ХААИС-ийг Хөдөлмөрийн гавьяаны улаан тугийн одонгоор шагналаа | News.MN

ХААИС-ийг Хөдөлмөрийн гавьяаны улаан тугийн одонгоор шагналаа

Хуучирсан мэдээ: 2019.01.11-нд нийтлэгдсэн

ХААИС-ийг Хөдөлмөрийн гавьяаны улаан тугийн одонгоор шагналаа

ХААИС-ийг Хөдөлмөрийн гавьяаны улаан тугийн одонгоор шагналаа

Монгол Улсын Ерөнхийлөгч Х.Баттулга зарлиг гаргаж Монгол Улсын Хөдөө аж ахуйн их сургуулийг өнөөдөр Төрийн дээд шагнал Хөдөлмөрийн гавьяаны улаан тугийн одонгоор шагналаа.

Монгол Улсын Ерөнхийлөгч Х.Баттулгын Хөдөлмөрийн гавьяаны улаан тугийн одонгоор шагнах зарлигт:

“Мал аж ахуй, ургамал хамгаалал, газар тариалан, мал эмнэлэг, нийгэм, эдийн засгийн чиглэлийн дээд боловсролтой мэргэжилтнүүдийг тасралтгүй бэлтгэж, тус салбаруудыг системтэй, үр өгөөжтэй хөгжүүлэх боломжоор хангаж, сургалт судалгааг хослуулан Монгол Улсын хөдөө, аж ахуйн хөгжил дэвшилд үнэлж баршгүй хувь нэмэр оруулсан сургуулийн үе үеийн ажилтан албан хаагч, багш эрдэмтдийн хичээл зүтгэлийг үнэлж Хөдөө, аж ахуйн их сургуулийг Хөдөлмөрийн гавьяаны улаан тугийн одонгоор шагнасугай” гэжээ.

Энэхүү зарлигийг уншиж танилцуулсны дараа Монгол Улсын Ерөнхийлөгч Х.Баттулга Хөдөлмөрийн гавьяаны улаан тугийн одонг сургуулийн туганд хүндэтгэлтэйгээр зүүн өгч, батламж гардууллаа. Мөн тус сургуулийн эрдэмтэн багш нар, үе үеийн төгсөгч, оюутан суралцагч, ажилчдад баяр хүргэж үг хэлэв.

Монгол Улсын Ерөнхийлөгч Х.Баттулга:

“Эрхэм хүндэт эрдэмтэн, багш, оюутнууд аа!

Жаран жилийн тэртээ, Монгол Улс хөгжлийн шинэ үе шатанд дэвшин орохын тулд хөдөө аж ахуй, аж үйлдвэрийн орон болох зорилт дэвшүүлж, хөдөө аж ахуйн салбарт түүхэн өөрчлөлт, шинэчлэл хийсэн билээ. 1958 онд мал аж ахуй, газар тариалангийн салбарт дээд боловсролтой мэргэжилтэн бэлтгэх бодлогыг өргөтгөж, Хөдөө аж ахуйн дээд сургуулийг мал эмнэлэг, зоо техник, агрономийн гэсэн гурван салбартайгаар анх байгуулж байжээ.

Хөдөө аж ахуйн салбарын мэргэжилтэн бэлтгэх судалгаа шинжилгээний гол төв болсон Хөдөө аж ахуйн их сургууль нь манай улсын нийгэм эдийн засгийн хөгжилд гарамгай гавьяа байгуулсан юм. ХААИС нь өнөөдрийг хүртэл 5523 малын эмч, 6177 мал аж ахуйн мэргэжилтнүүд, 5116 хөдөө, аж ахуйн инженер, 7765 агрономич, 8154 эдийн засагч, нягтлан бодогчдыг сургажээ.

Өнөөдөр улс орны өмнө нэн чухал зорилтууд тавигдаж байна. Уул уурхайгаас хамааралтай өрөөсгөл эдийн засгийг олон тулгууртай болгох, экспортод боловсруулсан бүтээгдэхүүний жин хэмжээг нэмэгдүүлэх зайлшгүй шаардлага тулгарлаа.

Монгол орны хөгжлийг хөдөө аж ахуйн салбаргүйгээр төсөөлөхөд бэрх. Гэвч 1990 оноос хойшх 28 жилд бид хөдөө аж ахуйн салбарыг хөгжүүлэх дорвитой бодлого, тодорхой зорилтгүй, зөвхөн урсгалаараа явж иржээ. Үнэн хэрэгтээ одоо манай улс уул уурхай хэмээх ганцхан салбараас хараат эдийн засагтай улс бөгөөд нэг салбараас хараат эдийн засагтай байх нь олон талын эрсдлийг дагуулж байгааг бид мэдэж байгаа. Өнөөдөр бид өндөр түвшинд эдийн засгийн хөгжил, улсын эдийн засаг ямар түвшинд байгааг бүгд мэдэх билээ. Уг нь манай улсын эдийн засгийн суурь салбар болсон хөдөө, аж ахуйг эрчимтэй бодлогоор хөгжүүлж чадвал уул уурхайгаас дутахааргүй орлого олох бүрэн боломжтой, чухал ач холбогдолтой салбар гэдэгтэй та бүхэн надтай санал нийлэх байх.

Эдийн засгийг олон тулгуурт болгож тэр дундаа ажлын байрыг олноор бий болгодог тогтвортой эдийн засгийн суурийг бий болгохын тулд хөдөө аж ахуйн бүтээгдэхүүнд суурилсан аж үйлдвэрийн цогцолборыг, түүхий эдийн чанарын цогц системтэй, бизнес, эдийн засгийн үр дүнтэй стратегийн хүрээнд, гадаад худалдааны зөв зохицуулалтуудыг эдийн засгийн хамтын ажиллагааны орнуудтай хэрэгжүүлэх нь Монгол Улсын эдийн засгийн нэн тэргүүний төрийн бодлого болоод байна.

Жишээлбэл, арьс ширний салбарын хувьд Итали, Австрали, Испани зэрэг улсууд технологи, бэлтгэн нийлүүлэлт, аж үйлдвэр, хүний нөөц болон худалдаа, санхүүгийн цогц бодлогуудыг урт хугацааны тууштай бодлогын хүрээнд нэгж арьснаас олох нэмүү өртөг шингээсэн бүтээгдэхүүн нь хамгийн өндөрт байна.

Миний бие Хөдөө аж ахуйн сайд байхдаа хөдөө, аж ахуйн салбарыг хөгжүүлэх, малчдын орлогыг баталгаатай болгох бодлого гаргаж, УИХ-аар батлуулж байсан. 2018 онд одоогийн Засгийн газар дээрх шийдлийн хүрээнд шийдвэр гаргаж Дарханд Арьс ширний аж үйлдвэрийн цогцолборыг байгуулах газар, дэд бүтцийг шийдэж өгсөн нь бодлогын ажлын эхлэл болох ёстой. Энэ ажил урагштай яваасай гэж хүсэж байна.

Малын тоо толгой 70 саяд хүрлээ. Малынхаа орлогыг дагаж амьдардаг 170 орчим мянган өрхийн амьдрал баталгаатай болох ёстой. Энэ манай улсын бодлого байх ёстой.

Бэлчээрийн даац хэтэрч, байгаль орчны доройтол эрчимтэй явагдаж, уур амьсгалын өөрчлөлт таамаглахын аргагүй төлөв байдалд орсон гээд олон асуудал байгаа боловч, гарах гарц, шийдлээ бид олж чадахгүй байна. Хөдөө аж ахуйн салбар нь өндөр хөгжсөн, энэ салбараас олон тэрбум ам.долларын экспорт хийж чаддаг улс орнуудын технологийг судалж, суурилуулж, хамтран ажиллана гэдгийг хэлмээр байна.

Эрхэм эрдэмтэн, багш, оюутнууд аа!

Хүн төрөлхтөн экологи, байгаль шинжлэл, биотехнологи, генийн инженерчлэлийн хөгжлөөс ихээхэн хамаарах болсон энэ цаг үед Та бүхэн мэдлэг оюун, ур чадвар туршлагаа эх орныхоо хөгжил шинэчлэлд бүрэн зориулна гэдэгт гүнээ итгэж байна.

Сайн, сайхан бүхнийг хүсэн ерөөе. Баярлалаа” гэв.

Эх сурвалж: PRESIDENT.MN

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

BOLD 2019-01-11 90.255.46.46

BURUU SHAGNAL. DEMII YUM

Avatar

МОНГОЛЫГ ЯЛСАН ЖАНХУУГ ОГЦРУУЛЬЯ ! 2019-01-11 122.201.24.49

Огцруулж зайлуулах бол Жанхуу Ухна Ми 3-г аль алиныг нь огцруулья. Ганц МИ-г зайлуулаад Жанхуу Монголын хаан болно гэж сэрүүн зүүдлээд байна уу? Оркуудын бөөс жанхууг баянхонгорын орк малууд, яармагийн дебилүүд, шоронгийн хадаасуудаас бүрдсэн босоо хөх ягааныхаас өөр дэмжих хүн байхгүй. Жанхуугийн асуудлыг нэн даруй УИХ-д импичмент үзүүлэх байдлаар оруулж ирээд огцруулах хэрэгтэй!!! Үхсэнээ хийгээд үлбэгэнээд айгаад байдаг юм бэ!!! Жанхууг огцруулах хангалттай олон үндэслэл гарч ирсэн, хуулийн м

Avatar

МОНГОЛЫГ ЯЛСАН ЖАНХУУГ ОГЦРУУЛЬЯ ! 2019-01-11 122.201.24.49

Оркуудын бөөс шоронд орохгүй гэж улсаас хулгайлсан мөнгөөр, мөн хадам ах путины хакер ажиллагаагаар, дээрээс нь 30-хан хувийн саналаар ерөнхийлөгч болсон шүү дээ!!! Яагаад 30 хувь гэж та асуугаач? Яагаад вэ гэвэл 2 дахь удаагийн санал хураалтанд нөгөө л анх санал өгсөн 30 хувь нь жанхуугаа дэмжсэн, дээрээс нь хадам ах путины хакер ажиллагаа ч энд голлон нөлөөлсөн!!! Яг үнэндээ бол яс үндэс төвд гаралтай жанхууг 30 хувь, хятад миеэ-г мөн адил 30 хувь нь дэмжиж, ард түмний 20 хувийн цагаан сонголт

Avatar

П.Ганхуяг 1991 онд Мал зүйн анги төгсөгч 2019-01-11 103.26.194.52

Төгссөн сугруулийнхаа үе үеийн эрдэмтэн багш нар, ажилтан, албан хаагчид Та бүхэнд халуун баяр хүргэж ажил, хөдөлмөр, эрдэм бүтээлийн өндөр амжилт хүсье. ХАА- салбарын боловсон хүчний уурхай болсон сургуулийн маань ажил үйлс мөнхөд мандан бадрах болтугай.

NewsMN Гар утасны хувилбар Татах
NEWS.mn

Мэдээллийн эх сурвалж