Жүжигчин Вин Дизель өнгөрсөн долоо хоногт аав болсноо баяртайгаар зарласан билээ. Түүний найз бүсгүй Палома Жименез өнгөрсөн долоо хоногт амаржиж, охин төрүүлсэн аж. Вин Дизель охиндоо утга учир бүхий онцгой нэр өгчээ. Тэрээр “Галзуу хурд” кинонд хамтран тоглогч, сайн найз Пол Волкерийг дурсан охиндоо Полина гэх нэр хайрласан байна.

Жүжигчин Пол Волкер 2013 оны арваннэгдүгээр сард автомашины ослоор нас барсан билээ. Тэрээр “Галзуу хурд 7” киноны зураг авалтыг гүйцээж чадаагүй юм. “Галзуу хурд” киног үргэлжлүүлэхийн тулд Пол Волкерын оронд ахтайгаа төстэй дүү Кодиг тоглуулсан билээ.

Б.АНХТУЯА

Эх сурвалж: Huffington post