АНУ-ын Аризона мужийн Флагстафф хотод өчигдөр /2019.01.14/ их хэмжээний шоколад тээвэрлэж явсан ачааны машин осолдож, шоколад замын хажуугаар гол мэт урссан байна. Ойролцоогоор 13 мянган литр шоколад зам дээр асгарснаас болж замын хөдөлгөөнд саад учирч, тус мужийн Нийтийн аюулгүй байдлын албанаас туслахаар хүн хүчээ илгээжээ.

Шоколадыг агуулж явсан чиргүүл машинаас салж, шоколад асгарснаас өөр хохирол учраагүй гэжээ. Тусламжийн багийнхан зам дээр асгарсан шоколадыг цэвэрлэх, үлдсэн шоколадыг соруулахаар нэг цагийн турш ажилласан байна. Нийтийн аюулгүй байдлын албаны тусламжийн багийнхан “Ийм их хэмжээний шоколадыг зүгээр л урсгаад хаясан ч маш амттай цэвэрлэгээ байлаа” хэмээн сэтгэгдлээ хэлжээ.

Эх сурвалж: ABCNEWS