Томуу, томуу төст өвчлөлийн дэгдэлт ихэсч байгаатай холбогдуулан Эрүүл мэндийн сайд Д.Сарангэрэл 0-5 насны хүүхэдтэй эцэг эхчүүд, асран хамгаалагчдад гурваас тав хоногийн цалинтай чөлөө олгох саналыг өнөөдөр /2019.01.15/ болсон Улсын онцгой комиссын хуралдааны үеэр гаргалаа.

Уг саналын талаар ХНХ-ын сайд С.Чинзоригтой урьдчилсан байдлаар ярилцсан гэдгийг Эрүүл мэндийн сайд Д.Сарангэрэл тодотголоо. Маргааш Засгийн газрын хуралдаанаар дээрх саналыг хэлэлцэх ажээ.