Монголын боксын шигшээ багийн оны өмнө улсын аварга шалгаруулах тэмцээнийг зохион байгуулж энэ онд олон улсын тэмцээнд оролцох тамирчдаа сонгон шалгаруулсан билээ. Тэгвэл үндэсний шигшээ багийн хоёр тамирчин болох Б.Чинзориг, Э.Цэндбаатар нар Ази тивийн шигшээ багт багтаж, Ази-Европ тивийн халз тулаанд оролцохоор болсон байна. Энэхүү тулаан ирэх хоёрдугаар сарын 2-д Чех улсын Прага хотод болохоор болжээ.

Ази тивийн шигшээ багт багтаад байгаа боксын үндэсний шигшээ багийн гишүүн, ОУХМ Б.Чинзориг (“Алдар” спорт хороо, “Монголын зэс корпораци”), Э.Цэндбаатар (Сүлд, “Ажнай” корпораци) нарыг гавьяат дасгалжуулагч А.Гантулга (Алдар) дасгалжуулж байгаа аж.