Барбадосын дуучин Рианагийн гаргасан “Fenty” нэрийн гоо сайхан, нүүр будалт, дотуур хувцасны бүтээгдэхүүний брэнд нь бүсгүйчүүдийн дунд ихээхэн алдаршиж байгаа билээ. Харин авьяаслаг, мэдрэмжтэй залуу уран бүтээлч бүсгүй “Fenty” хэмээх нэрийг бизнестээ ашигласан хэргээр өөрийн эцэг Роберт Фэнтиг АНУ-ын шүүхэд дуудуулжээ. Учир нь дуучин Риана “Fenty” хэмээх нэрийг оюуны өмчөөр баталгаажуулж худалдааны тэмдгийг эзэмшдэг юм байна.

Түүний эцэг Роберт Фэнти Рианаг өөрийн байгуулсан “Fenty Entertainment” компанийн нэрийн доор бүтээгдэхүүнээ гаргадаг хэмээн худал мэдээлэл тараасан гэж үзсэн учраас ийм шийдвэрт хүрчээ. Шүүхэд гомдол мэдүүлснийхээ дараа эцгийнхээ эзэмшдэг “Fenty Entertainment” компани руу энэ үйлдлээ зогсоохыг шаардсан албан бичиг явуулсан байгаа ч одоогоор ямар нэгэн хариу өгөөгүй байгаа гэнэ. Рианагийн эцэг Роберт Фэнти 2017 онд өөрийн хамтрагч Мосес Перкинстэйгээ хамтран “Fenty Entertainment” компанийг байгуулснаас хойш эцэг охины харилцаа муудаж эхэлсэн хэмээн хэвлэлүүд бичсэн байдаг.

Эх сурвалж:BBC