулж улмаар  зодож амь насыг нь хөнөөсөн хэрэгт сэжиглэгдэн хоригдоод байгаа юм.

Сэжигтэн Б.Махбал нь хохирогчийг өшиглөж, цохисноос болж амиа алдсан тухай гэрчээд мэдээлсэн байдаг. Б.Махбалыг хэрэг гарсан өдөр архи хэтрүүлэн уусан тул эрүүлжүүлэхэд хонуулан маргааш нь  Сүхбаатар дүүргийн цагдаагийн нэгдүгээр хэлтэст авчирч, мөрдөн байцаах ажиллагаа явуулж эхэлсэн байдаг.

Т.САЙНЖАРГАЛХҮНИЙ ЁСНООС ГАЖУУД, ХАРГИС ХЭРЦГИЙ ҮЙЛДЛЭЭР САНААТАЙГААР НЭГНИЙГЭЭ БҮЛЭГЛЭН ХӨНӨӨЖЭЭ

Талийгаачийн  найз Т.Сайнжаргал өөрийн твиттер хуудаснаа хэргийн талаар жиргэхдээ “Талийгаач найзынхаа гэрээр орж ар гэрт нь хүндэтгэл үзүүллээ. Бодит байдлыг сонслоо. Үнэхээр сэтгэл эмтэрмээр, хүний ёсноос гажууд, харгис хэрцгий үйлдлээр санаатайгаар нэгнийгээ бүлэглэн хөнөөжээ. Үнэхээр гомдмоор, байж боломгүйгээр хороосон байна. Б.Махбал нь талийгчийг хоёр цохиж унагаад толгой руу нь олон удаа (шүүхийн дүгнэлтээр долоон удаа) өшиглөж, гутлын өсгийгөөрөө эрүүн дээр нь гишгэж мулталсан. Энэ үед нь Б.Махбалтай өрөөнд архи ууж байсан газрын дарга нар болон жолооч нар хараад зогсож байсан. Зодоон хоёр хүний хооронд болжээ. Тэнд байсан бусад хүмүүс тэдний зодолдож байхыг хараад зогсож байгаа нь  камерт бичигдсэн" гэж жиргэж байв. Талийгаач Т.Гомбосүрэнгийн хувьд эхнэр, дөрвөн хүүхдийн хамт амьдардаг байжээ. Бусадтай муудалцдаггүй, эв эеийг хичээдэг, хүнлэг, шударга, архи дарс уудаггүй, чадварлаг, зарчимч төрийн албан хаагч байсан хэмээн аав нь амьд сэрүүндээ хүүгийнхээ талаар хэвлэлийнхэнд мэдээлж байлаа.

Талийгаач  төмөр замын 280 сая ам.долларын зарцуулалт болон ОХУ-аас ашиглалтын хугацаа нь дууссан 1000 вагон оруулж ирсэн хэрэг дээр шалгалт хийж байсан. Тиймээс  улс төр, албан тушаалтай нь холбоотой хэрэг болчихлоо гэж ар гэрийнхэн нь  хардаж байгаагаа одоо ч илэрхийлсээр.

Тухайн үед талийгаачийн албан тушаалд буюу ЗТХЯ-ны  Хяналт шинжилгээ, үнэлгээ дотоод аудитын газрын даргаар н.Дорждагва гэх  хүн очихоор яригдсан байсан  гэх мэдээлэл ч гарсан.

ЗТХЯ-НЫ УДИРДЛАГУУДЫГ СОЛИВ 

Уг хэргийн улмаас Зам тээврийн хөгжлийн сайд  Ж.Бат-Эрдэнэ  хариуцлага хүлээхээр өөрийн хүсэлтээр чөлөөлөгдөх өргөдлөө өгсөн. Тэрбээр  Монгол Улсын Ерөнхий сайдад өгсөн өргөдөлдөө “Миний толгойлсон Зам тээврийн хөгжлийн яамны газрын дарга нар архидан согтуурч, улмаар нэгнийхээ амь насыг хохироосон ноцтой гэмт хэрэг гарсан тул миний бие цаашид тус яамыг удирдан ажиллах ёс зүйгүй хэмээн үзэж Зам тээврийн хөгжлийн сайдын үүрэгт ажлаас чөлөөлж өгөхийг хүсэж байна” гэжээ. Түүнчлэн хэрэг гарах үед хамт байсан газрын дарга нарыг чөлөөлөх шийдвэрийг гаргасан юм.

Б.МАХБАЛ ГЭЖ ХЭН БЭ?

Б.Махбал нь 2017 оны сүүлээр ЗТХЯ-ны Төрийн захиргааны удирдлагын газрын даргаар томилогджээ. Үүнээс өмнө Уул уурхай, хүнд үйлдвэрийн яамны Төрийн захиргаа, удирдлагын газрын даргаар ажиллаж байсан байна. Мөн Монгол Улсын Ерөнхийлөгч Х.Баттулгыг Зам тээвэр, барилга хот байгуулалтын сайдаар ажиллаж байх үед тус яамны Зам тээврийн бодлогыг нь хариуцсан газрын даргын албыг ч хашиж байжээ. Тиймээс түүнийг Ерөнхийлөгч Х.Баттулгын хүн гэх хардлага улс төрийн хүрээнийхэнд байгаа. Түүнийг нь батлах мэт "Цензургүй сурвалжлага"-аар талийгаачтай холбоотой мэдээлэл цацагдсан нь олон хүний дургүйцлийг хүргэсэн юм. Талийгаачийн мөнгө тоолж байгаа бичлэг нь өмнө нь өмгөөлөгч байхдаа хоёр компанийн хоорондын асуудал дээр баримтуулж авсан дүрс гэдгийг өмгөөлөгч з.Хүрэлсүх нь тайлбарласан.

Талийгаачийн найз Т.Сайнжаргал сэжигтэн Б.Махбалын талаар жиргэхдээ “Өмнө нь Зам тээврийн хөгжлийн яаманд ажиллаж байхдаа хүний чихийг тас хазан, амнаасаа тасархайг нь нулимж хаяж байсан хүн. Уул уурхайн яаманд ажиллаж байхдаа нэг даргаа хэвтэрт ортол зодоод халагдсан. Энэ явдлыг тас нуугаад орхисон” гэж байв.

Б.Махбал хөрөнгө орлогын мэдүүлэгтээ хадгаламждаа 117 сая төгрөгтэй, 480 саяын үнэт эдлэлтэй, 80 саяар үнэлсэн “Lexus 570”-тай, эзэмшлийн хоёр газартай, тэрбум 570 сая төгрөгийн үнэ бүхий гурван орон сууц, мөн үйлдвэр үйлчилгээний гурван объекттой, гэр бүлийнх нь жилийн орлого 229 сая төгрөг хэмээн мэдүүлжээ.

ТАЛИЙГААЧИЙН ААВ НАС БАРТЛАА Ц.НЯМДОРЖИД ИТГЭСЭЭР БАЙЖЭЭ

Хэрэг явдлын дараа талийгаачийн ар гэрийнхэн хэвлэлд хандан мэдээлэл хийж, хууль шүүхийн байгууллагад итгэл алдарч байгаа илэрхийлсэн. Талийгаачийн аав Р.Төмөрхуяг  хүүгээ цаг бусаар алдсан  хэргийг шуурхай шалгаж гэм буруутай этгээдүүдэд ял завших боломж олгохгүй байхыг Монголын хууль, шүүхийнхнээс хүссэн билээ.

Харамсалтай нь, талийгаачийн аав Р.Төмөрхуяг энэ оны нэгдүгээр  сарын 1-ний өдөр таалал төгссөн юм. Тэрээр хүүгээ нас барахаас сар гаруй өмнө хүнд хагалгаанд орсон бөгөөд өнгөрсөн хугацаанд сэтгэл санааны гүн хямралд орсны улмаас хууч өвчин нь  сэдэрч, нас барсан байна.

Р.Төмөрхуяг  өмгөөлөгчийн хамт 2018 оны арванхоёрдугаар сард прокурорын байгууллага хуулийн зүйлчлэл тохироогүй байхад хэргийг шүүхэд шилжүүлж байгаатай холбогдуулан мэдээлэл хийхдээ “Цагдаагийн байгууллага мөрдөн шалгах ажиллагааг бүрэн гүйцэт явуулсангүй.

Хүүгийн минь амь насыг хохироосон эл хэрэг прокурорын байгууллагад очоод маш богино хугацаанд бидэнд мэдэгдэлгүй шүүхэд шилжсэн. Ингэхдээ хэрэгт оролцсон хоёр хүний асуудлыг хэрэгсэхгүй болгоод Б.Махбалын ялыг хамгийн хөнгөнөөр шийдэхээр зүйлчилсэн байгаад гомдолтой байна.

Бидний зүгээс энэ хэргийг анхнаасаа албан тушаалын маргаантай холбоотой гэж үзэж байгаа. Хэргийг хууль хяналтын байгууллага үнэн зөвөөр шийдэж чадахгүй байгаад харамсч байна. Зохих шатны байгууллагад нь санал гомдлоо уламжилж, үнэн мөнийг нь олохын тулд чадах бүхнээ хийнэ. ХЗДХ-ийн сайд Ц.Нямдоржид хэргийг үнэн зөвөөр шийдвэрлэхэд тусалж дэмжих хүсэлт өгнө” гэж байсан юм. Эндээс харахад талийгаачийн аав хүүгийнхээ үхлийн шалтгааныг үнэн зөв тодруулж, хэрэгтнийг шийтгэнэ гэдэгт Хууль зүй, дотоод хэргийн сайд Ц.Нямдоржид нас барах хүртлээ итгэж байсан бололтой.

Э.БУРАМ

Энэ мэдээнд өгөх таны сэтгэгдэл?
30
ХарамсалтайХарамсалтай
6
БурууБуруу
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ТэнэглэлТэнэглэл
Баярлалаа!

Холбоотой мэдээ

37 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-17 202.9.42.185

Махчин махбал хаанаас ийм их хөрөнгөтэй болчихсон юм бэ бүх хөрөнгийг нь хурааж улсын орлого болгож бүх насаар нь хорих ял өгвөл таарна

Avatar

Зочин 2019-01-17 121.137.73.71

Энэ Махбал чинь бүр яргачин а******н хүн байсан байхад ажилд авдаг бас хажууд нь байсан хүмүүс ч алуурчид бүгдийг нь хатуу шийтгэх хэрэгтэй за манай хууль ч дээ юу гэж хэлэх үг олдохгүй юм

Avatar

Зочин 2019-01-17 121.137.73.71

Тэр бузараар олсон махбалын хөрөнгө талийгаачийн гэр бүлд хэрэггүй ээ бузартай хүнийг хайрлах сэтгэлгүй а******н махбалын насаар нь хорьж зовоо махбалын нэрийг жижгээр бичсэн шүү алуурчинг

Avatar

Зочин 2019-01-17 103.57.92.204

Ene hvn aldag yragching bvh nasaar ni hori.hairan saihan dvvg mini alsan.yg uuriig ni tegej tamal za

Avatar

Зочин 2019-01-17 64.119.18.186

Бат-Эрдэнэ Махбал нар чинь МАН-ын хүмүүс Баттулга ерөнхийлөгчийн Сайд байх үед МАН-ын Төрийн нарийн бичгийн дарга газрын дарга нар МАН-аас томилогдон бие биенээ хянадаг байсан. МАН-ын хүмүүс хоорондоо алалцсан болохоор 60 тэрбумынхан буруутай. Тэд бантсандаа ерөнхийлөгч руу чихэж хариуцлагаас бултах гэж байна. Махбал Бат-Эрдэнэ сайдын хүн болохоос Баттулгын хүн биш

Avatar

Зочин 2019-01-17 64.119.18.186

60 тэрбумынханы балаг энэ дээ үүнд М. Энхболд тэргүүтэй 60 тэрбумынхан буруутай

Avatar

Бичлэгийг ил болго 2019-01-17 64.119.19.145

Зам тээврийн яамны үүдэнд болсон бичлэг байдаг. Тэрийг олон нийтэд ил болгох хэрэгтэй. Тэндээс хэн анх зодооныг эхлүүлсэн бэ гэдэг нь харагддаг. Мөн тэр өдөр яагаад зодоон болсныг мэдэж болно. Ер нь хавтаст хэргээс бүх зүйл тодорхой болно доо. Талийгаачид цохиулаад Махбал тэсэрчихсэн юм билээ.

Avatar

Зочин 2019-01-17 104.194.25.111

Төмөр замын хэрэг шалгаж байсан бол цаад захиалагч ил бишүү. Махбал бол Женкогийн найз

Avatar

ЗОЧИН 2019-01-17 64.119.20.53

ДЭД САЙД НЬ АРХИДАЛТ САЙДЫНХ НЬ ӨРӨӨНӨӨС ЭХЭЛСЭН ЗҮЙЛ ЯРЬСАН БАЙХАА. ИЙМЭЭС САЙДЫГ САЙТАР ШАЛГАМААР БАЙГАА ЮМ ДАА. 60 ТЭРБУМЫН СҮЛЖЭЭНИЙ ХЭРЭГ БАЙЖ БОЛШОШГҮЙ. ЮМЫГ ЯАЖ МЭДЭХЭВ. СХЕМИЙН ДАГУУ АЛБАН ТУШААЛЫН ТУЛААН БАЙЖ МАГАД

Avatar

Zochin 2019-01-17 218.232.72.89

Tanaih yagd zasgiin gzr bolon nyamka rv dair d bgn henii site blh g chn mongoliin ard tvmen medneee

Avatar

Зочин 2019-01-17 104.143.92.250

ene sahal BatErdenii hunshdee. ene hulgaich ichih ch gui zugeer yavj baina

Avatar

Зочин 2019-01-17 66.181.181.221

Энэ төр засагт хулигаанууд их шургалжээ. Одооноос цэвэрлэж эхлэх хэрэгтэй.

Avatar

Зочин 2019-01-17 64.119.16.146

Нямка гэдэг шүүгч байдаггүй баймаар… сэтгүүлч гуай хүний зовлонгоор бүү хоолло

Avatar

mahbal gej hen be? 2019-01-17 202.9.44.205

mahbal gej a*******n shd

Avatar

Иргэн 2019-01-17 202.126.89.83

Няамка урвахгүй ээ,

Avatar

3 urbana 2019-01-17 64.119.18.37

Tahia dongodohoos umnu 3 urbana

Avatar

Зочин 2019-01-17 149.167.33.143

ДЭД САЙДЫН ИЛЧИЛСЭН ХАМТ АРХИ УУСАН САЙД НЬ ХЭРГЭЭС МУЛТРАХЫН ТУЛД АЛУУРЧИНГ ЖЭЭНКЭЭГИЙН ХҮН ГЭЖ ЦУУРХАЛ ТАРААЖЭЭ

Avatar

Зочин 2019-01-17 202.21.117.34

BAT-ERDENIIN OROONOOS EHLELTEI ALLAGA…

Avatar

Зочин 2019-01-17 202.179.25.147

Бат-Эрдэнэ бол найгүй лархичин гэсэн. Булган Сэлэнгээр явахдаа таних танихгүй айлаар ороод санаа ч зовохгүй архи нэхэж уугаад бөөлжөөд явдаг гэсэн дээ

Avatar

Зочин 2019-01-17 203.91.116.174

asdasd

Avatar

Shudraga 2019-01-17 122.201.25.154

unen zuvuur n shiideesei arai l bn daa huuliihaan ajilaa yaj hiij bgaan hudend ilt bga yum shuu ! deed hemjeegeer n uguh heregtei alsan n unen tsug arhidaad aluulsan nuhuduudiig bas hiih heregtei tsug alaa biz dee!!!!!

Avatar

МОНГОЛ ТӨРИЙН ХАМГИЙН ТОМ ХУЛГАЙЧ МӨН а******н 2019-01-17 58.108.110.54

ЖОНКУУ МУУ ***р МИНЬ ЧИ НЭГ ГЭРБҮЛИЙГ СҮЙРҮҮЛЖ 280 САЯЫНХАА ХУЛГАЙГ ХЭСЭГ ХУГАЦААНД ДАРДАГ ЮМ БАЙЖ! ЧИ 3 САЯ МОНГОЛЧУУДЫГ НУХАЖ, ҮҮРД ХУЛГАЙГАА НУУЖ ЧАДАХ УУ?! АМЖИХ УУ?!

Avatar

ШОДРОГООС ХЭЗЭЭД ЯЛНА!!! 280 САЯ АМДОЛЛАРЫН ХУЛГАЙГ МОНГОЛЫН АРД ТҮМЭН МАРТАХГҮЙ!!! 2019-01-17 58.108.110.54

МОНГОЛ УЛСЫН ИРГЭН БҮРИЙГ ШУЛСАН, НЭН ЯДУУ АНГИЛАЛРУУ ТҮЛХЭН УНАГАЖ БАЙГАА ЖОНКУУТАЙ ТООЦОО БОДОХ ӨДӨР ИРНЭ ГЭЖ ИТГЭЖ БАЙНА…

Avatar

иргэд олон түмэн 2019-01-17 103.212.117.122

ЖДҮ-чидтэй хатуу тэмцэнэ гэж орон даяар сүржигнэн зарласан атлаа ЖДҮ-чидийг УИХ-ын чуулган дээр үлгэр жишээ хамгаалсанаас нь харвал Нямдоржид хүн итгэж болохоор байна уу?ам ажил нь алд дэлэм зөрсөн,мэдлэг чадвараасаа мэдэмхийрэх бурах нь давамгайлсан ийм л юмнууд төрд олноороо шургалсанаас хууль ёс,хүний эрх гажуудаж байгаадаг шүү?

Avatar

Зочин 2019-01-17 43.228.129.161

Бичиж байгаа нөхдүүдээ!!! Хуулийн сайд хэрэг мөрдөн байцаах, шүүх ажиллагаанд оролцдоггүй юмаа. Наад итгэлийг чинь тэр мөрдөн байцаагч, прокурорууд л шийднэ. Хэргийн хувьд харамсалтай

Avatar

зочин 2019-01-17 66.181.166.196

Махбал чинь Женкогийн хүн шүү дээ, талийгчийн хариуцаж шалгаж байсан хэрэг нь төмөр замын 280 сая $ энэ тэр гээд тэр зүгийн юм байгаа, санаандгүй хэрэг ч биш байхаа, Нямдорж яахав өөрт аль ашигтайгаар л хийнэ ш дээ, өнөөдрийн хувьд Женкогийн талд зогсон Нямдоржийн аминд өлзийтэй болоод л тэр ш дээ, уг хүн нь тийм юмыг одоо яалтай ч билээ

Avatar

Зочин 2019-01-17 103.57.92.133

Женкогийн дагуул зам тээврийн яам шоронгын хулгайчаар дүүрч байх үеийн бүтээгдэхүүн дээ энэ а******н

Avatar

Зочин 2019-01-17 113.36.205.177

Amig amiar shdeee

Avatar

Зочин 2019-01-17 202.170.80.25

Дэд сайд Баттөмөрийн ярилцлагаас харахад Нямдорж гэдэг хүн гэмтнүүдийр харин ч наймаалдаг, хамгаалдаг хүн бус уу

Avatar

бибид 2019-01-17 202.72.244.219

Хөгийн муу алуурчинг цаазалбал таарна. Энэ гэр бүлд хормын дотор ямар их уй гашуу авчирав аа

Avatar

Zochin 2019-01-17 150.129.141.179

ENE HUNIIG ZODOJ HOROISOON HARJ BAISAN GERCHUUD BUGD TAMD UNANA.BI XMLAJ BN.

Avatar

Зочин 2019-01-17 64.119.25.232

маш харамсалтай, а******н шйлээ эдэлж үхээсэй

Avatar

Amar 2019-01-17 202.179.25.81

Махбалын хөрөнгийг хурааж тодорхой хэсгийг нь талийгаачийн ар гэрт олговол таарна.

Avatar

Иргэн 2019-01-17 122.201.21.227

Одоь нямдорж сайд энийг шийдэж өгөх байлгүй арай ч дээ

Avatar

zocnin 2019-01-17 69.76.229.35

ENE MANAN TAI HOLBOOTOI BUR UNDES NI ENHBAYR ELBEGDORJ ENHBOLD BAGABANDI ENHBOLD MONGOLIIG IIM BOLGOSON ODOO SHINEER HOTIIN DARGA BOLJ BAIGAA NOHOR CNINI BAS L ENHBOLDIIN DUGUI GELUU SELEMEER HUN ***h GEJ BAISAN HUNII AH DUU NAR GELUU SHUUD BOLIMOOR UMAA MONHBAT GELUU SUULD NI TAMGAA OHGUI ALGA BOLOH BII DEE

Avatar

MAHBAL BA TUUNII NOHOD 2019-01-17 202.21.117.34

BAT-ERDENIIN OROONOOS EHLWELTEI ALLAGA…

Avatar

Зочин 2019-01-17 202.55.188.33

Сайхан Аав Сайхан хүү тайван нойрсодоо.

NewsMN Гар утасны хувилбар Татах
NEWS.mn

Мэдээллийн эх сурвалж