Кисэносато: Монгол аваргуудад баярлаж явдаг | News.MN

Кисэносато: Монгол аваргуудад баярлаж явдаг

Кисэносато: Монгол аваргуудад баярлаж явдаг

Кисэносато: Монгол аваргуудад баярлаж явдаг

Японы мэргэжлийн сүмо бөхийн Хацү башё буюу нэгдүгээр сарын тэмцээнд гурван аварга барилдах болсон нь анхаарал татаж эхэлсэн. Учир нь өнгөрөгч 2018 онд олон башё өнжсөн аваргууд барилдаж байгаа учраас ихээхэн өрсөлдөөн гарна гэж харж байсан ч аварга Кисэносато зодог тайлах болсноо өчигдөр мэдэгдсэн юм.

Мэргэжлийн сүмо бөхийн 72 дахь ёкозүна Кисэносато Хацү башёгийн эхний гурван өдөр унасан нь түүнийг ийм шийдвэр гаргахад хүргэжээ.

Кисэносато өчигдөр болсон хэвлэлийн хурлын үеэр сэтгүүлчдэд мэдээлэл өгөхдөө 17 жил хамт байсан хөгжөөн дэмжигч нартаа талархаж байгаагаа илэрхийлсэн байна. Тэрбээр “Намайг хурцалж, хөгжүүлж өгсөн зүйл бол ёкозүна Асашёорюү Д.Дагвадорж тэргүүтэй монгол аваргууд гэж боддог. Би тэдний бэлтгэлийг харж, барилдааныг гүйцэх гэж хичээж байсан. Үнэхээр дараалан ялагдаж, хүнд хэцүү байх үед ёкозүна Харүмафүжи Д.Бямбадорж үнэтэй зөвлөгөө өгсөнд их баярлаж явдаг. Миний сэтгэлд үлдсэн барилдааны нэг бол 2017 оны Хацү башёд ёкозүна Хакүхо М.Даваажаргалыг ялсан барилдаан байлаа. Монгол бөхчүүдэд их баярлаж явдаг” гэсэн байна.

Аварга Кисэнсато Хацү башё эхлээд гурав дараалан унасан юм. Тэрбээр хоёр дахь өдөр Ичиножёо А.Ичинноровт ялагдсан бөгөөд өчигдөр зодог тайлах шийдвэрээ гаргалаа. 

 Өдгөө 32 настай аварга Кисэносато анх 2002 оны гуравдугаар сард сүмо бөхөөр хичээллэж эхэлжээ. Тэрбээр 2004 онд 18 насандаа дээд зиндаанд барилдах болсон байна. Ингээд 2012 онд озэки цолонд хүрч, 2017 оны нэгдүгээр сарын тэмцээнд 14 даваатайгаар анхны түрүүгээ авч, мэргэжлийн сүмо бөхийн 72 дахь аварга хэмээн өргөмжлөгдөх болсон. Кисэносато 1998 оноос хойш буюу 19 жилийн дараа аварга цолонд хүрсэн анхны Япон сүмоч болж, ард түмнээ баярлуулж чадсан аварга юм. Тэрбээр 2018 оны хаврын тэмцээнд дахин түрүүлсэн ч хүнд гэмтэл авч найман башё дараалан өнжиж, 2019 оны нэгдүгээр сарын тэмцээнд зодог тайллаа. 

 

 

"Болор дуран"-аар шалгав.
Энэ мэдээнд өгөх таны сэтгэгдэл?
14
ЗөвЗөв
11
ХарамсалтайХарамсалтай
1
ХөөрхөнХөөрхөн
0
ХахаХаха
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Сүмоч 2019-01-16 66.181.161.77

Манай сагсуу энэ хүнээс суралцах хэрэгтэй

Avatar

зочин 2019-01-16 202.21.106.138

хөөрхий дөө.манай монголчуудын эрин таараагүй байсан бол ч олон удаа түрүүлэх байсан юм.ер нь бол сайн бөх шүү.амжилт хүсье.

Avatar

zochin 2019-01-16 203.217.138.2

Мэргэжлийн сумогоор барилдаж байгаа манай бөхчүүдтэй хамгийн сайн барилдаж байсан япон бөх бол Кесиносато. Түүнд сайн сайханыг хүсье.

Avatar

Сумо сонирхогч 2019-01-16 66.181.186.43

Эр хурга

Avatar

Зочин 2019-01-16 192.82.65.224

13 dugaar zuund ezlej chadaagui Japaniig 21 dugeer zuund Buhchuud baani avrguud maani elzej baih shiv.. aguu aguu

Avatar

Бат 2019-01-16 203.217.138.1

Махаа идэж, айрагаа ууж өссөн Монгол хүмүүсийн дэргэд будаа, ногоохон идэж өсдөг Япон хүмүүсийн арал, яс, цус нь яагаад ч гүйцэхгүй л дээ… Үнэхээр чанар дутагдаж байна. Гэтэл кисэносатогоос насаар хамаагүй ах Дагвадорж, Бямбадорж аваргууд хүн амьтан зодож танхайрч, өөрийн буруугаас болж зодог тайлаагүй бол өдийд барилдаж байна ш дээ. Монгол хүний яс, чанар гэж өөр л дөө…

Avatar

Зочин 2019-01-16 199.49.15.128

Яг үнэн. Ухамсар ч мөн адил өөр. Тийм учраас л Япон Монгол 2ын хөгжлийн зөрөө байгаа юм даа.

Avatar

зочин 2019-01-16 64.119.25.232

ямар шудрага тэмцээн бэ гайхалтай

Avatar

Зочин 2019-01-16 64.119.25.232

ямар шудрага тэмцээн бэ гайхалтай

Avatar

Зочин 2019-01-16 103.206.195.163

Сумогийн өрсөлдөөн энэ аваргын амжилтад маш их түлхэц өгсөн. Сумогийн холбоо энэ хүнд маш их дэмжлэг үзүүлсэн байх. Бараг анхны тохиолдол байх. Даан ч болсонгүй юм байх даа. Сэтгэлзүй, сэтгэлийн хат л бага зэрэг дутав уу даа. Цаашдынх нь амьдралд аз жаргал, их амжилтыг хүсэн ерөөе. Ах Таканахано шигээ муухай зүйлд бүү орооцолдоосой. Сумогийн олон бөхчүүд бэлтгэж Их сумод хувь нэмрээ оруулах нь дамжиггүй.

Avatar

Bold o 2019-01-16 223.38.24.207

Hund gar hurch sumogoos hoogdchihood yapanuud bodlogotoi havchaad gargasan ni unene geed l

Avatar

ZOCHIN 2019-01-16 106.69.46.78

HUMUUJILTEI ,EGEL DARUUHAN SHUDARGA YMAA.

Avatar

зочин 2019-01-16 103.57.92.105

хүнд ач санаж явдаг сайн хүмүүжил сайн ухамсар хүн өмнө хэн байсан одоо хэн болсноо байнга санаж байх нь өнөөдрийн амжилтын үр дүн ирээдүйн аз жаргал

Avatar

Kk 2019-01-16 139.5.217.216

Mongolchuud diildehguee. Sumogoor barahgui. 200 jil noyolnoo. Sumogiin ardiin huvisgal yalj bj l japan sumo turnu

Avatar

Зочин 2019-01-16 202.9.43.255

Монгол аваргууд чинь мань хүнд шавар болсон доо. Япон хүн болохоороо баярладаг юм байлгүй

Avatar

Ганбаатар 2019-01-16 66.181.185.74

монгол сүмоч ингээд зодог тайлсан бол, яг сайхан болоод аврага цол аваад алаад өгөх гэсэн чинь муусайн японууд хавчаад болиулчлаа л гэх байсан даа.

Avatar

Хаян 2019-01-16 202.9.45.33

Үнэн үнэн. Яг л тийм сэтгэхүйгээр хөглөгдсөн үнэдстэн шүү дээ, Монголчууд гэдэг чинь.

Avatar

Равдан 2019-01-16 139.5.217.99

Хуцаад л байх юм даа.

Avatar

Зочин 2019-01-16 103.87.255.42

Харин тиймээ Сумогийн талаар ядаж анхан шатны ойлголтгүй байж л худлаа чалчаад байх юм. Энд Японы Сумогийн холбоо бөхчүүдийг гадын дотны гэж огт ангилдаггүй, зөвхөн сумо бөхийн дэг жаяг, нэр хүнд, соёл талаас нь л бүх шийдвэрийг гаргадаг хамгийн шударга, ёс зүйтэй газар. Мэдлэг, мэдээлэл байхгүйгээ мэдсээр байж өөрсдийнхөө үзэмжээр худлаа бурж бие биенээ хөөргөхөө хэзээ болих юм бол доо манайхан.

NewsMN Гар утасны хувилбар Татах
NEWS.mn

Мэдээллийн эх сурвалж