Цагдаагийн хурандаа нар хоорондоо зодолдож, нэгнийгээ гэмтээсэн талаар бид өмнө нь мэдээлсэн. Тодруулбал, нэгдүгээр сарын 12-13-нд шилжих шөнө Цагдаагийн ерөнхий газрын Дотоод хяналт шалгалтын хэлтсийн хурандаа н.Ариунбат, нийслэлийн Цагдаагийн газрын Хэв журмын хэлтсийн хурандаа н.Отгонжаргал нар согтуурсан байх үедээ хоорондоо маргалдан зодолдож, улмаар нэгнийхээ тархи толгойг гэмтээсэн байна.

Тэдэнд ямар арга хэмжээ авах талаар Цагдаагийн ерөнхий газрын дарга, хурандаа С.Баатаржаваас тодруулахад “Зодоон хийсэн хурандаа нарт хариуцлага тооцож, ажлаас нь чөлөөлнө” гэлээ.