Хойд Америкийн НБА-н Сан-Антонио Спөрс баг өнөөдөр Оклахома Сити Тандер багийг 154-147 харьцаатай буулгаж авлаа. Тоглолт маш сонирхолтой, ширүүн явагдаж 2 удаа цаг сунгасан тоглолтонд Г.Поповичийн шавь нар ялалт байгуулсан.
Гэхдээ үүнээс илүү нэгэн сонирхолтой статистик тус тоглолтонд бичигдсэн нь дасгалжуулагчийн амжилт байв. Сан-Антонио Спөрс багийн дасгалжуулагч Г.Попович НБА-д дасгалжуулагчийн карьерынхаа 1222 дахь ялалтаа авч Ж.Слоуны 1221 удаа ялалт байгуулсан амжилтыг давж бүх-цаг үеийн 3-рт бичигдлээ. Г.Попович өнгөрсөн оны 12 сарын 11-нд 1211 дэх ялалтаа байгуулж П.Рэйли дасгалжуулагчийн амжилтын өмнө 4-рт ороод байсан бол ийнхүү дахин нэг байр ахиж байна.
НБА-Д ХАМГИЙН ОЛОН ЯЛАЛТ АВСАН ДАСГАЛЖУУЛАГЧИД:
- Д.Нельсон – 1335 ялалт (Милоуки Бакс, Голден Стэйт Уорриорс, Нью-Йорк Никс, Даллас Маверикс)
- Л.Уилкенс – 1332 (Сиэтл Суперсоникс, Портлэнд Трэйл Блэйзерс, Кливленд Кавальерс, Атланта Хаукс, Торонто Рэпторс, Нью-Йорк Никс)
- Г.Попович – 1222 (Сан-Антонио Спөрс)
- Ж.Слоун – 1221 (Чикаго Буллс, Юта Жазз)
- П.Рэйли – 1210 (Лос-Анжелес Лейкерс, Нью-Йорк Никс, Миами Хит)
- Ж.Карл – 1175
- Ф.Жексон – 1155
- Л.Браун – 1098
- Р.Аделман – 1042
- Б.Фитч – 944
Б.БЯМБАБАЯР
