Судалгааны Numbeo байгууллага дэлхийн улс орны хамгийн таатай хотуудын жагсаалтыг гаргажээ. Жагсаалтад нийт 226 хот нэрлэгдсэнээс ОХУ-ын таван хот багтсан байна. Оросын таван хотоос жагсаалтын дээгүүрт буюу 109 дүгээрт Нижний Новгород хот жагсчээ. Санкт-Петербург 182, Москва 191, Екатеринбург 199, Новосибирск 206-д багтсан байна.

Жагсаалтын эхний тавд Австралийн Канберра, Голландын Эйндховен, АНУ-ын Роли, Австралийн Аделаида, Швейцарийн Цюрих хотууд багтсан байна. Харин жагсаалтын сүүлийг Филиппиний нийслэл Манила, Хятадын нийслэл Бээжин, Бангладешийн нийслэл Дакка, Нигерийн нийслэл Лагос, Венесуэлийн нийслэл Каракас хотууд мушгижээ.

Numbeo энэхүү жагсаалтыг гаргахдаа найман үзүүлэлтийг харгалзан гаргадаг. Тухайлбал, хотын иргэдийн худалдан авах чадвар, аюулгүй байдал, эрүүлийг хамгаалах тогтолцоо, амьдралын өртөг, үл хөдлөх хөрөнгийн үнэлгээ, иргэдийн мөнгөн орлого, нийтийн тээврийн ачаалал, байгаль экологийн цэвэр байдал гэсэн үзүүлэлтэд үндэслэн жагсаадаг байна.

Эх сурвалж: РИА НОВОСТИ