Хүүхдийн орны ачаалал 53.2 хувиар хэтэрчээ | News.MN

Хүүхдийн орны ачаалал 53.2 хувиар хэтэрчээ

Хүүхдийн орны ачаалал 53.2 хувиар хэтэрчээ

Хүүхдийн орны ачаалал 53.2 хувиар хэтэрчээ

Томуу, томуу төст өвчний нөхцөл байдал, авч хэрэгжүүлж буй арга хэмжээний талаар өнөөдөр /2019.01.15/ Эрүүл мэндийн яамны хурлын танхимд холбогдох мэргэжилтнүүд мэдээлэл хийлээ.


Улсын хэмжээнд томуу, томуу төст өвчний тархалт 2019 оны нэгдүгээр сарын эхний долоо хоногт амбулаторийн үзлэгийн 9.3 хувийг эзэлж байна. Энэ тоо нь үзүүлэлт нь өнгөрсөн оны мөн үеэс 0.6 хувиар бага байгаа ч томуугийн А хүрээний /H1N1/ вирус, томуугийн 4-5 вирус давхар эргэлтэд байна. Энэ нь бага насны хүүхдүүд уушгины хатгаагаар хүндрэх гол шалтгаан болж байгааг мэргэжилтнүүд хэлж байв.

Эрүүл мэндийн яамны мэргэжилтэн Д.Нарангэрэл “Энэ жилийн нийт амбулаторын үзлэг өнгөрсөн гурван жилийнхээс харьцангуй бага боловч эмнэлэгт хэвтэн эмчлүүлэх хүүхдийн тоо өнгөрөгч гурван жилийн үзүүлэлтээс өндөр байна. Өнөөдрийн байдлаар лабораторын шинжилгээний 40 хувийг А хүрээний /H1N1/ вирус эзлэх хандлагатай байна. Энэ байдлыг ажиглахад уламжлалт цагаан сарын баярын үеэр томуу, томуу төст өвчний дэгдэлт бүс нутгийн хэмжээнд бус улсын хэмжээнд томуугийн дэгдэлт гарах өндөр магадлалтай байна ” гэв.

ХҮҮХДИЙН ОРНЫ АЧААЛАЛ 53.2 ХУВИАР ХЭТЭРСЭН

Нийслэлийн хэмжээнд томуу, томуу төст өвчин амбулаторийн үзлэгийн 7.1 хувийг эзэлж байна. Энэ нь өнгөрсөн оны мөн үеэс 0.3 хувиар их гэсэн судалгаа гарчээ. Мөн нэгдүгээр сарын 14-ний өдрийн байдлаар нийслэл дэх хүүхдийн эмнэлгийн нийт 977 ор дээр 1497 хүүхэд хэвтэн эмчлүүлж байна. Үүний 1359 нь амьсгалын замын өвчтэй хүүхэд байгаа ажээ. Ингэснээр хүүхдийн орны ачаалал 53.2 хувиар хэтрээд байгаа юм.

Он гарснаас хойш хоёр аймагт амьсгалын замын цочмог хүнд халдварын улмаас хоёр хүүхэд энджээ.

ТОМУУГИЙН ЭМЧИЛГЭЭНД ЗОРИУЛАН 1888 ТУН ТАМИФЛЮГ НИЙЛҮҮЛСЭН

ДЭМБ-ын мэргэжилтэн О.Ариунзаяа “Дэлхийн 114 оронд хэрэгждэг тандалт судалгааны сүлжээнд Монгол Улс 1978 оноос хойш нэгдсэн. Гэхдээ 2002 оноос хойш бүтэн жилийн турш томуугийн сорьцыг цуглуулж, дүн шинжилгээ хийж ирсэн. Томуугийн цар тахлын бэлэн байдлыг судлахад Монгол Улсад 152 томуугийн нэгжээс сорьц авч, дүн шинжилгээ хийдэг. Өнгөрсөн жилийн хувьд нэг дэх долоо хоногоос 51 дэх долоо хоног хүртэл 1384 сорьц цуглуулж, 294 сорьцод томуугийн вирус илэрсэн.

Дэлхий нийтэд улирлын томуугаар жил бүр 650 мянган хүн нас барж байна. Нийтдээ нэг тэрбум хүн улирлын томуугаар өвддөг гэсэн судалгаа бий. Гэхдээ томуугаас урьдчилан сэргийлэх бүрэн боломжтой.

Тамифлю эмийг нийгмийн эрсдэлтэй бүлгийн хүмүүст эмнэлгийн байгууллагаар дамжуулан хэрэглэдэг. Энэ эмийг 48 цагийн дотор эрт өгвөл эмчилгээний үр дүнтэй. Дэлхийн эрүүл мэндийн байгууллагаас томуугийн улиралд эмчилгээнд зориулан 1888 тун тамифлюг нийлүүлж байгаа. Энэ эмийг зөвхөн эмчийн заавраар эмнэлэгт хэрэглэж болно” талаар ярилаа. 

Холбоотой мэдээ

Д.Сарангэрэл: Коридорт гудас тавьж хүүхэд хэвтүүлэхгүй байгаа

Д.Сарангэрэл: Коридорт гудас тавьж хүүхэд хэвтүүлэхгүй байгаа

ӨНДӨР ХАЛУУРЧ, БӨӨЛЖИХ, СУУЛГАХ, НҮД ҮРЭВСЭЖ, ХООЛОЙ ӨВДӨХ ШИНЖ ИЛЭРЧ БАЙНА

Эх хүүхдийн эрүүл мэндийн үндэсний төвийн Хүүхдийн поликлиникийн эмч У.Цэвэгмид “Өнөөдрийн байдлаар манай төвд томуугаар хүндэрсэн хүүхдүүд ихээр хандаж байна. Манай төв нэг тасгийг хааж, томуугаар өвдсөн хүүхдүүдээ хүлээн авч байна. Хүүхдүүд маш өндөр халуурч, бөөлжих, суулгасан, нүд үрэвссэн, залгиур хоолой өвдөх зэрэг хордлогын шинж илэрч байна. Эдгээр хүүхдүүдэд амьсгалын дутлын шинж бас илрээд байгаа. Тиймээс яаралтай тусламж дээр ажиллаж буй эмч мэргэжилтнүүдийн ажлын ачаалал их нэмэгдэж байна. Тиймээс гадуур хүүхдээ гаргахгүйгээр халуун хоол хүнс өгч, урьдчилан сэргийлэх арга хэмжээг авах хэрэгтэй байна. Эмнэлгийн байгууллагуудын хувьд хүний нөөцийн зохицуулалтыг хийх шаардлагатай байна ” гэлээ.

 

 

"Болор дуран"-аар шалгав.
Энэ мэдээнд өгөх таны сэтгэгдэл?
2
ХарамсалтайХарамсалтай
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-01-15 203.91.115.43

er ni shinelehgui bsan ni deer. hugshchuud ni zeel avch urund orno. huuhduud ni iim bolno. zaaval ingen barin bayr hiih albagui.

Avatar

Зочин 2019-01-15 73.71.129.114

Sarangerel gej neg hudlaa emee boliosoi

Avatar

Зочин 2019-01-15 202.21.106.149

lalriin site comment ni orood bgamu gui ch ymuu sda

Avatar

Зочин 2019-01-15 45.117.35.7

Энэ нэг инээсэн авгай одоо сайдаа болиочээ. Ард түмний эрүүл мэндийг хамгаалах ёстой хүн нь коридорт гудас тавиагүй гээд солиорч байхаар хөрсөн дээр юм ярьцгаа

Avatar

Зочин 2019-01-15 202.9.42.41

Зассс энэ хуухэд муухэд хэнд хамаатайн их хурлын даргын суудал гэж чухал асуудал байна

Avatar

Зочин 2019-01-15 182.160.2.15

huuhed nas barj baihad YABZ ni huraldahgui murtluu neg huniig unagah sandal suudliin heruul bolohoor YABZ ni ajilladag mongol shig baliar uls bainuu

Avatar

Зочин 2019-01-15 182.160.0.105

Наадхаа дээш нь ярих хэрэгтэй. Тэр ҮАБЗ, УИХ, ЗГ-таа хэл. Тэнд уул нь хариуцах ёстой. ШИРЭЭ сандал хэрүүл маргаан хийж байна.

Avatar

Иргэн 2019-01-15 202.179.25.246

Хоёр байтугай хүүхэд эндсэн дээ, худлаа нууцалдаг юм чинь

Avatar

Зочин 2019-01-15 103.229.123.239

Sod-toi haluun buleen suu ih sain bnlei shu! Suu uulgachd, ogt dasruulhgui, saihan dulashan untuulchihd, huuhed hed honood sergeed bosood irsn..

Avatar

Зочин 2019-01-15 202.170.80.25

Анхнаасаа бүх бага насны хүүхдүүдийг томуугын вакцинд төрөөс даагаад хамруулах хэрэгтэй. Тэгвэл ингэж өвчлөх нь багасана ш дэ. төлбөртэй эмнэлэгүүдэд хүүхдүүд тэр бүр вакцинд хамрагдах боломжгүй.

NewsMN Гар утасны хувилбар Татах
NEWS.mn

Мэдээллийн эх сурвалж