Хар арьстнууд 70 жилийн дараа цагаатгагджээ | News.MN

Хар арьстнууд 70 жилийн дараа цагаатгагджээ

Хар арьстнууд 70 жилийн дараа цагаатгагджээ

АНУ-д 1949 онд арьс өнгөөр ялгаварлах үзэл дээд цэгтээ хүрсэн гэж хэлж болно. “Грувландын дөрвийн хэрэг” бол арьс өнгөөр ялгаварлах үзлийн нөлөөгөөр цагаан арьстнуудын зохиосон зохиомол хэрэг хэмээн үзэн тэдэнд ийнхүү нөхөн өршөөл үзүүлэхээр болжээ.

Хар арьстнууд 70 жилийн дараа цагаатгагджээ

АНУ-ын Флорида мужийн Лэйк дүүрэгт одоогоос 70 жилийн өмнө буюу 1949 онд хүчингийн хэрэгт гүтгэгдсэн дөрвөн хар арьст иргэнийг нөхөн цагаатгажээ. Тэдний хэрэг АНУ-ын түүхнээ “Грувландын дөрвийн хэрэг” хэмээн тэмдэглэгдсэн байдаг.

Тухайн үед 17 настай байсан өдгөө 87 настай хохирогч гэх эмэгтэй дээрх дөрвөн иргэнийг нөхөн цагаатгах шүүхийн шийдвэрийг эсэргүүцэж байсан ч Флорида мужийн шинэ захирагч Рон ДеСантис болон мужийн шүүхийн зөвлөлийн бүх гишүүд санал нэгтэйгээр дэмжиж тэднийг хэлмэгдсэн болохыг зарлан цагаатгах шийдвэрийг гаргасан байна. Уг нь 2017 онд Флорида мужийн төлөөлөгчдийн танхим энэ хэргийг хэлэлцэж хэлмэгдэгсдийг цагаатгаж, ар гэрийнхнээс нь уучлалт гуйх шийдвэр гаргаж байсан ч тухайн үед мужийн захирагч байсан Рик Скот үүргээ биелүүлээгүй аж.

АНУ-д 1949 онд арьс өнгөөр ялгаварлах үзэл дээд цэгтээ хүрсэн гэж хэлж болно. “Грувландын дөрвийн хэрэг” бол арьс өнгөөр ялгаварлах үзлийн нөлөөгөөр цагаан арьстнуудын зохиосон зохиомол хэрэг хэмээн үзэн тэдэнд ийнхүү нөхөн өршөөл үзүүлэхээр болжээ.

Флорида мужийн Лэйк дүүрэгт 17 настай цагаан арьст охин өөрийгөө хүчиндүүлсэн хэмээн цагдаад мэдэгдэж Эрнест Томас, Чарльз Гринли, Уолтер Ирвинг, Самуэл Шеперд нарын дөрвөн хар арьст эр энэ хэргийн сэжигтнээр татагдсан байна. Цагдаа нар тэдний гурвыг нь барьж чадсан ч Эрнест Томас оргон зугтжээ. Удалгүй Эрнест Томасыг эрлийн багийнхан модны доор нуугдан унтаж байхад нь олж 400 гаруй удаа буудан хороосон байна. Эрлийн багт 1000 гаруй цагаан арьст эрчүүд нэгдсэн байсан гэж тухайн үеийн хавтаст хэрэгт тэмдэглэжээ.

Үүний дараа шүүх эмнэлгийн дүгнэлт гарч дээрх дөрвөн залуу ийм хэрэг үйлдээгүй гэдэг нь нотлогдсон ч эмнэлгийн дүгнэлтийг хэрэгсэлгүй Гринлид бүх насаар нь хорих ял, нөгөө хоёрт нь цаазын ял оноосон юм. Энэ хэргээс үүдэн цагаан арьстнуудын дунд хөдөлгөөн өрнөж хар арьстнуудын амьдардаг хороолол руу дайран гэр орныг нь галдан шатааж эхэлжээ.

1951 онд АНУ-ын дээд шүүх анх удаа Африк гаралтай шүүгчтэй болж Тургүүд Маршалл гэх хар арьст эр шүүгчээр томилогдон давж заалдсан Ирвин, Шеперд нарын хэргийг дахин шүүхээр болсон байна. Шүүх хурал болох өдөр Шеперд, Ирвинг хоёр шоронгоос шүүх рүү явах замд оргох оролдлого хийсэн хэмээн дүүргийн цагдаа тэднийг бууджээ. Шеперд газар дээрээ амь үрэгдэж, Ирвинг хүзүүндээ шархадсан ч түүнийг хар арьстай гэх шалтгаанаар эмнэлэг хүлээж аваагүй байна.

Ирвингийг үргэлжлүүлэн хорьж тэр давж заалдах хүсэлтээ удаа дараа илэрхийлсээр байсан ч цагаан арьст шүүгчид түүний хүсэлтийг огт хүлээж аваагүй юм. Ингээд 1968 онд өршөөлийн хуулиар суллагдсан Ирвинг жилийн дараа өөд болсон гэдэг.Бүх насаараа хоригдох ялтай байсан Гринли 1960 онд өршөөгдөн, 2012 онд зуурдаар нас барсан байна.

эх сурвалж:NBCNEWS

 

"Болор дуран"-аар шалгав.
Энэ мэдээнд өгөх таны сэтгэгдэл?
14
ХарамсалтайХарамсалтай
2
ХахаХаха
1
ЗөвЗөв
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

малчин 2019-01-13 203.91.115.42

Ардчилал гэж хулгайч нарын нийгэм

Avatar

Хабиб 2019-01-13 95.120.224.204

Одоо ч гэсэн шууд буудаад л байгаа шуу дээ. Юу ч еерчлегдеегуй.

Avatar

Зочин 2019-01-13 66.181.160.101

хийх ажилгүй нэтээс үгийн алдаа хайж суудаг хэнд ч хэрэггүй юмнууд

Avatar

zochin 2019-01-13 66.181.160.67

Tuilshrah iim ayultai.Hunii negen nasnii amidraliig gants hunii ugeer duusgaj bdag.Uneheer haramsltaI.Odoo Enhbold bolon tuuniig ogtsruulah geed bgaa manaihan geendee ch goondoo ch bgaa haa haanaa uhamsrtai bmaar bnaa.

Avatar

Зочин 2019-01-13 66.181.189.144

Garchig n hurtel aldaatai. Tiim bolohoor unshih ch husel alga

Avatar

хуцалгүй унш 2019-01-13 195.176.3.24

чиний сайттай болоод мэдээлэл орчуулж байгаа чинь хаана байна

Avatar

Зочин 2019-01-13 64.119.21.129

Залуучууд орчуулга, найруулгаа сайн боловсруулж бичиж байгаач ээ.

NewsMN Гар утасны хувилбар Татах
NEWS.mn

Мэдээллийн эх сурвалж