“Blue moon” арт галерейн гишүүн уран бүтээлч М.Болортуяа өөрийн бие даасан анхны уран бүтээлийн үзэсгэлэнгээ ирэх даваа гаригт буюу гуравдугаар сарын 23-нд “Blue moon” галерейн үзэсгэлэнгийн танхимд гаргах гэж буй. Түүний бүтээлүүдэд бяцхан амьтдын үр төл, шинэ ургацын ногоо, бороонд цантсан цонхнууд зэрэг нам гүм зөөлөн зураглалууд түлхүү агуулжээ. Эл  үзэсгэлэнгийн гол агуулга нь та бидний амьдралын алхам бүрт тааралддаг ч тэр болгон анзаараад байдаггүй агшин болоод юмсыг тодотгон, бидний дурсамжинд өөр өөрийн агуулгыг шингээн үлдээсэн байдгийг харуулахыг зорьжээ. Тухайлбал, бороо орж буй үеийн нууцхан ганцаардал, хөнгөн гунигийг илтгэсэн мэт цонхнууд, зураачийн урлан дахь натюрмортууд зэрэг 40 орчим усан будаг болон тосон будгийн бүтээлүүдээс уран зурагт дурлагсад дулаахан бөгөөд зөөлөн өнгө аясыг мэдрэх мөчийг харуулах гэнэ.

Реалист уран бүтээлч М.Болортуяагийн Art Boloria нэртэй үзэсгэлэн гуравдугаар сарын 23-нд “Blue moon” галерейн үзэсгэлэнгийн танхимд нээлтээ хийх юм байна.

Э.ТЭКҮ